ბრაზილიაში კორონავირუსით გარდაცვლილთა საერთო რაოდენობამ იტალიის მაჩვენებელს გადააჭარბა

ბრაზილიაში კორონავირუსით გარდაცვლილთა საერთო რაოდენობამ იტალიის მაჩვენებელს გადააჭარბა. ამის შესახებ ინფორმაციას CNN ავრცელებს.

ხუთშაბათს ბრაზილიამ განაცხადა, რომ ბოლო 24 საათის განმავლობაში ქვეყანაში კორონავირუსით 1 473-ზე მეტი ადამიანი გარდაიცავალა, რაც კიდევ ერთი რეკორდულად მაღალი მონაცემია.

ჯონ ჰოპკინსის უნივერსიტეტის ინფორმაციით, ბრაზილიამ იტალიის მაჩვენებლებს გადააჭარბა: იტალიაში ჯამში ვირუსით 33 689 ადამიანი გარდაიცვალა, ბრაზილიაში კი — 34 021. კორონავირუსით გარდაცვლილთა მაჩვენებლების მიხედვით მსოფლიოს პირველი სამეული შემდეგია: ამერიკა, ბრიტანეთი, ბრაზილია.

ბრაზილიის ჯანდაცვის სამინისტრომ განაცხადა, რომ ბოლო 24 საათში ქვეყანაში ვირუსი 30 925 ადამიანს დაუდასტურდა და მათი საერთო რაოდენობა 614 941-მდე გაიზარდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ბოლო ამბები:

გირჩევთ