5 უფასო ონლაინკურსი, რომელიც ხელოვნების ექსპერტად გახდომაში დაგეხმარება
თუ დრო გამოგითავისუფლდათ და მისი სასარგებლოდ გამოყენება გსურთ, პლანეტაზე ერთ-ერთი საუკეთესო მუზეუმი, MoMA, ხელოვნების ექსპერტთა ცოდნას სრულიად უფასოდ გაგიზიარებთ.
ვიცით, რასაც ფიქრობთ: თქვენ ალბათ, ცოტა არ იყოს და, შეგაწუხათ იმ სტატიების უწყვეტმა ნაკადმა, რომლებიც გვირჩევენ აუცილებლად სანახავ ფილმებს, აუცილებლად გასაკეთებელ აერობიკის ვარჯიშებს თუ აუცილებლად წასაკითხ წიგნებს. მსგავსი რეკომენდაციების კითხვა ახლა სტრესის გამომწვევიც კი შეიძლება იყოს, რადგან გამოთავისუფლებული დროის ქონისას მისი პროდუქტიულად გამოყენების ვალდებულებასაც გრძნობ. თუმცა, სინამდვილეში, ჩვენ ალბათ მთელი ათწლეული დაგვჭირდებოდა იმ საქმეების შესასრულებლად, რომელთა განხორციელებაც ან საკუთარი სურვილით განვიზრახეთ, ანკი — სოციალურ ქსელებში გავრცელებული თუ მეგობრებისგან მოცემული რჩევების საფუძველზე.
მაგრამ ამ უნიკალური შემოთავაზებისთვის ყურის დაგდება მაინც ღირს — მერე უკვე თქვენზე იყოს, გაითვალისწინებთ თუ არა რეკომენდაციას. საქმე ისაა, რომ ნიუ-იორკის თანამედროვე ხელოვნების მუზეუმი, MoMA, ხელოვნებათმცოდნეობაში ონლაინ კურსების სერიას გვთავაზობს, თანაც — სრულიად უფასოდ. განურჩევლად იმისა, ხელოვნების მოყვარული ხართ, ზოგადად ლამაზი ნივთები გხიბლავთ თუ, უბრალოდ, ძალიან მოიწყინეთ — ეს კურსები იდეალური საშუალებაა თვითიზოლაციაში დროის გასაყვანად; რომ აღარაფერი ვთქვათ თქვენი შემოქმედებითი თვალსაწიერის გაფართოებაზე.
თუ დაინტერესდით, ცადეთ ქვემოთ ჩამოთვლილ კურსთაგან რომელიმეზე დარეგისტრირება და დიდი შანსია, რომ არ ინანებთ: ხუთივე მათგანი ლაკონიურია, საინტერესო და ნებისმიერი ტიპის აუდიტორიაზე მორგებული.
1. მოდა როგორც დიზაინი
რის შესახებ არის?
კურსის განმავლობაში მოდის ინდუსტრიასთან დაკავშირებული დიზაინერები, ისტორიკოსები თუ მწარმოებლები დაწვრილებით განიხილავენ მსოფლიოს 70-მდე სამოსსა და აქსესუარს — დაწყებული კანტეს ქსოვილებით, გაგრძელებული 3D პრინტერით შექმნილი ჯინსებითა და კაბებით. ამ სამოსთა საშუალებით ექსპერტები ახლოდან და სულ სხვა თვალით შეგახედებენ იმაზე, თუ რას ვიცვამთ, რატომ ვიცვამთ, როგორ მზადდება ესა თუ ის სამოსი და რა დატვირთვას ატარებს ის.
რისთვის არის?
თქვენ გამოიმუშავებთ ინდუსტრიაში სამოღვაწეოდ საჭირო უნარ-ჩვევებს; მეტად დააფასებთ მოდის დიზაინს და შეძლებთ მის კონტექსტუალიზაციას; შეიტყობთ სამოსის არსებობის ეტაპების შესახებ; და, ამასთან, უკეთ გაიაზრებთ, რას ეფუძნება თქვენი არჩევანი ტანსაცმლის ვერბალურ ენასთან, ინდივიდუალურ თუ კოლექტიურ იდენტობებთან და ისეთ საკითხებთან დაკავშირებით, როგორებიცაა შრომითი ნორმები, გარემოსდაცვითი პრაქტიკები და სხეულის პოლიტიკა.
რამდენ ხანს გასტანს?
დაახლოებით, 21 საათს.
2. ფოტოების საშუალებით ხედვა
რის შესახებ არის?
ინსტაგრამის წყალობით ჩვენ ყველას თავი დიდებულ ფოტოგრაფებად წარმოგვიდგენია. თუმცა ეს კურსი მიზნად ისახავს, რომ მრავალფეროვანი იდეების, მიდგომებისა და ტექნიკების წარმოჩენით, ფოტოების დაფასებასა და მათ არსში ნამდვილად ჩაწვდომას შორის განსხვავება დაგანახოთ.
რისთვის არის?
თქვენ გამოიმუშავებთ საკმარის უნარებს იმისათვის, რომ უკეთ შეისწავლოთ და გააცნობიეროთ სხვადასხვა ტიპის ფოტოს შორის განსხვავებები; ისწავლით, რამხელა გავლენას ახდენს კონტექსტი ფოტოგრაფიის ჩვენეულ გაგებაზე; აღმოაჩენთ სახელოვნებო ექსპერიმენტების განსხვავებულ სახეებს; და გაიაზრებთ ფოტოგრაფიის როლს კულტურაში, რომელიც სულ უფრო მეტად ხდება ვიზუალზე დამოკიდებული.
რამდენ ხანს გასტანს?
დაახლოებით, 16 საათს.
3. რას წარმოადგენს კონტემპორარი
რის შესახებ არის?
თქვენ თანამედროვე ხელოვნებას 1980 წლიდან დღემდე შექმნილ 70 ნამუშევარზე დაკვირვების გზით გააანალიზებთ. გარდა ამისა, შესაძლებლობა გექნებათ, მოუსმინოთ მსოფლიოს სხვადასხვა წერტილიდან მყოფ მხატვრებს, არქიტექტორებს და დიზაინერებს, რომლებიც თავიანთი შემოქმედებითი პროცესის, სამუშაო მასალებისა და შთაგონების წყაროების შესახებ მოგიყვებიან.
რისთვის არის?
თქვენ უფრო ღრმად ჩაწვდებით იმას, თუ როგორ მუშაობენ დღეს ხელოვანები; უფრო თავდაჯერებული გახდებით თანამედროვე ხელოვნების შეფასებისას და კავშირს იპოვით კონტემპორარსა და საკუთარ ცხოვრებას თუ შემოქმედებით პრაქტიკას შორის.
რამდენ ხანს გასტანს?
დაახლოებით, 17 საათს.
4. სტუდიაში: ომის შემდგომი აბსტრაქტული ფერწერა
რის შესახებ არის?
ეს კურსი სიღრმისეულად დაგანახებთ ნიუ-იორკის სკოლის იმ შვიდი ხელოვანის ნამუშევრებს, ტექნიკებსა და ფიქრებს, რომელთა შორისაც არიან აგნეს მარტინი, ჯექსონ პოლოკი და მარკ როთკო.
რისთვის არის?
თქვენ გაიაზრებთ თითოეული ხელოვანის ადგილს თავიანთ კულტურულ, ინტელექტუალურ და ისტორიულ კონტექსტში; გაიუმჯობესებთ ანალიტიკური ანალიზის უნარს და შეძლებთ, თითოეული მხატვრის ნამუშევრები საკუთარი შთაგონების წყაროდ აქციოთ. თქვენ ასევე შესაძლებლობა მოგეცემათ, მონაწილეობა მიიღოთ სასწავლო სავარჯიშოებში და ამის შემდეგ შეძლებთ, სადისკუსიო პლატფორმებზე თქვენი ნამუშევრები ატვირთოთ; თუმცა შეგიძლიათ, კურსი მხოლოდ წერილობითი ტესტებისა და შეფასებების საშუალებით დაასრულოთ.
რამდენ ხანს გასტანს?
დაახლოებით, 27 საათს.
5. თანამედროვე ხელოვნება და იდეები
რის შესახებ არის?
კურსი განკუთვნილია ყველა იმ ადამიანისთვის, ვისაც სურვილი აქვს, მეტი შეიტყოს თანამედროვე და კონტემპორარი ხელოვნების შესახებ. თქვენ შეგეძლებათ, ხელოვანებთან, დიზაინერებთან და კურატორებთან ჩაწერილ აუდიო ინტერვიუებს მოუსმინოთ. რეკომენდებული საკითხავისა და სავარჯიშოების სახით კი კურსისთვის სპეციალურად შერჩეული ნამუშევრების ანალიზსაც გაეცნობით.
რისთვის არის?
თქვენ ისწავლით, როგორ მუშაობენ ხელოვანები: დაწყებული იმით, თუ როგორ იღებენ შთაგონებას მათ გარშემო არსებული რეალობიდან, გაგრძელებული იმით, თუ რა შეკითხვები აქვთ სამყაროსთან, თავიანთი შემოქმედებით როგორ რეაგირებენ თანამედროვე სოციალურ და კულტურულ პრობლემებზე და ყოველდღიური საგნების გამოყენებით როგორ ამსხვრევენ ხელოვნების რაობაზე დამკვიდრებულ მოსაზრებებს.
რამდენ ხანს გასტანს?
დაახლოებით, 12 საათს.
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვაარა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში არა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში
-
გადახედვანახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა ნახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა
-
გადახედვა4 აპლიკაცია, რომლებითაც ხალხმრავლობაში ინტერნეტის გარეშე კონტაქტს შევძლებთ 4 აპლიკაცია, რომლებითაც ხალხმრავლობაში ინტერნეტის გარეშე კონტაქტს შევძლებთ
-
გადახედვაჩვენი გალაქტიკის მასშტაბით ყველაზე მასიური ვარსკვლავური შავი ხვრელი აღმოაჩინეს ჩვენი გალაქტიკის მასშტაბით ყველაზე მასიური ვარსკვლავური შავი ხვრელი აღმოაჩინეს
-
გადახედვაროგორი იყო გიგანტური კენგურუ, რომელიც 40 000 წლის წინ ცხოვრობდა როგორი იყო გიგანტური კენგურუ, რომელიც 40 000 წლის წინ ცხოვრობდა
-
გადახედვაანტარქტიდა უდაბნოა — აი, რატომ ანტარქტიდა უდაბნოა — აი, რატომ
-
გადახედვაშორეული მკვდარი ვარსკვლავი მოულოდნელად გააქტიურდა შორეული მკვდარი ვარსკვლავი მოულოდნელად გააქტიურდა
-
გადახედვაისრაელმა ირანული რაკეტა დედამიწის ზედაპირიდან 100 კილომეტრის სიმაღლეზე გაანადგურა — როგორ ისრაელმა ირანული რაკეტა დედამიწის ზედაპირიდან 100 კილომეტრის სიმაღლეზე გაანადგურა — როგორ
-
გადახედვაშესაძლოა, ელექტროსიგარეტის მოხმარება გულის უკმარისობის რისკს ზრდიდეს შესაძლოა, ელექტროსიგარეტის მოხმარება გულის უკმარისობის რისკს ზრდიდეს
-
გადახედვამეცნიერებმა ინსულტის შემთხვევები კლიმატის ცვლილებასთან დააკავშირეს მეცნიერებმა ინსულტის შემთხვევები კლიმატის ცვლილებასთან დააკავშირეს
-
გადახედვარა როლი ჰქონდა ირმის ნახტომს ძველ ეგვიპტურ მითოლოგიაში რა როლი ჰქონდა ირმის ნახტომს ძველ ეგვიპტურ მითოლოგიაში
-
გადახედვაუკვე ცნობილია, რამ გამოიწვია ყველა დროის უდიდესი კოსმოსური აფეთქება უკვე ცნობილია, რამ გამოიწვია ყველა დროის უდიდესი კოსმოსური აფეთქება
-
გადახედვააღდგომის კუნძულის მიმდებარედ, წყალქვეშ, ახალი სახეობები აღმოაჩინეს აღდგომის კუნძულის მიმდებარედ, წყალქვეშ, ახალი სახეობები აღმოაჩინეს
-
გადახედვაშექმნეს ჰუმანოიდი რობოტი, რომელიც ფეხბურთს თამაშობს შექმნეს ჰუმანოიდი რობოტი, რომელიც ფეხბურთს თამაშობს
-
გადახედვაMessenger ფოტოების ხარისხს ნაკლებად გააფუჭებს — Facebook-ის ეს და სხვა სიახლეები Messenger ფოტოების ხარისხს ნაკლებად გააფუჭებს — Facebook-ის ეს და სხვა სიახლეები
-
გადახედვაშენიშნეს მთის გაზელი, რომელსაც ექვსი კიდური აქვს შენიშნეს მთის გაზელი, რომელსაც ექვსი კიდური აქვს
-
გადახედვანახეთ: როგორი ანატომია აქვთ სიამის ტყუპ დებს, რომელთაგანაც ერთი დაქორწინდა ნახეთ: როგორი ანატომია აქვთ სიამის ტყუპ დებს, რომელთაგანაც ერთი დაქორწინდა
-
გადახედვაშექმნეს ანტიბიოტიკების ახალი კლასი, რომელმაც რეზისტენტული ბაქტერიები სრულად გაანადგურა შექმნეს ანტიბიოტიკების ახალი კლასი, რომელმაც რეზისტენტული ბაქტერიები სრულად გაანადგურა
-
გადახედვარა დრო დაგვჭირდება ადამიანობიდან კიბორგობამდე — ინტერვიუ ტრანსჰუმანისტ ზოლტან ისტვანთან რა დრო დაგვჭირდება ადამიანობიდან კიბორგობამდე — ინტერვიუ ტრანსჰუმანისტ ზოლტან ისტვანთან
კომენტარები