კინემატოგრაფის ისტორიაში მრავალი ფილმია შექმნილი ისეთ ადამიანებზე, რომლებიც სცენარისტების გამოგონილები არ არიან, პირიქით, ისინი ან ახლა ცხოვრობენ ჩვენს გვერდით ან წლებს წინ მოახდინეს მნიშვნელოვანი გავლენა რომელიმე ქვეყნისა თუ მთელი მსოფლიოს პოლიტიკურ, სოციალურ თუ კულტურულ ცხოვრებაზე. ფილმები, რომლებიც რეალურ ისტორიებზეა დაფუძნებული ყოველთვის დიდ ინტერესს იწვევს მაყურებლებში. მნიშვნელობა არ აქვს, საუბარია რომელიმე ისტორიული მოვლენის ამსახველ კინოფილმზე თუ კონკრეტული ადამიანის ცხოვრებაზე.

ერთად ვნახოთ როგორ გამოიყურებიან რეალურ ამბავზე დაფუძნებული ფილმების ნამდვილი გმირები.

ხელშეუხებელნი

ფოტო 1: paramaunt pictures / ფოტო 2: the telegraph

2011 წელს გადაღებული ფრანგული ფილმი არის ნამდვილი ისტორია ფილიპე პოზო დი ბორგოსა და მისი მზრუნველის, აბდელ სელუს რეალურ ისტორიაზე.

ბედნიერების კვალდაკვალ

ფოტო 1: columbia pictures / ფოტო 2: the famous people

კრისტოფერ გარდნერის ნამდვილ ამბავზე დაფუძნებული ისტორია, რომელმაც ერთ-ერთ პროექტში მნიშვნელოვანი ინვესტიცია ჩადო, თუმცა პროექტმა ვერ გაამართლა. სანამ გარდნერი მოწყობილობის უკეთ გაყიდვას ცდილობს, მას ცოლი მიატოვებს, დაკარგავს სახლს, ბანკის ანგარიშებს და საკრედიტო ბარათებს. გარდნერი იძულებული ხდება ბავშვთან ერთად ქუჩაში იცხოვროს და სასოწარკვეთილი ეძებს სტაბილურ სამსახურს. ფილმში მთავარ როლს უილ სმიტი ასრულებს.

უდაბნოს დედოფალი

ფოტო 1: benarova pictures / ფოტო 2: getty

ფილმი ცნობილი ბრიტანელი მწერლისა და ჯაშუშის, აღმოსავლეთის მკვლევარის გერტრუდა ბელის ისტორიას მოგვითხრობს, სადაც მთავარ როლს ნიკოლ კიდმანი ასრულებს.

უოლ სტრიტის მგელი

ჯორდან ბელფორტის ბიოგრაფიის ეკრანიზაცია, ადამიანის, რომელმაც 1987 წელს დააარსა ნიუ-იორკის ერთ-ერთი ყველაზე დიდი საბროკერო კომპანია, მაგრამ 10 წლის შემდეგ ის ფინანსური მაქინაციების გამო დაიჭირეს. ჯორდანი გაუმკლავდა ალკოჰოლურ და ნარკოტიკულ დამოკიდებულებას, დაწერა ორი წიგნი და დღეს დღეობით კითხულობს ლექციებს თუ როგორ უნდა მიაღწიო წარმატებას. ფილმში ბელფორტის როლს ლეონარდო დი კაპრიო ასრულებს, რომელიც ამ როლის გამო ნომინირებული იყო ოსკარზე და მიღებული აქვს ოქროს გლობუსი.

ერინ ბროკოვიჩი

ფოტო 2: getty

ერინ ბროკოვიჩი სამი ბავშვის მარტოხელა დედაა, რომელიც მუშაობას იურიდიულ ფირმაში იწყებს. ერინს დასჭირდა უზარმაზარი გამბედაობა, იმისათვის რომ საუკუნის უმნიშვნელოვანესი საქმე ბოლომდე მიეყვანა, ის ამერიკის მსხვილი კომპანიების წინააღმდეგ იბრძოდა. ფილმი ძალიან წარმატებული აღმოჩნდა როგორც ფინანსურად, ასევე მოპოვებული ჯილდოების მიხედვით, ჯულია რობერტსს ამ როლზე ოსკარი აქვს მოპოვებული.

ველურ პირობებში

ფოტო 1: lihnson productione

1992 წელს ემორის უნივერსიტეტის დამთავრების შემდეგ, საუკეთესო სტუდენტი და ათლეტი კრისტოფერ მაკქენდლესი უარს ამბობს საკუთარ ქონებაზე. საკუთარ დანაზოგს $24 ათასის ოდენობით მთლიანად ქველმოქვედებაში ხარჯავს და თავად ავტოსტოპით ალასკაზე მიემგზავრება. გზად, კრისტოფერი უამრავ პერსონაჟს შეხვდება, რომლებიც მის ცხოვრებას შეცვლიან. თუმცა მან საბოლოოდ 5 თვეც კი ვერ გაუძლო ასეთ პირობებს და შიმშილით მოკვდა, არსებობს არაოფიციალური ვერსიაც, რომლის მიხედვითაც, მისი სიკვდილის მიზეზი მცენარის მომწამვლელი თესლის ჭამა გახდა. მიტოვებული ავტობუსი კი სადაც კრისტოფერი ცხოვრობდა, ტურისტებისთვის საყვარელ ადგილად გადაიქცა.

ჭამე, ილოცე, შეიყვარე

ფოტო 1: columbia pictures

ლამაზმა ქალმა 30 წელს გადააბიჯა, მას ყველაფერი აქვს, რაზეც შეიძლება იოცნებო – წარმატებული კარიერა, ფინანსური სიმყარე, მოსიყვარულე პარტნიორი. თუმცა, ამის მიუხედავად, გაურკვევლობა ტანჯავს და ხვდება, რომ უბედურია. ახალი ცხოვრების და შინაგანი ბალანსის ძიებაში მსოფლიო ტურში მიემგზავრება და შინაგანი ბალანსის აღდგენას რომში - ჭამით, ინდოეთში - ლოცვით და სიყვარულით ინდონეზიის კუნძულ ბალიზე ცდილობს. 2006 წელს წიგნის მაღაზიებში ელიზაბეტ ჯილბერტის წიგნი ჭამე, ილოცე, შეიყვარე გამოჩნდა. რომელიც თავად ავტორის მემუარებია და მოგვითხრობს ქალზე, რომელიც ნერვული აშლილობის ზღვარზე, ცხოვრების თავიდან დასაწყებად ერთწლიან მოგზაურობას იწყებს. წიგნი დღემდე პოპულარობით სარგებლობს და ნიუ იორკ თაიმსის ბესტსელერების სიაშია შესული. მოგვიანებით, 2010 წელს რეჟისორი რაიან მერფი, წიგნის ეკრანიზაციას გვთავაზობს. სადაც მთავარ როლებს ჯულია რობერტსი, ხავიერ ბარდემი და ჯეიმს ფრანკო ასრულებენ. ფილმის გადაღებები 4 ქვეყანაში მიმდინარეობდა და ზუსტად ასახავს ელიზაბეტ ჯილბერტის მარშრუტს. ფილმის შემოსავალმა 200 მილიონ დოლარს გადააჭარბა.

რევენანტი (გადარჩენილი)

ფილმი დაფუძნებულია ჰიუ გლასის რეალურ ისტორიაზე, რომელიც უამრავი პრობლემის მიუხედავად გადარჩენისთვის იბრძვის. ფილმს 3 ოსკარი აქვს მიღებული. ლეონარდო დი კაპრიომ სწორედ ამ როლის მეშვეობით დაისაკუთრა ოქროს ქანდაკება.

საათები

ფოტო 1: Miramax films / ფოტო 2: Harvard

კენიგემის რომანი საათები, რომელიც 1998 წელს გამოიცა, ვირჯინია ვულფის თვითმკვლელობით იწყება და სამი ქალის ცხოვრების ერთ დღეს აღწერს. წიგნმა მაშინვე მოიპოვა აღიარება და საბოლოოდ ავტორს პულიცერის პრემიაც მიანიჭეს. რამდენიმე წლის შემდეგ ჰოლივუდის მეგა ვარსკვლავების - მერილ სტრიპის, ჯულიანა მურისა და ნიკოლ კიდმანის მონაწილეობით ფილმს იღებენ, რომელსაც ამერიკელი და ევროპელი კინოკრიტიკოსები ოცდამეერთე საუკუნის ერთ-ერთ ყველაზე დიდ ამერიკულ ფილმად აღიარებენ. ნიკოლ კიდმანი ფილმში ვირჯინია ვულფის როლში გვევლინება, ჯულიანა მური შესანიშნავად ირგებს ლორა ბრაუნის პერსონაჟს, ხოლო ჩვენი დროის ყველაზე ნიჭიერ მსახიობად აღიარებული მერილ სტრიპი კლარისა ვოგანის გმირს ასახიერებს. კინოსურათმა უამრავ ჯილდოსთან ერთად “ოქროს გლობუსის” მიიღო საუკეთესო დრამატული ფილმისთვის და “ოსკარის” ნომინაცია საუკეთესო ფილმის კატეგორიაში, ნიკოლ კიდმანმა კი პირველ ოსკარი მოიპოვა. ფილმში სამი სიუჟეტური ხაზია გაერთიანებული, სადაც ხან ვირჯინია ვულფი მისის დოლოუეის წერს, ხან 1951 წლის ლოს-ანჯელესში ლარა ბრაუნს საკუთარ ცხოვრებასგან გაქცევას სურს, ხან კი ოცდამეერთე საუკუნის ნიუ-იორკში კლარისა მეგობრისათვის დღესასწაულის მოწყობას ცდილობს. თითოეულ მათგანს კი დრო შემპარავად და შეუბრალებლად ანადგურებს.