პოლიტპატიმრები არ შემიწყალებია და გაითვალისწინეთ — სალომე ზურაბიშვილი ევროპარლამენტარს

პრეზიდენტი სალომე ზურაბიშვილი ტვიტერზე ეხმაურება პოლონელ ევროპარლამენტარ, ანა ფოტიგას განცხადებას, "საქართველოში პოლიტიკური პატიმრების შეწყალებაზე". ზურაბიშვილი ევროდეპუტატს მოუწოდებს, მხედველობაში მიიღოს ის, რომ მას "პოლიტპატიმრები" არ შეუწყალებია.

"სიზუსტისთვის, მე არ შემიწყალებია "პოლიტიკური პატიმრები", საქართველოში პოლიტიკური პატიმრები არ არსებობენ. მოხარული ვიქნები ეს ფაქტი გაითვალისწინოთ, როდესაც ამ თემაზე კომენტარს აკეთებთ", — წერს პრეზიდენტი ტვიტერზე.

To be precise, I did not pardon ‘political prisoners’. There are no political prisoners in Georgia. And I would be grateful for this fact to be taken into consideration when commenting on the Georgian situation. https://t.co/JgtKNOhry1
— Salome Zourabichvili (@Zourabichvili_S) May 18, 2020

ანა ფოტიგამ 15 მაისს დაწერა ტვიტერზე, რომ მიესალმება საქართველოს პრეზიდენტის მიერ პოლიტიკური პატიმრების, გიგი უგულავას და ირაკლი ოქრუაშვილის შეწყალებას.

"საქართველოს მოქალაქეები იმსახურებენ მხოლოდ პროგრესს. ველოდები 2020 წლის არჩევნების თავისუფლად და სამართლიანად ჩატარებას", — დაწერა ევროპარლამენტარმა.

ბოლო ამბები:

გირჩევთ