ადრე უკვე მოგიყევით დრეგ ქუინების შესახებ: იმ სატირული, ხანდახან გამაოგნებელი და პოლიტიკური გზავნილებით სავსე კულტურის შესახებ, რომელსაც ისინი უკვე საუკუნეებია ქმნიან. იმ პერფორმატიული ხელოვნებისთვის, რომელსაც დრეგ ქუინები მათთვის დამახასიათებელი სლენგით, მაკიაჟითა თუ კოსტიუმებით ამდიდრებენ, მუსიკა განუყრელი ნაწილია.

რამდენადაც დრეგ ქუინები თავიანთი შოუებით მთლიანად შლიან ზღვარს ფემინურობასა და მასკულინობას შორის, იმდენად მათი სიმღერები თუ ვიდეოკლიპები ამის საილუსტრაციოდ საუკეთესო მაგალითია. მათ შემოქმედებაში მუსიკალურ ღირებულებასთან შედარებით ის ირონია და სარკაზმია სწორედ მნიშვნელოვანი, რომლითაც კულტურულ ნორმებს დასცინიან.

ამ სტატიაში 10 გამორჩეული დრეგ ქუინ შემსურებელი შეგირჩიეთ, რომელთაგან ბევრი, შესაძლოა, RuPaul’s Drag Race-დან გეცნოთ.

RuPaul

მკრეხელობა იქნება, დრეგ ქუინებზე საუბარი რუპოლით რომ არ დავიწყოთ. სწორედ რუპოლია ის, ვინც მოახერხა და 80-ანი წლებიდან მოყოლებული დრეგ კულტურის პოპულარიზაციაში უდიდესი წვლილი შეიტანა. მას დღეს პოპულარული საავტორო სატელევიზო გადაცემაც აქვს, რომელმაც დრეგ ქუინებს მეინსტრიმულ კულტურაში სათანადო ადგილი დაუმკვიდრა.

Supermodel (You Better Work) მისი 1992 წელს გამოშვებული სინგლია, რომელიც ანდრეგრაუნდ კლუბებში მუდმივად ისმოდა და ჩარტებში ჯგუფ Nirvana-ს სიმღერების გვერდით ლიდერობდა.

Naomi Smalls

ჟურნალ New York-ის მიერ დასახელებულ ამერიკაში 100 ყველაზე გავლენიან დრეგ ქუინს შორის Naomi Smalls-მა საპატიო ადგილი დაიკავა. მოუსმინეთ მის სიმღერას Pose, გაიგეთ რა არის ნამდვილი მოდა (მან ისეთი საკულტო მოდელის ყურადღებაც კი მიიქცია, როგორიც ნაომი ქემბელია) და თქვენც დარწმუნდებით, თუ რატომ დაიმსახურა მან ეს ტიტული.

Sharon Needles

ის, თუ როგორ საოცრად კომიკური და თვალისმომჭრელი შეიძლება იყოს დრეგ ქუინის პერფორმანსი, ამაში Sharon Needles დაგარწმუნებთ თავის ვიდეოკლიპში Battle Axe.

Alaska Thunderfuck

Alaska Thunderfuck ნამდვილად ერთ-ერთი ყველაზე დიდებული დრეგ ქუინია, რომელიც თავისი თეატრალურობითა და გამორჩეული იუმორით აუცილებლად მოგხიბლავთ.

Courtney Act

წარმოშობით ავსტრალიელმა დრეგ ქუინმა ყურადღება ჯერ კიდევ 2003 წელს მიიპყრო Australian Idol-ში მონაწილეობით, შემდეგ კი RuPaul’s Drag Race-ის მეექვსე სეზონშიც ვიხილეთ.

Violet Chachki

რთულია, Violet Chachki-ს მოუსმინოთ და რაიმე მზარკვრული არ განიზრახოთ. გარდა იმისა, რომ ვაიოლეტი ისეთ ცნობილ მოდის სახლთან თანამშრომლობს, როგორიც ვოგია, ის ნამდვილად ნიჭიერი არტისტიცაა.

Yvie Oddly

ვისაც ჰიპ-ჰოპი გიყვართ, შეუძლებელია Yvie Oddly არ დააფასოთ, რომელიც RuPaul Drag Race-ის ჯერ-ჯერობით ბოლო, მეთერთმეტე სეზონის გამარჯვებულია.

Shangela Laquifa Wadley

მან მოახერხა და დროის მცირე მონაკვეთში დიდი პოპულარობა მოიპოვა და ერთ-ერთ ყველაზე გავლენიან დრეგ ქუინად ითვლება ამერიკაში. Shangela Laquifa Wadley-ს ხშირად ახალგაზრდა რუპოლსაც ადარებენ.

Adore Delano

თუ ფიქრობთ, რომ დრეგ ქუინები ხშირად პოპმუსიკის მოტივებზე ქმნიან თავიანთ შემოქმედებას, მაშინ Adore Delano-ს მოუსმინეთ: როგორც იუთუბის ერთ-ერთ მომხმარებელი აღნიშნავს კომენტარებში, ის ლანა დელ რეისა და კურტ კობეინის საუკეთესო კომბინაციაა.

Trixie

RuPaul’s Drag Race-ის ერთ-ერთი ყველაზე დასამახსოვრებელი მონაწილე ნამდვილად არის Trixie, რომელმაც თავის უნიკალურ სტილთან ერთად მოახერხა, რომ ქანთრის ჟანრიც კი დაეკავშირებინა დრეგთან.