Twin Peaks დევიდ ლინჩისა და მარკ ფროსტის გახმაურებული სერიალია, რომელმაც სატელევიზიო სივრცე მთლიანად შეცვალა. ამ მისტიკური კრიმინალური სერიალის პრემიერა ზუსტად 30 წლის წინ, 1990 წლის 8 აპრილს შედგა და სამი ათწლეულის შემდეგაც კი არ დაუკარგავს აქტუალობა.

ამ საიუბილეო თარიღთან დაკავშირებით ახლა სწორედ Twin Peaks-ის შესახებ 20 საინტერესო ფაქტს გიამბობთ, რომელმაც იქნებ კიდევ ერთხელ გიბიძგოთ ეს საყვარელი შოუ ხელახლა ნახოთ:

1. სერიალის თავდაპირველი სახელწოდება Northwest Passage (ჩრდილო-დასავლეთის გასასვლელი) იყო

ფოტო: ABC

2. მიუხედავად ფანების ვარაუდისა, რომ ლორა პალმერის ეს ფოტო მსახიობ შერილ ლის რეალური, სერიალამდე გადაღებული პორტრეტია, სინამდვილეში ის ნამდვილად ამ შოუსთვის გადაიღო ფოტოგრაფმა კიმბერლი რაითმა

ფოტო: Kimberly Wright / ABC

3. დევიდ ლინჩმა და მარკ ფროსტმა Twin Peaks-ის პირველი სეზონის ფინალის სამი სხვადასხვა ვერსია გადაიღეს

ფოტო: ABC

4. და მეორე სეზონში ლორა პალმერის მკვლელის ორი სხვადასხვა კანდიდატი ჰყავდათ, რათა სამსახიობო გუნდსაც არ სცოდნოდა მკვლელის ზუსტი ვინაობა

ფოტო: ABC

5. ერთ-ერთი ყველაზე უცნაური მომენტი, როცა დეილ კუპერი ამბობს "ენი როგორ არის?" ორიგინალ სცენარში არ იყო და ის სავარაუდოდ, მსახიობის იმპროვიზაციაა

ფოტო: ABC

6. ამ სცენაში კი სინათლის ციმციმი შემთხვევით დაიწყო და განზრახ არ დაუგეგმავთ ასე

ფოტო: ABC

7. სცენარის მიხედვით ქალაქ ტვინ პიკსში 5 120 ადამიანი ცხოვრობდა, თუმცა ტელეარხ ABC-ის აზრით მეტად დასახლებული ქალაქი უფრო საინტერესო იქნებოდა, ამიტომაც მოსახლეობის რაოდენობა 51 201-მდე გაზარდეს

ფოტო: ABC

8. დევიდ ლინჩს ეს ზიგზაგისებური ხალიჩა ასევე გამოყენებული აქვს თავის პირველ სრულმეტრაჟიან ფილმში Eraserhead

ფოტო: ABC

ფოტო: Janus Films

9. დევიდ ლინჩს მისი კიდევ ერთი საკულტო ფილმის, Mulholland Drive-ის გადაღება ოდრი ჰორნის პერსონაჟმა შთააგონა

ფოტო: ABC

ფოტო: Universal Pictures

10. შერილ ლი ვაშინგტონში თეატრის მსახიობი იყო, როცა სერიალში ლორა პალმერის როლი მიიღო

ფოტო: ABC

11. და დევიდ ლინჩს იმდენად მოეწონა ის ამ ამპლუაში, რომ მისთვის ახალი როლი შექმნა და მედი ფერგუსონის პერსონაჟიც მას განასახიერებინა

ფოტო: ABC

12. დევიდ ლინჩი ასევე ფიქრობდა, რომ შერილ ლის კიდევ სხვა, მესამე პერსონაჟის როლიც უნდა ეთამაშა

ფოტო: ABC

13. ბევრი ფიქრობს, რომ Twin Peaks-ის გადაღებისკენ მის შემქმნელებს მერილინ მონროს სიკვდილის ფაქტმა უბიძგა: დევიდ ლინჩი და მარკ ფროსტი თავიდან მონროს ბიოგრაფიის შესახებ ფილმის გადაღებას აპირებდნენ, თუმცა ამის უფლება ვერ მოიპოვეს და შემდეგ გადაიღეს Twin Peaks. მაყურებლები სწორედ მერილინ მონროსა და ლორა პალმერის (ორივე ქერათმიანი) "მისტიკურ" სიკვდილს ადარებენ ხშირად ერთმანეთს

ფოტო: ABC

ფოტო: Bert Parry

14. ჰარი გოაზი (ენდი ბრენანის როლის შემსრულებელი) დევიდ ლინჩის მძღოლი იყო, როცა რეჟისორმა ის სერიალში როლზე დაამტკიცა

ფოტო: ABC

15. სერიალში ასევე ეპიზოდურ როლს ასრულებს ლინჩის შვილი ჯეკ ლინჩი

ფოტო: ABC / OLIVIER LABAN-MATTEI

16. Twin Peaks-ის მეორე სეზონის პირველი ეპიზოდი სტივენ სპილბერგს უნდა გადაეღო, თუმცა შემდეგ ლინჩმა გადაწყვიტა, რომ თავად ყოფილიყო ამ სერიის რეჟისორი

ფოტო: ABC

17. მეორე სეზონის ერთ-ერთი ეპიზოდი (ეპიზოდი 15) მსახიობმა დაიან კიტონმა გადაიღო

ფოტო: ABC

18. მსახიობმა კატრინ კოლსონმა ეს პატარა მორი გადასაღები მოედნიდან შეინახა და ხშირად ფანებს თავისი პერსონაჟის მსგავსად ამ მორით ხელში ხვდებოდა

ფოტო: ABC

19. სერიალის მიხედვით დევიდ ლინჩის შვილმა, ჯენიფერ ლინჩმა წიგნი — ლორა პალმერის საიდუმლო დღიური დაწერა

20. დევიდ ლინჩსა და მარკ ფროსტს თავიდანვე ჰქონდათ დაგეგმილი სერიალის გაგრძელების გადაღება, რომელიც 26 წლის შემდეგ, 2017 წელს მართლაც გამოჩნდა ეკრანებზე

ფოტო: SUZANNE TENNER / SHOWTIME