მკაცრ მშობლებს ერთი რამ აერთიანებთ — შვილებისთვის საუკეთესო უნდათ. მაგრამ როცა უფროსების მხრიდან კონტროლი და აკრძალვები სისტემატურ სახეს იღებს, უკუშედეგიც მოსალოდნელია — შვილები თავად აღარ ენდობიან მათ და მომავალი კონფლიქტის ასარიდებლად ბევრ რამეს უმალავენ.

კიდევ უფრო ცუდ შემთხვევაში სიტუაცია ასე ვითარდება: 30 წელს გადაცდი და მშობლები კვლავ დარწმუნებულნი არიან, რომ შენზე უკეთ იციან, რა აჯობებს შენთვის.

გრძელი შესავლის გარეშე გავიხსენოთ ის სიტუაციები, რომლებიც ყველასთვის ნაცნობია, ვისაც მკაცრი მშობლები ჰყავს.

1. თავში რეპეტიციის ჩატარება, როგორ სთხოვ დედას, რომ მეგობართან წახვიდე ან დარჩე

და მერე ეს ჩვევა მთელი ცხოვრების განმავლობაში მიგყვება.

2. როცა ცუდი ნიშნის მიღების მერე სახლში გრძელი გზით ბრუნდები

თან თავს იმშვიდებ, თან გეგმების დასასახად უფრო დიდი დრო გაქვს და თითქოს "სახლის გარდაუვალი სიტუაციაც" უფრო შორეული ხდება.

3. სახლის დალაგება, რადგან მერე რაღაც გაქვს სათხოვარი

და თან ამას ძალიან მშვიდი და ბედნიერი სახით აკეთებ: "შენი გახარება ჩემი საყვარელი საქმეა!"

4. "ის რომ გადახტეს, შენც უნდა გადახტე?"

თუ რამეს აშავებ, შენს წარმატებულ თანატოლს გადარებენ — თუ პირიქით შენ მოგყავს შედარება: "სხვისი შვილი რაში მაინტერესებს?"

5. შენ კი გენდობიან, მაგრამ ცხოვრებას?

თუმცა, ის რომ შენ გენდობიან, წინასწარ რომ საკუთარ თავთან რეპეტიცია გაიარე იმ მონოლოგის შედეგია და არა იმის, რომ მართლა გენდობიან.

6. როცა პრობლემის გადაჭრის შენეული გზები არასდროს მოსწონთ

როცა მეგობართან დარჩენა გადაწყვიტე და მისი მთელი ოჯახი: დედა, მამა, ბებია, ბაბუა ურეკავს და უმტკიცებს შენს მშობელს, რომ უსაფრთხოდ იქნები. სახლში მისულს კი აქეთ გეჩხუბებიან, "უხერხულ მდგომარეობაში ჩაგდების გამო".

7. როცა პირადი სივრცის შეგრძნება აღარ გაქვს

შენი დღიური მშობლების დღიურია, უფლება აქვთ შენს მეგობრებს ყველაზე უხერხული კითხვებიც კი დაუსვან. ამასთან ერთად, წინასწარ ჰგონიათ, რომ აუცილებლად მოიტყუე.

8. როცა ხვდები, რომ ტყუილების მოფიქრებაში ჩემპიონატს მოიგებ

კარგი მხრიდანაც შევხედოთ — ისეთი ფანტაზია გაქვს, რომ მომავალში აუცილებლად წარმატებული ქოფირაითერი იქნები.

9. როცა ტატუ, პირსინგი ან ფერადი თმები შორეული მომავლის პერსპექტივაა

და 13 წლიდან უკვე სახლიდან წასვლაზე, პირველ ხელფასზე და დამოუკიდებლობაზე ოცნებობ, რადგან მშობლების სახლში მხოლოდ "მშობლების წესები" მოქმედებს!

10. როცა იმდენი ხანი უმტკიცებდი, რა გინდოდა, რომ უკვე თავადაც ეჭვი გეპარება

ეს მშობლებისგან უნდობლობის ყველაზე ტრაგიკული შედეგია.

მაგრამ, არ დანებდე!

11. როცა იმ ბავშვის დაბალი ნიშანი გახარებს, რომელსაც სულ მაგალითად გისახავდნენ

"რომ იცოდე, თეონამ ჩემზე დაბალი ქულა მიიღო!"

12. როცა მხოლოდ ის ტანსაცმელი გიხდება, რომელიც მათ მოსწონთ

არადა იმ ჯინსსა და ტოპში ნამდვილი კომიქსის გმირს ჰგავდი!

13. მეგობრები უკვე დედას გეძახიან

რადგანაც მეგობრებში ყველაზე ორგანიზებული, პასუხისმგებლიანი და მკაცრი ხარ. იმიტომ, რომ სწორედ ასეთ გარემოში იცხოვრე მთელი ბავშვობა.

14. ყველაფერს გაიგებ, მხოლოდ მაშინ, როცა...

...თავადაც მშობელი გახდები.

და თუ არ ხდები, შესაბამისად, ვერც იგებ, რისთვის იტანჯე ამდენი.

15. როცა მეგობრები მოულოდნელად გადაწყვეტენ, სკოლის შემდეგ ნაყინის მირთმევას...

...შენ კი დარდობ, რომ მშობლები ამაზე ორი დღით ადრე არ გააფრთხილე.

16. "სახლში მოიყვანე!"

რადგან შენს მეგობრებს უფლება აქვთ რომ შენთან დარჩნენ, მაგრამ შენ მათთან?

— არასდროს!

17. და ბოლოს, უხერხულობის ასარიდებლად, მეგობრებიც აღარაფერს გეუბნებიან

...რადგან "მაინც არ გამოგიშვებენ".