უმრავლესობა ფიქრობს, რომ ინგლისური ენის სწავლა მარტივი არ არის და პირველ რიგში ამ სტატიით ამ სტერეოტიპის დამსხვრევას შევეცდებით. სინამდვილეში, მთავარი სწორი მეთოდოლოგიის და მასწავლებლის შერჩევაა, თუმცა ჩვენი მონდომების გარეშე, რა თქმა უნდა, ამ შემთხვევაშიც არაფერი გამოვა. ხშირად ხდება, რომ გვგონია, ენა კარგად ვიცით, მაგრამ საქმე საქმეზე რომ მიდგება და უცხოენოვანი ადამიანის წინაშე ვრჩებით, ერთ სიტყვასაც ვეღარ ვამბობთ ინგლისურად. სწორედ ამიტომ არის ძალიან მნიშვნელოვანი პრაქტიკა და ინგლისურ ენაზე კომუნიკაცია, თანაც რაც შეიძლება ხშირად.

შენ შეიძლება ფიქრობდე, რომ პრაქტიკის მიღებას, სასაუბრო უნარების გამომუშავებასა და კომპლექსის დაძლევას დიდი დრო სჭირდება, მაგრამ "ბექას სკოლა" ექსპრეს სასაუბრო კურსით საპირისპიროს ამტკიცებს.

ჰმ, მემგონი ღირს გადამოწმებად, არა?

ჩვენ მოგიყვებით ხუთ მიზეზს, თუ რატომ უნდა აირჩიოთ ექსპრეს კურსი ინგლისური ენის გასაუმჯობესებლად.

1. სრულად ინგლისურენოვანი გარემო და პრაქტიკა

ინგლისურ ენაზე საუბარი პრაქტიკისა და შესაფერისი გარემოს გარეშე, ძალიან რთული რომ ჩანს, ეს უკვე ვთქვით. იმისთვის, რათა დახვეწო შენი აქცენტი, მარტივად და სხარტად შეძლო სასურველი წინადადებების წარმოთქმა და სასიამოვნო ბაასი გააბა თანამოსაუბრესთან, ვარჯიშია საჭირო.

ბექას სკოლაში ექსპრეს კურსი სწორედ ამ მიზანს ემსახურება — როგორც ყოფილი და არსებული მოსწავლეები ამბობენ, დაახლოებით ერთ კვირაში საერთოდ აღარ გექნება ინგლისურად მოსაუბრე, იგივე Native English Speaker-ების, გაგების პრობლემა. კურსის დასრულების შემდეგ კი, სულ რაღაც რვა კვირაში, გაგიქრება ყველანაირი კომპლექსი, ბარიერი თუ განცდა, რომ რაიმეს არასწორად ამბობ ან არასასიამოვნოდ საუბრობ.

2. ბრიტანელი და ამერიკელი მასწავლებლები

ექსპრეს სასაუბრო ინგლისურის კურსის განმავლობაში ბრიტანელი და ამერიკელი მასწავლებელი დაგეხმარებიან ინგლისურად საუბრის კომპლექსის დაძლევასა და ვერბალური კომუნიკაციის დახვეწაში. სწორედ ისინი ჩაგიტარებენ გაკვეთილებს და შეცვლიან შენს წარმოდგენას ინგლისურად მეტყველებასთან დაკავშირებით. ბექას სკოლაში, სხვა ცენტრებთან შედარებით, ყველაზე მეტი ინგლისურენოვანი მასწავლებელი ასწავლის.

გარდა იმისა, რომ ბექას სკოლაში ძალიან კარგად გასწავლიან ინგლისურს, ის, რაც აქაურობას სხვა ცენტრებისგან ყველაზე მეტად გამოარჩევს, მაინც გარემო და აქ მომუშავე ადამიანები არიან

ჯემო მეკოკიშვილი, მოსწავლე

თითოეულ მათგანს თავისი დამახასიათებელი ნიშნები აქვს, რომელიც მათთან შეხვედრამდე აუცილებლად უნდა იცოდეთ:

ბენი

  • ბექას სკოლის ყველაზე პოპულარული მასწავლებელი, ლინგვისტი და გრამატიკის გურუ;
  • თუმცა გირჩევთ, რომ მის გაკვეთილზე 1 ქართულიც სიტყვაც კი არ თქვათ;
  • ბენს ყველაზე მეტად უყვარს თავისი დაბადების დღე;
  • მის სტუდენტებს უჩვეულოდ ხშირად მოაქვთ ხოლმე ტორტი მის გაკვეთილზე.

როკი

  • თუ კი ვინმეს შეუძლია თქვენი თავდაჯერებულობა ცამდე აამაღლოს, ეს როკია;
  • ის ბექას სკოლის ყველაზე გამორჩეული და ლაღი მასწავლებელია;
  • როკს ყველაზე მეტად თავისი ცოლი, მოტოციკლი და როკენროლი უყვარს;
  • მისი ოთახიდან ყოველ პარასკევს უცნაური ჟრიამულის ხმა გამოდის ხოლმე.

დემიენი

  • მისმა მკვეთრად ბრიტანულმა აქცენტმა შეუძლებელია არ მოგხიბლოთ;
  • ოპერა დემიენის ცხოვრების აზრია;
  • თუკი შოკოლადი დაკარგეთ, იცოდეთ, რომ ის დემიენის აღებულია;
  • მისი ოთახიდან უჩვეულოდ ხმამაღალი სიცილის ხმა გამოდის ხოლმე.

კარლი

  • გნებავთ, კარლიტო, კარლსონ, კარლუშა, კარლმენი, როგორც თავად ამბობს;
  • თუმცა, ის მაინც ყველაზე აკადემიური მასწავლებელია ბექას სკოლაში;
  • მისი ბრიტანული მოწესრიგებულობა და პუნქტუალურობა შეუძლებელია რომ გამოგეპაროთ;
  • კარლს ყველაზე მეტად ქართული სამზარეულო და ფოტოგრაფია უყვარს.

3. ყველაზე თანამედროვე და გამოყენებადი ინგლისურის სწავლება

ჩვენ ხშირად წლების განმავლობაში ვსწვალობთ ინგლისურ ენას და ბოლოს აღმოჩნდება ხოლმე, რომ უცხოელებთან საუბრისას ბევრ რამეს ვერ ვიგებთ. იგივე პრობლემა გვაქვს მაშინ, როცა ფილმებს ინგლისურად ვუყურებთ და გვიჩნდება განცდა, რომ ინგლისური არც თუ ისე კარგად ვიცით. ეს ხშირად იმის ბრალია, რომ არის რაღაცები, რასაც წიგნებიდან ვერ ისწავლი.

რამდენიმე თვის წინ საერთაშორისო პროექტზე დამამტკიცეს. ძალიან ვინერვიულე, რომ სიტყვას ვერ ვიტყოდი ინგლისურად. ყველას გვაქვს უცხო ენაზე საუბრის კომპლექსი, მათ შორის მსახიობებსაც. აი, მაშინ მოვედი ბექას სკოლაში და ყველანაირი ბარიერი მომეხსნა, რაც მანამდე მქონდა და პროექტმაც გადასარევად ჩაიარა

ვიკა კალანდია, მსახიობი

ბექას სკოლაში ექსპრეს კურსზე ყველაზე თანამედროვე, ყოველდღიურად გამოყენებად და პრაქტიკულ ინგლისურს ასწავლიან, არც სლენგის და ზოგჯერ უხამსი სიტყვების სწავლებას ერიდებიან, რის შედეგადაც ამ სკოლის მოსწავლეები ზემოთ ხსენებული პრობლემების წინაშე საერთოდ აღარ დგებიან.

4. გრამატიკის ექსპრეს კურსით შესწავლის შესაძლებლობა

თუკი ფიქრობ, რომ შენს ინგლისურს ვერბალური გაუმჯობესების გარდა, გრამატიკულადაც სჭირდება გამართვა, ბექას სკოლაში გრამატიკის ექსპრეს კურსითაც შეგიძლიათ ისარგებლო. მოკლე დროში საუბართან ერთად, გრამატიკულ უნარებსაც დახვეწ, ამაში კი ქართველი პროფესიონალები დაგეხმარებიან. როგორც თვითონ ბექა ამბობს, ქართველი რომ ქართველს გრამატიკას აუხსნის, ისე სხვა ვერავინ შეძლებს.

გრამატიკის ექსპრეს კურსი კარგი საშუალებაა ინგლისურ ენაში გრამატიკული ცოდნის ნაკლებობის სწრაფად აღმოსაფხვრელად. რა თქმა უნდა, ამ კურსის ფარგლებშიც ბექას სკოლაში მხოლოდ ინოვაციურ, განსაკუთრებულ და შედეგზე ორიენტირებულ მიდგომებს იყენებენ, რათა რეალური ცოდნა მიიღოთ და არა უბრალოდ დაზეპირებული გრამატიკის წესები.

ექსპრეს კურსი ბექას სკოლაში განსაკუთრებულია. ის კარგ საშუალებას იძლევა მოკლე დროში და ყოველდღიურ რეჟიმში მივიღოთ ცოდნა ინგლისურ ენაში. ვერსად ასეთი სიზუსტით ვერ გამოვიყენებთ ცნობილ ფრაზას - "სწრაფად და ხარისხიანად" როგორც ბექას სკოლის ექსპრესს კურსის შეფასების დროს

კოტე ცირეკიძე, მოსწავლე

5. ზაფხულის სასარგებლოდ გამოყენების შესაძლებლობა

ზაფხული ახალი ცოდნის მისაღებად ძალიან კარგი პერიოდია. კარგი განწყობა და მშვენიერი ამინდები ადამიანის მოტივაციასა და მონდომებას აძლიერებს. მითუმეტეს, თუკი ზაფხულის განმავლობაში ვერ ახერხებ დასასვენებლად დიდი ხნით წასვლას, შეგიძლია ეს პერიოდი სასარგებლოდ გამოიყენო. ბექას სკოლა მთელი ზაფხულის განმავლობაში იმუშავებს, რაც კარგი შანსია შენთვის, რომ გაიუმჯობესო ინგლისური ენის უნარები.

ის, რაც ბექას სკოლას გამოარჩევს, თანამედროვე მიდგომები და მეგობრული გარემოა, რომელიც იმდენად შეგიყვარდება, რომ ყოველდღე გაკვეთილზე სიარული ბედნიერებად გექცევა. თანაც, ექსპრეს კურსი მართლა ყოველდღიურად, ორშაბათიდან-პარასკევის ჩათვლით ტარდება.

ბექას სკოლაში მიღება 18 წლიდან იწყება და ინგლისური ენის ნებისმიერი დონის მქონე ადამიანს შეუძლია კურსის დაწყება. სხვადასხვა ჯგუფების გაკვეთილები დილის 10 საათზე იწყება და საღამოს 11 საათამდე გრძელდება, შენ კი ამ შუალედში ნებისმიერ ჯგუფში შეგიძლია იპოვნო საკუთარი ადგილი.

ოღონდ, არ უნდა დაგავიწყდეს, რომ ფიქრისთვის ბევრი დრო არ გაქვს. ბექას სკოლაში ადგილები ელვის სისწრაფით ივსება. სანამ შენ ფიქრობ, სხვები ირჩევენ. ზაფხულშიც კურსებზე მოთხოვნა ძალიან მაღალია, რაც იმას ნიშნავს, რომ თუ ექსპრეს კურსზე მოხვედრა გინდა 3 ან 10 ივნისიდან, მაშინ ჯობია, რომ რეგისტრაცია დღესვე გაიარო და დაჯავშნო შენი ადგილი. მანამდე კი, შეგიძლიათ ცოდნის დონის დასადგენი ტესტიც შეავსოთ, რათა ზუსტად იცოდეთ, რომელი დონიდან უნდა დაიწყო სწავლა.