ოჯახის წევრებთან, მეგობრებთან, თანამშრომლებთან, ან უბრალოდ უცნობებთან კომუნიკაცია თითქმის ყოველდღიურად გვიწევს და როგორც წესი, ვრცელი თუ ძალიან ხანმოკლე საუბარი კითხვა-პასუხის რეჟიმში მიდის.

თუმცა, არსებობს წითელი ხაზები, რომელთა გადაკვეთის მომენტშიც უსიამოვნო განცდა გვეუფლება და ერთი სული გვაქვს, რომ ეს საუბარი, რაც შეიძლება სწრაფად დავასრულოთ.

"როდის თხოვდები?", "ხელფასი რამდენი გაქვს?" "ასე სწრაფად როგორ დაიკელი?" — ეს იმ "ჩვეულებრივი" კითხვების მცირე ჩამონათვალია, რომელზე პასუხის გაცემაც სინამდვილეში არც არავის სიამოვნებს.

არასასიამოვნო კითხვები ძირითადად ასე ჟღერს:

1. შეყვარებული არ გყავს?

ფოტო: giphy

როცა არასასიამოვნო კითხვებზე ვსაუბრობთ, რა თქმა უნდა, მაშინვე პირად ცხოვრებასთან დაკავშირებული კითხვები გვახსენდება. ვაღიაროთ, რომ "შეყვარებული არ გყავს?!" — 6, 17, თუ 26 წლის ასაკში ერთნაირად გამაღიზიანებელი მოსასმენია.

2. ცოლი როდის მოგყავს / როდის თხოვდები?

ფოტო: giphy

ასაკის მატებასთან ერთად, პირველი კითხვის ფორმულირებაც სახეს იცვლის და დაახლოებით ასე ჟღერს: ცოლი როდის მოგყავს?! / გათხოვებას არ აპირებ?! — როცა დავაპირებთ, გეტყვით!

3. ბავშვს არ აპირებთ?

ფოტო: giphy

კითხვები ერის გამრავლებაზეც საკმაოდ ცუდი მოსასმენია. არასამართლიანად ჩნდება განცდა, რომ მთელი ქვეყანა ელოდება შენს ბავშვს, შენ კი ცუდი ტიპი ხარ და ბავშვები არ გიყვარს.

4. რამდენი მეგობარი გყავს?

ფოტო: giphy

მოდი და გაიგე რისი გარკვევა სურს ამ კითხვის ავტორს — რამდენად მეგობრულები ვართ, ნაცნობებსაც კი მეგობრებს ვეძახით, თუ ასოციალური ტიპები რომ ვართ? ასეა?

5. მაგისტრატურას არ აპირებ?

ფოტო: giphy

არ გვჭირდება ქვეყანაში ადამიანები, რომლებიც მაგისტრატურაზე აბარებენ, მერე კი საგნები რჩებათ!

6. ამაში რა მიეცი?

ფოტო: giphy

ყველაფერი ასე იწყება: რა ლამაზია, ძალიან გიხდება, ესეთი არსად მინახავს, მაგრამ ყველა გზა მაინც "რა ღირდა?"-მდე მიდის.

7. ხელფასი რამდენი გაქვს?

ფოტო: giphy

საკმარისია. ამჯერად ფინჯან ყავაზე დაგპატიჟებ და მეორე პაემანზე თამამად გეტყვი — არა!

8. რომელ სუნამოს ხმარობ?

ფოტო: giphy

განსაკუთრებულად უხერხულია, როცა სუნამო საერთოდ არ გასხია და უბრალოდ შენს დეოდორანტს აქვს ასეთი სასიამოვნო სუნი. პასუხიც უხერხულად ჟღერს — რავი, დეოდორანტი.

9. საით მიდიხარ?

რუსთავში.

10. ასე მალე როგორ დაიკელი?

ფოტო: giphy

თითქოს ვარჯიშისა და სწორი კვების გარდა, რამე მაგიური რეცეპტი არსებობდეს.