სასექსის ჰერცოგისა და ჰერცოგინიას ცვილის ფიგურები მადამ ტიუსოს ლონდონის მუზეუმმა სამეფო კუთხიდან აიღო. ჰარისა და მეგანის ფიგურები დედოფლისა და პრინცი ფილიპის გვერდით იყო წარმოდგენილი.

ფოტო: VICTORIA JONES / PA

მუზეუმმა გამოფენაში ცვლილება მას შემდეგ შეიტანა, რაც პრინცმა ჰარიმ და მეგან მარკლმა განაცხადეს, რომ მაღალი რანგის სამეფო სტატუსს ტოვებენ.

მუზეუმის გენერალური მენეჯერი, სტივი დეივისი ამბობს, რომ წყვილის ფიგურები ყველაზე პოპულარული იყო, თუმცა სამეფო კუთხეში ისინი აღარასოდეს იქნებიან.

მადამ ტიუსო მეგანსა და ჰარის ახალ ადგილს უპოვის, თუმცა ჯერჯერობით უცნობია, სად განათავსებენ სასექსის ჰერცოგისა და ჰერცოგინიას ფიგურებს.