შეჩერებული "მარშრუტკები" და ბრაზილიის ციხიდან გაქცეული პატიმრები – რა ხდებოდა 17 მარტს
დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
17 მარტის მდგომარეობით:
- 197 164 დადასტურებული შემთხვევა მსოფლიოში
- 7 949 გარდაცვლილი
- 81 643 გამოჯანმრთელებული
საქართველოში:
- კორონავირუსის დადასტურებული შემთხვევა - 34
- კარანტინის რეჟიმში - 1 008
- სტაციონარში მეთვალყურეობის ქვეშ - 64
დღის ფაქტი
ახალი კვლევის თანახმად, ყოველ დადასტურებულ შემთხვევაზე 5-10 ადამიანი მოდის, რომელთა შემთხვევაშიც ვირუსი უსიმპტომოდ მიმდინარეობს. მსუბუქი შემთხვევები დადასტურებულ პაციენტებთან შედარებით ნაკლებად გადამდებები არიან, თუმცა სწორედ მათ მიერაა გამოწვეული ახალი შემთხვევების 80% - წერია კვლევაში, რომელიც ჩინეთიდან მიღებულ მონაცემებს ეყრდნობა.
მსგავსი შედეგები აჩვენა იტალიის სოფელ ვოში ჩატარებულმა კვლევამაც: 3 000-იან მოსახლეობაში ყველას გაუკეთეს ტესტი. მათგან ვისაც კორონავირუსი ჰქონდა, 50-75%-ს სიმპტომები არ აღენიშნებოდა, სწორედ ამიტომ არის აუცილებელი არა მხოლოდ მძიმე შემთხვევების, არამედ უსიმპტომო ადამიანების იზოლაციაც.
დღის მთავარი ჰედლაინი მსოფლიო მედიაში:
წინა ხაზზე მომუშავე ექიმები, ახალგაზრდა ასაკის მიუხედავად, სხვა პაციენტებთან შედარებით ვირუსის უფრო მძიმე ფორმით ავადდებიან
"ვიცით, რომ ვირუსი განსაკუთრებით სახიფათოა ხანდაზმული ადამიანებისთვის, თუმცა ჩვენთვის გაურკვეველი მიზეზების გამო, ჯანდაცვის მუშაკები გართულების უფრო დიდი რისკის წინაშე დგანან, ვიდრე იმავე ასაკის სხვა პაციენტები", - ამბობს პიტერ ჰოტეზი, ჰიუსტონის სამედიცინო კოლეჯის დეკანი.
CNN-თან ინტერვიუში მან ივარაუდა, რომ შეიძლება სიტუაციის გართულება ვირუსის უფრო მაღალი დოზის გამო ხდებოდეს, თუმცა ზუსტი მიზეზების დადგენას კვლევა სჭირდება.
დღის ფოტო: ქუჩების დეზინფექცია - ცოტა ხნის წინ ეს ფოტო ვიდეოთამაშის კადრი გვეგონებოდა
დღის დამაიმედებელი ამბები:
პირველი ტალღის ანტივირუსული წამლის, ფავიპირავირის კლინიკური ცდები კარგ შედეგს აჩვენებს
ჩინელმა მკვლევრებმა ფავიპირავირის საწყისი კლინიკური ცდები დაასრულეს. ჩინეთის ეროვნული ცენტრის ხელმძღვანელი, ჟან ქსინმინი აცხადებს, რომ ფავიპირავირით მკურნალობის შემთხვევაში პაციენტები მოსალოდნელზე სწრაფად გამოჯანმრთელდნენ და ფილტვის ფუნქციებიც ნაკლებ დროში აღიდგინეს.
კვლევა 80 ადამიანზე ჩატარდა. მათგან 35-მა წამალი მიიღო. შედეგებმა აჩვენა, რომ ფავიპირავირის შემთხვევაში პაციენტებს ოთხი დღის შემდეგ უფიქსირდებოდათ ნეგატიური შედეგი, როცა საკონტროლო ჯგუფში იმავე შედეგის მიღწევას 11 დღე სჭირდებოდა.
კორონავირუსის 10-წუთიანი ტესტი, რომელიც მხოლოდ $1 ეღირება, გზაშია
დასავლეთ აფრიკაში მდებარე ლაბორატორია, რომელმაც ყვითელი ცხელების წინააღმდეგ ერთ-ერთი პირველი ვაქცინა შეიმუშავა, იმ ბრიტანულ კომპანიასთან გაერთიანდა, რომელსაც ფეხმძიმობის ტესტის შექმნას უნდა ვუმადლოდეთ.
სენეგალში მდებარე ლაბორატორია სწრაფი ტესტების შექმნაზე მუშაობს. ლაბორატორიის წარმომადგენლების თქმით, სამ თვეში 1$-იანი ტესტები ფართო საზოგადოებისთვის ხელმისაწვდომი იქნება. ადამიანები თავად შეძლებენ, რომ კორონავირუსზე შეემოწმონ და პასუხს 10 წუთში გაიგებენ.
რა ხდება მსოფლიოში:
- ამერიკაში COVID-19-ის კომერციული ტესტების გაყიდვა იწყება
- WHO-ს ორ თანამშრომელს კორონავირუსი დაუდასტურდა
- ტომ ჰენკსი და რიტა უილსონი საავადმყოფოდან გაწერეს
- კორონავირუსის გამო ევროპის ჩემპიონატი 2021 წლამდე გადაიდო
- Amazon კორონავირუსთან გასამკლავებლად 100 000 თანამშრომელს დაიმატებს
- საფრანგეთმა ზომები გაამკაცრა: ემანუელ მაკრონმა საფრანგეთის მოქალაქეებს მკაცრად მოსთხოვა, რომ მომავალი 15 დღის განმავლობაში სახლში დარჩნენ და სოციალური კონტაქტები მაქსიმალურად შეზღუდონ. ყველას, ვისაც ქუჩაში დააფიქსირებენ, დამაჯერებელი მიზეზი უნდა ჰქონდეს, რის გამოც სახლიდან გავიდა. კარანტინის ზომებს 100 000 ოფიცერი დაიცავს.
- ტაილანდსა და კამბოჯაში ახალი შემთხვევები დაფიქსირდა: ტაილანდში დაავადებულთა რიცხვი 177-მდე გაიზარდა (30 ახალი შემთხვევა ერთ დღეში), კამბოჯაში კი 12 ახალი ინფიცირებულია, რაც ქვეყანაში კორონავირუსის მქონე ადამიანების რიცხვს 24-მდე ზრდის;
- ამჟამად ვირუსი განსაკუთრებული სისწრაფით ვრცელდება იტალიაში (+3526 შემთხვევა), ესპანეთში (+1884 შემთხვევა), გერმანიაში (+2095 შემთხვევა) და საფრანგეთში (+1097 შემთხვევა). აღსანიშნავია ისიც, რომ ერთ დღეში დაფიქსირებული შემთხვევების რაოდენობით აშშ-მ ირანს გადაუსწრო (აშშ - 1793 შემთხვევა, ირანი - 1178)
- ბრაზილიაში კორონავირუსის გამო წესების გამკაცრების შემდეგ ციხიდან ასობით პატიმარი გაიქცა. სან-პაულუს რეგიონში მდებარე ნახევრად-ღია ციხეების პატიმრებს დაწესებულება აღდგომისთვის უნდა დაეტოვებინათ, მოგვიანებით კი უკან უნდა დაბრუნებულიყვნენ, თუმცა უსაფრთხოების ზომების გამო მათი ციხეში დატოვება გადაწყდა. ვიდეოში ჩანს, როგორ გარბის ასობით პატიმარი, მათ კი შორიდან კაცი უყვირის: ორშაბათს დაბრუნდით, კარგი?
რა ხდება საქართველოში:
დაავადებათა კონტროლის ცენტრის ხელმძღვანელის, ამირან გამყრელიძის განცხადებით, შესაძლოა, მომდევნო კვირებში კორონავირუსის ისეთი შემთხვევა გამოვლინდეს, როდესაც ინფიცირებული პაციენტის პირველწყაროს ვეღარ დავადგენთ. ასე რომ, მომავალში შემთხვევების ზრდას უნდა ველოდოთ.
ზომები კიდევ უფრო გამკაცრდება:
- ალბათ, მოგვიწევს უფრო მკაცრი შეზღუდვები მაღაზიებში, მსხვილ სავაჭრო ცენტრებში — გახარია
- 18 მარტიდან სამარშრუტო ტაქსებით მოძრაობა აიკრძალება
- კარანტინის დარღვევისთვის ჯარიმები დაწესდება, შესაძლოა, პატიმრობაც
- ქალაქებს შორის გადაადგილება მხოლოდ გადაუდებელი საჭიროებისას უნდა მოხდეს — იმერეთის გუბერნატორი
- კორონავირუსის გამო საქართველოსა და თურქეთს შორის ფრენები დროებით იზღუდება
- სპორტდარბაზებისა და სპა-ცენტრების ფუნქციონირება სრულად შეიზღუდება
- ავტობუსებში გამოიყოფა მძღოლის სივრცე, კონდუქტორები მუშაობას დროებით შეაჩერებენ — კალაძე
- გახარია: რაღაც მომენტში, შეიძლება მოგვიწიოს კარანტინის გამოცხადება, მაგრამ ეს საგანგებოს აუცილებლობას არ ნიშნავს
- გახარია: ინფიცირებულების რაოდენობა გაიზრდება, ეს ობიექტური რეალობაა და ამაზე უნდა ვისაუბროთ
შემთხვევების მატებაზე რეაგირება ჰქონდა საპატრიარქოსაც. კორონავირუსისგან დასაცავად საპატრიარქომ თბილისის ქუჩები აკურთხა. წყლის კურთხევის ცერემონია სამების საკათედრო ტაძარში ჩატარდა, ამის შემდეგ სასულიერო პირები ქალაქის სხვადასხვა უბნებისკენ მანქანებით დაიძრნენ. ქალაქის კურთხევის შემდეგ სასულიერო პირები გლდანის ციხესთან მივიდნენ და პატიმრები დალოცეს.
სანამ მასწავლებლები ონლაინ-გაკვეთილების ჩატარებას ეჩვევიან, განათლების სამინისტრო სწავლის შეჩერებისა და დისტანციური სწავლების შედეგებს აფასებს. გიორგი გახარიას თქმით, ნაკლებად სავარაუდოა, რომ სწავლის აღდგენა 26 აპრილამდე მოხდეს, ამ შემთხვევაში კი "უკვე მთლიანად წლის სასწავლო პროცესი დგება კითხვის ნიშნის ქვეშ".
ერთი ამბავი, რომელმაც დღეს გაგვაღიმა
კორონავირუსის გამო დაკეტილ აკვარიუმში პინგვინები მეზობელ ცხოველებს ათვალიერებენ
სანამ ადამიანები არ არიან, ჩიკაგოში მდებარე აკვარიუმი პინგვინებმა დაიპყრეს და, ბოლოს და ბოლოს, საკუთარი მეზობლები გაიცნეს.
დღის რჩევა:
მშობლის რჩევა — რა ვიკითხოთ ბავშვებთან ერთად, სანამ სკოლები დახურულია
ცნობილი ამბავია, რომ მშობელმა თავად უნდა მისცეს კითხვის მაგალითი შვილს, შექმნას და აჩვენოს მკითხველის მოდელი ბავშვს. ჰოდა, თუ არ გინდათ, რომ ბავშვები მთელ დღეს ეკრანებთან ატარებდნენ, თავადაც მოძებნეთ საინტერესო წიგნები და მათაც ურჩიეთ.
ამ სტატიაში ქართველი მწერლების წიგნებსაც ნახავთ, ბესტსელერებსაც და ცოტა "დაუფასებელ" შედევრებსაც. რაც მთავარია, არც ასტრიდ ლინდგრენი დაგვვიწყებია, რომელიც ბავშვებს ამ უჩვეულო დღეებს გაუხალისებს.
აქვე გეტყვით, რომ თუ კორონავირუსმა თქვენი ყოველდღიური რეჟიმიც შეცვალა და, ჩვენი რედაქციის მსგავსად, თქვენც სახლიდან გიწევთ მუშაობა, შემოგვიერთდით Facebook ჯგუფში და გავუზიაროთ ერთმანეთს ეს საინტერესო გამოცდილება.
ერთად თავმოყრილი რეკომენდაციები:
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები