ვიცი, ამ სათაურის წაკითხვაზე უფრო მეტად გაგიხარდებოდათ გაგეგოთ, რომ სასწაული მოხდა და შოუში ოცნების ექიმი ბრუნდება, მაგრამ სამწუხაროდ იმედი უნდა გაგიცრუოთ.

როგორც Refinery გვარწმუნებს, იზი სტივენსის როლის შემსრულებელი კეტრინ ჰეილი სერიალს მე-14 სეზონიდან დაუბრუნდება. 37 წლის მსახიობი ამჟამად ორსულად არის, სწორედ ეს გახდა მიზეზი რის გამოც მსახიობმა ამ სეზონზე სერიალში დაბრუნებაზე სავარაუდო უარი თქვა.

თუმცა, გასაკვირია ისიც, თუ რატომ სურს გრეის ანატომიის შემქმნელ შონდა რაიმსს კეტრინ ჰეილის შოუში დაბრუნება, რადგან გაუთავებელი სკანდალებისა და ჩხუბის შემდეგ სწორედ შონდამ გააგდო სერიალიდან.

ამაზე სერიალის გულშემატკივრებს ერთი პასუხი აქვთ, შესაძლოა რაიმსს იმდენად სძულს მსახიობი, რომ შოუში მისი დაბრუნება ერთადერთ მიზანს ემსახურება - შონდას სურს იზი სტივენსის პერსონაჟი ნელა და მტანჯველად გამოასალმოს სიცოცხლეს, რაც დამეთანხმებით და არ გაუჭირდება.

ფოტო: getty

ჭორის გავრცელებას ხელი შეუწყო კეტრინ ჰეილის ინტერვიუმაც Vanity Fair-თან, სადაც კეტრინი შონდას მეორე შანსის მიცემას სთხოვდა.

"გული მწყდება, რომ შონდაზე ასეთი შთაბეჭდილება დავტოვე, მასზე ცუდი არასდროს მითქვამს და პირიქით, მისი დიდი გულშემატკივარი ვარ, ყოველ კვირას ვუყურებ სერიალ სკანდალს და პატივს ვცემ იმას რასაც ის აკეთებს. იმედი მაქვს, ერთ დღეს მომეცემა მეორე შანსი და ჩემზე შექმნილ მცდარ შთაბეჭდილებას შევუცვლი" - ამბობს ჰეილი.