მადრიდში ძლიერი წვიმის და სეტყვის შედეგად ქუჩები დაიტბორა. უცხოური მედიის ინფორმაციით, ყველაზე მეტად არგანდა დელ რეის უბანი დაზარალდა. The Guardian წერს, რომ წყლის ტალღებმა ქუჩებში გაჩერებული მანქანები, ნაგვის ურნები და სკამები გადარეცხა.

წყალდიდობის გამო ესპანეთის მეტროს დეპარტამენტმა რამდენიმე მეტროსადგური და გზატკეცილი დაკეტა. მოქალაქეები საკუთარი ძალებით ცდილობდნენ ქუჩებში დაგროვებული სეტყვის გაწმენდას. სოციალურ ქსელებში გაავრცელდა ვიდეოები, სადაც დაზარალებული დასახლებები ჩანს.