პოსტინდუსტრიელი ბავშვები — SOVA-ს ახალი პროექტი
"პოსტინდუსტრიელი ბავშვები" ერთადერთი დამოუკიდებელი რუსულენოვანი მედიის SOVA-ს ახალი პროექტია. ის 10 დამოუკიდებელ, მოკლემეტრაჟიან დოკუმენტურ ფილმს მოიცავს, რომლებიც 11 ახალგაზრდაზე გვიყვებიან საქართველოდან. SOVA-ში ამბობენ, რომ პროექტის მიზანი ძველ და ახალ თაობას შორის ხიდების აგებაა, "ეს ფილმები სიტყვას აძლევს იმ ახალგაზრდებს, რომელთა ქმედებებიც უფრო ხმამაღლა მეტყველებენ, ვიდრე სიტყვები".
ფილმის გმირები არიან ბავშვები, რომლებიც ქმნიან განსხვავებას იმ სოციალურ და ეკონომიკურ გარემოში, რომლის განვითარებაც დიდი ხანია წარუმატებლადაა აღიარებული.
SOVA-ს გუნდი ქვეყნის მასშტაბით სხვადასხვა ქალაქებს და სოფლებს ეწვია, რომ ახალი თაობის ხმა ყველას მოესმინა. სირთულეების მიუხედავად ამ პროექტში მონაწილე ბავშვები მზად არიან, რომ მათი და სხვების ცხოვრება უკეთესობისკენ შეცვალონ, ისინი მზად არიან ბრძოლის გასაგრძელებლად. ამ სტატიაში კი ვეცდებით ამ მოკლემეტრაჟიან ფილმებიდან რამდენიმეზე უფრო დეტალურად მოგიყვეთ.
ბათუმი
ბათუმში მომზადებული ფილმის მთავარი გმირი ლუკა ხინკილაძეა, რომელიც სულ რაღაც 19 წლისაა. ის ბავშვობიდან თამაშობდა ფეხბურთს, ამის გამო კი სწავლის გაგრძელება ვერ შეძლო. მოგვიანებით ფინანსური და ოჯახური პრობლემების გამო 15 წლის ასაკში რესტორანში მიმტანად დაიწყო მუშაობა. SOVA-სთან საუბრისას ის ყვება, რომ სამზარეულოში შემთხვევით მოხვდა, შემდეგ კი მიხვდა, რომ სწორედ ეს იყო მისი საქმე.
ამ დროში 10-ამდე რესტორანი გამოიცვალა, ბევრი ისწავლა, იშრომა და ახლა ორი ობიექტის ბრენდ-შეფია, ასევე ხუთვარსკვლავიანი სასტუმროს დეპარტამენტის შეფი.
"ეს პროფესია არცაა, ეს არის ცხოვრების წესია. სულ სამსახურში ხარ, რთული გრაფიკი გაქვს, სულ სტრესში ხარ, ვინც ასე არ ცხოვრობს, ის არც მზარეულია", — ამბობ ლუკა ხინკილაძე.
ლუკას აზრით, არღვევს სტერეოტიპს, რომ მზარეული სახლშიც მზარეულია. უფრო მეტს ამ საინტერესო ადამიანზე სოვას ფილმში გაიგებთ.
თბილისი
ფილმის გმირი თბილისიდან 15 წლის სოფია ჩიხლაძე. გაგიკვირდებათ, მაგრამ ის გამომგონებელია და ამ ასაკში უკვე NASA-შია ნამყოფი. გამომგონებლების კონკურსში მან მეგობრებთან ერთად წარადგინა რობოტი, რომელიც მედიკამენტის აფთიაქში შესვლამდე მას შეამოწმებს და დატესტავს. სწორედ ამ კონკურსში გამარჯვებით ეწვივნენ ბავშვები NASA-ს.
"პრობლემები, რომლებსაც ჩვენ ვებრძვით, მთელ მსოფლიოში არსებობს, ამიტომ პრობლემები, რომლებსაც საქართველოში გადავჭრით, მათ გადაჭრას მთელ მსოფლიოში შევძლებთ", — ამბობს სოფია ჩიხლაძე.
კიდევ ერთი საინტერესო ფაქტი ისაა, რომ სოფიას და მის შეყვარებულს აქვთ სტარტაპი — ლამპა. ისინი ყიდიან სანათებს, რომლებიც ტელეფონით იმართება. სოფია ფიქრობს, რომ მეცნიერებას შეუძლია სამყარო უკეთესი გახადოს. თუ გინდათ, რომ ამ გოგოზე უფრო მეტი გაიგოთ აუცილებლად ნახეთ SOVA-ს ფილმი.
ქუთაისი
კიდევ ერთი გმირი, რომელიც პროექტიდან "პოსტინდუსტრიელი ბავშვები" შეგიძლიათ გაიცნოთ სოციოლოგი გოგაა, ქუთაისიდან.
დაბადებიდან 15 წლამდე გონებაში ჩაბეჭდილი ჰქონდა, რომ ნეირო-ქირურგი უნდა გამხდარიყო, შემდეგ კი მიხვდა, რომ ანატომიაზე მეტად ადამიანის ის სამყარო აინტერესებს, რომელსაც ვერ შეეხები და მხოლოდ სიტყვით ან სხვა გზებით შეიცნობ. როცა გოგა 4 წლის იყო, ეკონომიკური პრობლემების გამო დედამისი საბერძნეთში წავიდა, 13 წლის ასაკში კი მამა გარდაეცვალა. გოგა სოვას-ს ჟურნალისტს უყვება, რომ ამ ფაქტის შემდეგ, თითქოს მისი ცხოვრება ერთ წამში შეიცვალა.
გოგას აზიური კულტურა უყვარს. მას სურდა, რომ სკოლაში არსებული გარემო შეეცვალა და ენების შემსწავლელი კლუბი გახსნა. გოგა ბავშვებს იაპონურ ენას ასწავლის, თუმცა მისი ცხოვრების გზა მარტივად გასავლელი არ ყოფილა. თუ რატომ, ამას SOVA-ს ფილმში ნახავთ.
სვანეთი
არ გეგონოთ, რომ პროექტში "პოსტინდუსტრიელი ბავშვები" გმირები მხოლოდ დიდი ქალაქებიდან მოხვდნენ. შემდეგი გმირი, ვისზეც მოკლე ინფორმაცის გაგაცნობთ დემეტრე ფარჯიანია სვანეთიდან.
ლიტერატურის სიყვარულმა მას გადააწყვეტინა შეექმნა პროექტი, რომლის საშუალებითაც სკოლებში საკითხავ წიგნებს შეიტანდა. თუმცა პროფესიად სულ სხვა მიმართულება აქვს არჩეული.
"მინდა, რომ ჩავაბარო სამედიცინო უნივერსიტეტში, რადგან არ არის ისეთი კადრები სვანეთში, მაგალითად სამედიცინო პუნქტში, სადაც ნებისმიერი ნაკაწრის გამოც კი შეიძლება სხვა კუთხეში გაგიშვან. ამიტომ მინდა, რომ შემეძლოს მე დავეხმარო მათ, მივიღო მათ გამოჯანმრთელებაში მონაწილეობა", — ყვება SOVA-სთან დემეტრე.
დემეტრე თავისუფალ დროს ტრადიციულ სვანურ საკრავებზე ჭუნირზე და ჩანგზე დაკვრას სწავლობს, ასევე ცდილობს, რომ ხშირად ილაპარაკოს სვანურად, რათა ენა არ დაიკარგოს. უფრო მეტი ამბავი, დემეტრეზე, მის ოცნებებზე და იმ პრობლემებზე, რომლთა მოგვარებაც მას სვანეთში უნდა ფილმში იხილავთ.
SOVA-მ პროექტის ფარგლებში საქართველოს სხვადასხვა რეგიონში კიდევ 6 ფილმი გადაიღო. საბოლოოდ, ეს ამბები ერთიან 30 წუთიან ფილმად შეიკრა, რომლის პრემიერაც 11 დეკემბერს კინოთეატრ ამირანში შედგა. შემდეგი ჩვენება 21 დეკემბერს იგეგმება ბათუმში, კინოთეატრ აპოლოში. ასე რომ, თუ ბათუმში იქნებით ეს საინტერესო ფილმი არ უნდა გამოტოვოთ, თუ კინოთეატრში წასვლას ვერ ახერხებთ მოკლემეტრაჟიან თერთმეტივე ფილმს SOVA-ს youtube-არხზე. ასევე "პოსტინდუსტრიელი ბავშვების" პროექტის გვერდზე ნახავთ.
SOVA-ს გუნდს სჯერა, რომ საზოგადოების ცნობიერების გაზრდით და ყურადღების გრძელვადიან საკითხებზე გამახვილებით შეძლებენ უკეთესი მომავლისთვის რაღაც შეცვლონ.
მოკლედ SOVA-ს შესახებ
ონლაინ გამოცემა SOVA არის საქართველოს შესახებ ერთადერთი დამოუკიდებელი რუსულენოვანი რესურსი. ის უკვე 4 წელია ქართულ მედია სივრცეში არსებობს და მუშაობს ახალი ამბებზე, ანალიტიკაზე, ვიდეო ისტორიებსა და სპეციალურ პროექტებზე, რომლებსაც საქართველოს გარდა უკრაინაში, ამერიკაში, რუსეთში თუ სხვა ქვეყნებში კითხულობენ.
კიდევ ერთი საინტერესო ფაქტი, რაც SOVA-ს შესახებ უნდა იცოდეთ ალბათ ისაა, რომ 2017 წელს მედია რუსეთმა დაბლოკა. მაშინ დაბლოკვის მიზეზი მედიასაშუალების მიერ 2016 წლის 22 აგვისტოს მომზადებული სტატია სათაურით "ისლამური სახელმწიფოს სამხედრო მინისტრმა თარხან ბათირაშვილმა მოჯაჰედებს ანდერძი დაუტოვა" გახდა. რუსეთი ითხოვდა, რომ სტატიაში მათი კანონმდებლობით გათვალისწინებული ინფორმაცია მიეთითებინათ.
პროექტ "პოსტინდუსტრიელი ბავშვების" სოვას მხარდამჭერი ბრიუსელში დაფუძნებული კერძო სამართლის ორგანიზაცია Content found იყო. ფონდის მიზანია დაეხმაროს პლურალურობას და კრეატიულობას რუსულენოვან მედიებში. ის ეხმარება რუსულ ენაზე მომუშავე დამოუკიდებელ აუდიო-ვიზუალურ პლატფორმებს, რომ შექმნან და გააზიარონ არა მხოლოდ "ახალი ამბების" მასალები თავიანთი აუდიტორიისთვის. ფონდი ტელევიზიებს, ციფრულ პლატფორმებს, ვებსაიტებსა და სოციალურ მედიას სთავაზობს გრანტებს აუდიოვიზუალური ნაწარმოებების წარმოებისა და დისტრიბუციისთვის. დაფინანსება ხდება მთავრობების ნებაყოფლობითი შენატანებისგან, კერძო ფონდებისა და საერთაშორისო ორგანიზაციებისგან.
-
გადახედვააზერბაიჯანში, "ამორალური კონტენტის" გამო, 60-მდე ტიკტოკერი დასაჯეს აზერბაიჯანში, "ამორალური კონტენტის" გამო, 60-მდე ტიკტოკერი დასაჯეს
-
გადახედვააქციის დროს დაკავებული ირაკლი კუპრაძე და გელა ხასაია გაათავისუფლეს აქციის დროს დაკავებული ირაკლი კუპრაძე და გელა ხასაია გაათავისუფლეს
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვარაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან რაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვაოპოზიციური პარტიების ერთობლივი განცხადება რუსულ კანონთან დაკავშირებით ოპოზიციური პარტიების ერთობლივი განცხადება რუსულ კანონთან დაკავშირებით
-
გადახედვაარა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში არა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში
-
გადახედვაარ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს არ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს
-
გადახედვანახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა ნახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა
-
გადახედვახოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი ხოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი
-
გადახედვაამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი ამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი
-
გადახედვაგიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ გიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ
-
გადახედვაპრეზიდენტმა ვეტო დაადო ქალთა კვოტირების გაუქმების კანონებს პრეზიდენტმა ვეტო დაადო ქალთა კვოტირების გაუქმების კანონებს
-
გადახედვაკვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს კვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს
-
-
გადახედვათამთა კალანდაძის ინფორმაციით, ლაზარე დღეს ან ხვალ გამოვა ციხიდან თამთა კალანდაძის ინფორმაციით, ლაზარე დღეს ან ხვალ გამოვა ციხიდან
-
გადახედვაუშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი უშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი
-
გადახედვაქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო ქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო
-
გადახედვამარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ მარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ
-
-
კომენტარები