ახალ ზელანდიაში ადამიანისხელა გიგანტური პინგვინის ნამარხები იპოვეს. ფრინველი სიმაღლეში დაახლოებით 1,6 მეტრს აღწევდა, მისი წონა კი 80 კილოგრამს აჭარბებდა.

გიგანტური პინგვინი პალეოცენის ეპოქაში, დაახლოებით 66-56 მილიონი წლის წინ ცხოვრობდა. ახალი ზელანდია გადაშენებული გიგანტური ფაუნითაა განთქმული. იქნება ეს უზარმაზარი თუთიყუშები, არწივები, თუ ღამურები. განასაკუთრებით აღსანიშნავია მოა, რომელიც 3,6 მეტრის სიმაღლის ფრინველი იყო.

"ეს ერთ-ერთი ყველაზე დიდი პინგვინია, რომლის შესახებაც ოდესმე გაგვიგია", — აცხადებს კენტერბერის მუზეუმის უფროსი კურატორი პოლ სკოფილდი BBC-სთან.

პალეოცენში პინგვინებმა ასეთ ზომებს სავარაუდოდ იმიტომ მიაღწიეს, რომ ოკეანებში მცხოვრები რეპტილიები გადაშენდნენ, ამ დროს გაქრნენ დინოზავრებიც.

"მომდევნო 30 მილიონი წელი გიგანტურ პინგვინებს ეკუთვნოდა", — ამატებს ის.

დღეს ყველაზე დიდი სახეობა სამეფო პინგვინია, რომელთა ზომაც სიმაღლეში მაქსიმუ1,2 მეტრს აღწევს.

ფოტო: CANTERBURY MUSEUM

მაშინ, როდესაც გიგანტური პინგვინები ახალ ზელანდიაში დააბიჯებდნენ, ეს უკანასკნელი ხმელეთის ხიდით ავსტრალიასთან იყო დაკავშირებული, რომელიც, თავის მხრივ, ანტარქტიკას უერთდებოდა.

გაურკვეველია ზუსტი მიზეზი, თუ რატომ გადაშენდნენ სამხრეთ ნახევარსფეროში მცხოვრები გიგანტური პინგვინები. ერთ-ერთი სავარაუდო სცენარის მიხედვით, ეს წყლის ძუძუმწოვრებთან კონკურენციამ გამოიწვია. პინგვინების გადაშენების თარიღი წყლის ძუძუმწოვრების ჩამოყალიბებისა და გავრცელების თარიღს ემთხვევა.