7 აპრილის მდგომარეობით მსოფლიოში:

  • დადასტურებული შემთხვევა — 1 419 126;
  • გარდაცვლილი — 81 511;
  • გამოჯანმრთელებული — 301 488.

საქართველოში:

  • დადასტურებული შემთხვევა — 196;
  • გამოჯანმრთელებული — 46;
  • გარდაცვლილი — 3;
  • კარანტინის რეჟიმში — 4 674;
  • სტაციონარში მეთვალყურეობის ქვეშ — 362.

დღის ფაქტი

საფრანგეთში ყოველდღიური გარდაცვალების ყველაზე მაღალი მაჩვენებელი დაფიქსირდა — 1 417

ფოტო: EPA

გარდაცვლილთა რიცხვმა ქვეყანაში 10 000-ს გადააჭარბა. ამის შესახებ CNN საფრანგეთის ჯანდაცვის სამინისტროს გავრცელებულ ინფორმაციაზე დაყრდნობით წერს.

საფრანგეთის სამოქალაქო ჯანდაცვის სააგენტოს დირექტორის განცხადებით, ქვეყანაში ჯერ ეპიდემიის პიკი არ არის და ზრდის ფაზაში არიან.

დღის ფოტო(ები)

რადგანაც დღეს ჯანმრთელობის მსოფლიო დღეა, გადავწყვიტეთ ერთი ფოტოთი არ შემოვიფარგლოთ და ის ადამიანები გაგაცნოთ, რომლებიც ყოველდღიურად ზრუნავენ ჩვენს ჯანმრთელობაზე — ქართველი ექიმები და ეპიდემიოლოგები.

პირველი საუნივერსიტეტო კლინიკის მედპერსონალი

პირველი საუნივერსიტეტო კლინიკის მედპერსონალი

ფოტო: პარლამენტის ეროვნული ბიბლიოთეკა

ინფექციური საავადმყოფოს ექიმი ეკა ნაფეტვარიძე, რომელმაც პირველი ინფიცირებული პაციენტი მიიღო და გამოჯანმრთელებული გაწერა

ინფექციური საავადმყოფოს ექიმი ეკა ნაფეტვარიძე, რომელმაც პირველი ინფიცირებული პაციენტი მიიღო და გამოჯანმრთელებული გაწერა

ფოტო: პარლამენტის ეროვნული ბიბლიოთეკა

ინფექციური საავადმყოფოს ექიმი პაატა ვეფხვაძე

ინფექციური საავადმყოფოს ექიმი პაატა ვეფხვაძე

ფოტო: პარლამენტის ეროვნული ბიბლიოთეკა

ეპიდემიოლოგი საველე კარავთან

ეპიდემიოლოგი საველე კარავთან

ფოტო: პარლამენტის ეროვნული ბიბლიოთეკა

ბოჭორიშვილის კლინიკის მედპერსონალი

ბოჭორიშვილის კლინიკის მედპერსონალი

ფოტო: პარლამენტის ეროვნული ბიბლიოთეკა

ინფექციური საავადმყოფოს მედპერსონალი

ინფექციური საავადმყოფოს მედპერსონალი

ფოტო: პარლამენტის ეროვნული ბიბლიოთეკა

რა ხდება მსოფლიოში:

სამხედრო სამედიცინო გემი, რომელიც ნიუ-იორკში ინფიცირებულ პაციენტებს მიიღებს

სამხედრო სამედიცინო გემი, რომელიც ნიუ-იორკში ინფიცირებულ პაციენტებს მიიღებს

ფოტო: Kena Betancur/Getty Images/FILE

ჯანმრთელობის მსოფლიო დღის აღსანიშნად დღეს მსოფლიოში ნამდვილად არ ეცალათ. განვითარებული ქვეყნების უმეტესობა, სადაც ამ დღეს წარმატებულ ექიმებს სხვადასხვა ფორმით მიაგებდნენ პატივს, ახლა პირბადეებისა და სხვა სამედიცინო აღჭურვილობის დეფიციტს ებრძვის.

რა ხდება საქართველოში

საქართველოში კორონავირუსით ინფიცირებულთა რიცხვი 196-მდე გაიზარდა. გარდაიცვალა 3 ინფიცირებული, გამოჯანმრთელდა — 46. დაავადებათა კონტროლის ცენტრის დირექტორის განცხადებით, ამ კვირის ბოლოს ინფიცირებულთა რიცხვის 350-დან 400-მდე ზრდას ელიან, აპრილის ბოლოს კი 1 000-დან 1 200-მდე.

როგორც წინა რამდენიმე კვირის განმავლობაში, ახლაც ყველაზე აქტუალურ თემად ეკლესია და მისი შეზღუდვებისადმი დამოკიდებულება რჩება. 3 პირზე მეტის შეკრება ისევ აკრძალულია, წირვა-ლოცვები კი ისევ გრძელდება და შინაგან საქმეთა სამინისტროს ეკლესიაში არავინ დაუჯარიმებია მაშინ, როცა იმავე მიზეზით დაჯარიმებულია ასეულობით მოქალაქე.

რაც შეეხება საპატრიარქოს, იქ ჯერ კიდევ არ გადაუწყვეტიათ სააღდგომო ლიტურგიის საკითხი. ამ თემაზე სასულიერო პირები სხვადასხვა ტრიბუნიდან საუბრობენ:

სხვა მნიშვნელობანი სიახლეები:

დღის ფრაზა: "კანონი მორწმუნისა და ათეისტისთვის ერთია, არ უნდა შევიკრიბოთ"

ფოტო: საქართველოს მთავრობა

დაავადებათა კონტროლის ცენტრის დირექტორი, ამირან გამყრელიძე განმარტავს, რომ საგანგებო მდგომარეობით დაწესებული შეზღუდვები ეხება ყველას. მისი თქმით, რაც ნაკლებად შევიკრიბებით, მით დიდია იმის შანსი, რომ ეპიდემიამ ფარტო მასშტაბები არ მიიღოს. ის კიდევ ერთხელ თხოვს და მოუწოდებს მოსახლეობას, რომ დარჩნენ სახლში.

დღის დამაიმედებელი ამბავი

ჩინეთში სისხლის პლაზმის გადასხმის შემდეგ 10 პაციენტი გამოჯანმრთელდა

ფოტო: National Institute of Allergy and Infectious Diseases

მკვლევრებმა კორონავირუსით ინფიცირებულ, მძიმე მდგომარეობაში მყოფ პაციენტებში "პლაზმური თერაპიის" ეფექტურობა შეისწავლეს. ინფექციასთან გასამკლავებლად პაციენტებს COVID-19-ისგან გამოჯანმრთელებული დონორი პაციენტების პლაზმა გადაუსხეს, რომელიც SARS-COV-2 ვირუსის გამანეიტრალებელი ანტისხეულების მაღალ კონცენტრაციას შეიცავდა.

პლაზმური თერაპიის დაწყებიდან 3 დღის განმავლობაში, COVID-19-ისგან გამოჯანმრთელებული დონორების სისხლიდან აღებულმა პლაზმამ პაციენტებში კლინიკური სიმპტომები, მაღალი ტემპერატურა, ტკივილი გულ-მკერდის არეში და ხველება მნიშვნელოვნად შეამსუბუქა. 7 დღეში პაციენტების ფილტვებზე არსებულმა დაზიანებებმა ზომაში დაპატარავება დაიწყო. 7 დღის შემდეგ კი ორგანიზმში ვირუსი აღარ ფიქსირდებოდა.

დღის სასარგებლო ინფორმაცია

4 გზა სტრესის უფასოდ და სახლიდან გაუსვლელად შესამცირებლად

კორონავირუსით გამოწვეული ნეგატიურ ზეგავლენის გათვალისწინებით, თავის მოვლა განსაკუთრებით მნიშვნელოვანია. ამჟამინდელი ქაოსის ფონზე სიმშვიდის მოპოვებაში დაგეხმარებათ:

  1. მედიტაცია;
  2. მუსიკის მოსმენა;
  3. პოეზიის კითხვა;
  4. ჩანაწერების გაკეთება.

ამბავი, რომელმაც გაგვაღიმა

უხანში 11-კვირიანი კარანტინის დასასრული ვიზუალური შოუთი იზეიმეს, რომელმაც 76 დღით დადუმებული ქალაქი ისევ გაახალისა.

ჩინეთში კორონავირუსით ბოლო 24 საათში არავინ გარდაცვლილა, რაც იანვრის შემდეგ პირველი შემთხვევაა. 6 აპრილს ქვეყანაში COVID-19-ის მხოლოდ 32 ახალი შემთხვევა გამოვლინდა და ყველა მათგანი უცხოეთიდან ჩამოსულებს უკავშირდება. ეტაპობრივა ქვეყანა ცხოვრების ნორმალურ რიტმს უბრუნდება.

ერთად თავმოყრილი რეკომენდაციები:

ნახეთ წინა შეჯამებები: