იზოლირებულმა დევიდ ჰოკნიმ 10 უცნობი ნახატი გამოაქვეყნა

ცნობილი ბრიტანელი მხატვარი დევიდ ჰოკნი ნორმანდიაში იმყოფება და თვითიზოლაციას საკუთარ სახლში ატარებს. შინ ის ასისტენტებთან და საყვარელ ძაღლთან, რუბისთან ერთადაა.

სოციალური დისტანციის განმავლობაში 83 წლის მხატვარი ეზოში იმყოფება და თავის iPad-ში ხატავს. ბრიტანელი ჰოკნი საფრანგეთის ჩრდილოეთით სახლის ყიდვას ნორმანდიის მდიდარი ბუნებით ხსნის და ამბობს, რომ აქ უამრავი მცენარე ხარობს, მათ შორის ვაშლის, ალუბლის, მსხლისა და ქლიავის ხეები.

"ეს სახლი ბევრად იაფი იყო, ვიდრე ნებისმიერი რამ სასექსში", — ყვება ის და დასძენს, რომ სახლში განახლების შემდეგ გადავიდა, ზამთარში ხეების ხატვა დაიწყო, მარტში კი სამყარო პანდემიამ მოიცვა.

"ბუნებასთან კავშირი დავკარგეთ. ეს ყველაფერი დასრულდება და რას ვიტყვით, რა ვისწავლეთ? მე 83 წლის ვარ და მოვკვდები. სიკვდილის მიზეზი დაბადებაა. ცხოვრებაში ორი რამაა ნამდვილი: საჭმელი და სიყვარული, ხელოვნების წყარო კი სიყვარულია. მე მიყვარს ცხოვრება".

დევიდ ჰოკნიმ BBC-ის მან თავისი 10 უახლესი ნამუშევარი გაუზიარა, მათი უმრავლესობა აქამდე ჯერ არ გამოქვეყნებულა.