ამ სტატიის კითხვისას ალბათ მთელი ტანზე ქავილსა და უმიზეზო ტკივილს იგრძნობთ, თუმცა პარაზიტების შესახებ ინფორმაცია აუცილებლად უნდა გქონდეთ, რათა რომელიმე მათგანის მსხვერპლი თავად არ გახდეთ. პარაზიტები ცოცხალ ორგანიზმში მობინადრე არსებები არიან, რომლებიც მასპინძლის სხეულით სარგებლობენ. მათ უამრავი დაავადება გადააქვთ ან თავად იწვევენ სიმპტომებს, რომლებიც მოგვიანებით ვლინდება.

საწოლის ბაღლინჯო

ფოტო: bedbugtreatmentsite

ეს პარაზიტი პატარა ზომისა და ბრტყელი ფორმის გამო თითქმის შეუმჩნეველია. როგორც წესი, მისი სამალავი ჩვენთან მაქსიმალურად ახლოსაა, მაგალითად, სავარძელში, ტანსაცმელში, ან თუნდაც ლოგინში. საწოლის ბაღლინჯო სისხლისმწოველი მწერია და მსხვერპლზე სანადიროდ ღამეს ირჩევს. სანამ პირს ჩაგავლებდეთ, კანზე ადგილობროვ ანესთეზიას აკეთებს და მხოლოდ ამის შემდეგ იწყებს მოქმედებას. მისი ნაკბენი უმტკივნეულოა.

ლოა ლოა

ფოტო: tumblr

ლოა ლოა, იგივე თვალის ჭია, ადამიანის ორგანიზმში მწერის ნაკბენით ჩნდება. ეს პარაზიტი გარკვეული დროის მანძილზე იკვებება ჩვენი რესურსით და როდესაც საკმარისად გაიზრდება, გადაადგილებასაც კი იწყებს. ამ გზით ლოა ლოა საბოლოო თვალში ხვდება და წლების განმავლობაში იქ ცხოვრობს. ნაკბენი იწვევს ტკივილსა და მაღალ ტემპერატურას. გავრცელებულია ინდოეთსა და აფრიკაში.

რიტშა

ფოტო: Getty Images

რიტშა პარაზიტია, რომელიც კრაზანის დახმარებით ვრცელდება. კრაზანა ათასობით კვერცხს დებს, საიდანაც მოგვიანებით მატლი იჩეკება. რიტშა პირდაპირი მნიშვნელობით ჭამს ადამიანის სხეულს, რის გამოც მოზრდილი ზომის ხვრელები ჩნდება. მისგან განსაკურნებლად სერიოზული სამედიცინო ჩარევაა საჭირო. გავრცელებულია მხოლოდ აფრიკის 4 ქვეყანაში: ჩადიში, ეთიოპიაში, მალისა და სამხრეთ სუდანში.

ნეგლერია ფოულერი

ფოტო: uplift

თუ აშშ-ს სამხრეთ შტატებში იყავით, თანაც ზაფხულში, მდინარეში ან ტბაში გაცურეთ და ამის შემდეგ ძლიერი თავის ტკივილი ან გულისრევა დაგეწყოთ, შეიძლება ეს ყველაფერი ერთ-ერთ ყველაზე ვერაგ პარაზიტს, ნეგლერია ფოულერს უკავშირდებოდეს. ნეგლერია ფოულერი ადამიანის ტვინში ბუდობს და აზიანებს ნერვულ სისტემას, იწვევს კომასა და სიკვდილს. მართალია, ის ძალიან იშვიათი პარაზიტია, რადგან მსოფლიოს მასშტაბით, სულ ათასამდე ასეთი შემთხვევა დაფიქსირდა, თუმცა სიფრთხილეს თავი არ სტკივა.

სოლიტერი

ფოტო: Jeff Miller

ამ პარაზიტთან დაკავშირებით არსებობს გავრცელებული ჭორი, რომ ლეგენდარულმა სოპრანომ, მარია კალასმა, ის წონის დასაკლებად გამოიყენა. სოლიტერი 10 მეტრამდე იზრდება და სახლდება ცხოველების და ადამიანის ნაწლავებში ან კუჭში, საიდანაც სისხლძარღვებში მოხვედრაც შეუძლია. ინფიცირება დაბინძურებული წყლის ან ხორცის მიღებით ხდება.

ასკარიდა

ფოტო: wellbuzz

თუ არ გაგიმართლათ და ამ პარაზიტით დაავადდით, ის სრულიად შეუმჩნეველად და უსიმპტომოდ იცხოვრებს თქვენს ორგანიზმში, მოგვიანებით კი თავს იჩენს მაღალი ტემპერატურითა და თავის ტკივილით. ასკარიდას ზომა 30 სანტიმეტრს აღწევს.

ტკიპა

ფოტო: healthylifevision

ტკიპა საშიში და სხვებთან შედარებით ყველაზე გავრცელებული პარაზიტია. მისი მრავალი სახეობა არსებობს და ბევრი მათგანი დაავადების მატარებელი და გადამტანია, ენცეფალიტის, ციებ-ცხელების და ა.შ. არსებობენ ე.წ. მუნის ტკიპებიც, რომლებიც ბინადრობენ ადამიანის კანში და წოვენ სისხლს.