იაპონიაში შექმნეს 4-პროპელერიანი მფრინავი მანქანა, რომელიც გიგანტურ დრონს ჰგავს, მაგრამ, მისი დახმარებით მალე ადამიანებიც შეძლებენ სწრაფად და კომფორტულად გადაადგილებას.

პირველმა საცდელმა ფრენამ ისე ჩაიარა, რომ მასში მგზავრი არ იჯდა — მანქანა სამ მეტრზე აფრინდა, 1 წუთში ენერგია გამოელია და უკან, მიწაზე დაეშვა.

იაპონიას აქვს ამბიცია, იყოს ლიდერი ქვეყანა მფრინავი მანქანების შექმნასა და წარმოებაში. 2023 წლიდან კი სურთ, რომ მსგავსი ტექნოლოგიით რიგითმა ადამიანებმაც ისარგებლონ და ასფალტზე სიარულის ნაცვლად, ჰაერში იფრინონ.

"იაპონია მჭიდროდ დასახლებული ქვეყანაა, რაც იმაზე მიგვანიშნებს, რომ მფრინავი მანქანების შექმნა ჩვენს გზებზე არსებული საცობების პრობლემას სამუდამოდ გადაწყვეტდა. იმედი გვაქვს, რომ უპრობლემოდ მგზავრობისთვის, სრულყოფილი ინფრასტრუქტურის შემქნასაც მოვახერხებთ ", — ამბობს პროექტ NEC-ს ხელმძღვანელი.

ფოტო: Kiyoshi Ota / Bloomberg


პირველი მოდელის შექმნაზე, რომელიც სიგრძეში 3,9, სიგანეში 3,7, სიმაღლეში კი 1,3 მეტრია და 150 კილოგრამს იწონის, ერთი წლის განმავლობაში მუშაობდნენ.

აღსანიშნავია, რომ იაპონია არ არის ერთადერთი ქვეყანა, რომელიც ფრინავი მანქანების შექმნაზე მუშაობს — ამ მიმართულებით სერიოზული გეგმები აქვთ დუბაიში, სინგაპურსა და ახალი ზელანდიაშიც.