მათ, ვინც ივნისის თვეში გაუსაძლის სიცხეზე წუხდა, ოცნება აუხდა — შეგიძლიათ თბილი ტანსაცმელი ხელმეორედ ამოალაგოთ, რადგან პირველ ივლისს საქართველოს სხვადასხვა კუთხეში ყინვა და თოვლი დაფიქსირდა.

როგორც On.ge-ს გარემოს ეროვნულ სააგენტოში უთხრეს, 0° ცელსიუსი მხოლოდ სვანეთის მაღალმთიან რეგიონში, თეთნულდში დაფიქსირდა, თუმცა, ამის პარალელურად, ფეისბუქზე სხვადასხვა ადგილებიდან ვრცელდება არასაზაფხულო ამინდების ფოტოები.

ყაზბეგი

სვანეთი

ბახმარო

როგორც გარემოს ეროვნული სააგენტო ფეისბუქზე წერს, დღის განმავლობაში საქართველოს ზოგიერთ რაიონში ხანმოკლე წვიმა და ელჭექი იქნება, ხოლო 2 ივლისადან გამოიდარებს. სააგენტოს ინფორმაციით, თბილისში 5 ივლისამდე უნალექო ამინდი იქნება, დღეს კი ძლიერი ქარის პარალელურად ჰაერის ტემპერატურა +25° იქნება.