ჯანდაცვის მსოფლიო ორგანიზაციის დირექტორი ტედროს ედჰენო გებრეიესუსის თქმით, პანდემიის გავლენა ადამიანების ფსიქიკურ ჯანმრთელობაზე უკიდურესად შემაშფოთებელია.

გაეროში ამბობენ, რომ Covid-19 ხაზს უსვამს ფსიქიკური ჯანმრთელობაზე ზრუნვის კუთხით ინვესტიციების გაზრდის აუცილებლობას, რათა ფსიქიკური პრობლემების მასობრივი ზრდა არ მოხდეს.

"პანდემიის გავლენა ადამიანთა ფსიქიკურ ჯანმრთელობაზე უკვე უკიდურესად შემაშფოთებელია. სოციალური დისტანცია, დაინფიცირების შიში, ოჯახის წევრების დაკარგვა, რომელსაც თან ერთვის სამსახურის და შემოსავლის დაკარგვა, გავლენას ახდენს ადამიანის ფსიქიკურ ჯანმრთელობაზე", — აცხადებს ტედროს ედჰენო გებრეიესუსი.