რას უნდა ველოდოთ დღეს, როდესაც Apple ახალ iPhone 7-ს წარადგენს
უკვე ტრადიციად იქცა, რომ ტექნოლოგიების სამყაროში სექტემბრის თვე ეფლის ახალი პროდუქციით იწყება. წელსაც, კომპანია განახლებულ iPhone-ს და, შესაძლოა, სხვა პროდუქტებსაც წარადგენს.
ექსპერტები საინტერესო ღონისძიებას ელოდებიან, რადგან წელს აიფონი "ციფრს იცვლის" - ანუ, #S ვერსიის (4S, 5S, 6S...) ნაცვლად მომდევნო, მეშვიდე ვერსიაზე გადადის. თუმცა, გავრცელებული ჭორების მიხედვით, ეს პირველი შემთხვევა იქნება, როდესაც ციფრის შეცვლას მოწყობილობის დიზაინის სერიოზული ცვლილება არ მოჰყვება. როგორც ჩანს, კომპანია ამჯერად მცირედ ვიზუალურ ცვლილებებს დასჯერდება.
ასევე, წყაროები იუწყებიან, რომ ეფლი მისი ჭკვიანი საათის - Apple Watch-ის ახალ ვერსიასაც წელს წარადგენს. ეს საათის პირველი განახლებაა ისტორიაში, ასე რომ წინასწარ რთულია განსაზღვრა, რა პრინციპით აპირებს ტექნოლოგიური გიგანტი თავისი ყველაზე ნიშური პროდუქტის, საათის განახლებების ციკლის წარმართვას.
როგორც წინა წლებში, დღესაც, 7 სექტემბერს, პრეზენტაცია პირდაპირ ეთერში გადაიცემა. იგი თბილისის დროით საღამოს 9 საათზე და მისი ყურება ეფლის ვებსაიტზე იქნება შესაძლებელი. ლაივსტრიმის ჩასართავად აუცილებელია Safari ბრაუზერი მაკზე ან რომელიმე iOS მოწყობილობაზე. Windows 10-ის მომხმარებლებს კი Microsoft Edge ბრაუზერი დასჭირდებათ. ასევე, სტრიმი ხელმისაწვდომი იქნება ყველა Apple TV-ზე, გარდა პირველი თაობისა.
ოფიციალურ პრეზენტაციამდე კი გადავხედოთ არსებულ ჭორებს მომავალი iPhone-ის შესახებ, რომელთა უმრავლესობაც, როგორც წესი, მართლდება ხოლმე.
(ახალი) დიზაინი
თითქმის დარწმუნებით შეიძლება ითქვას, რომ ახალ აიფონში, დიზაინის სერიოზული ცვლილება არ იგეგმება. ეფლმა ამჯერად მხოლოდ ვიზუალის "გასუფთავება" და დეტალების დახვეწა გადაწყვიტა. Macrumors-ის შექმნილი ჩანახატის მიხედვით, ტელეფონის კორპუსს ანტენის გამყოფი ზოლების ნაწილი მოშორდება, რაც, მიუხედავად მცირე დეტალისა, უკანა პანელს უფრო სასიამოვნოს ხდის.
ყურსასმენების გამქრალი შესაერთებელი
ეს "ფუნქცია" ყველაზე ხმაურიანი ამბავია, რაც iPhone 7-ის გამოსვლას მოჰყვება. ამ მოდელიდან ეფლმა გადაწყვიტა, ტელეფონს აღარ ჰქონდეს ყურსასმენის ტრადიციული შესაერთებელი (ე.წ. 3,5 მილიმეტრიანი ჯეკი), სტანდარტი, რომელიც 1964 წლიდან არსებობს. ეს ნიშნავს, რომ ამიერიდან, აიფონისთვის მხოლოდ უსადენო (Bluetooth) ან Lightning-პორტის ყურსასმენები გამოდგება (Lightning პორტი უკანასკნელი აიფონების ე.წ. "დამტენის" პორტია, სადაც USB კაბელი ერთდება).
ასევე, ვრცელდება ხმები, რომ ეფლი ახალ აიფონს გადამყვანს მოაყოლებს, რომლითაც Lightning პორტში ჩვეულებრივი 3,5 ჯეკის შეერთება მოხერხდება. ალბათ, იმ მომხმარებლების დასაწყნარებლად, ვისაც ჩვეულებრივი ყურსასმენები არ აკმაყოფილებთ და ასობით დოლარი აქვთ გადახდილი უფრო პროფესიონალურ (ან, პოპულარულ) ბრენდებში.
სავარაუდოდ, ეს გადაწყვეტილება ტელეფონის მოცულობის ოპტიმიზირებით აიხსნება. ამ შესაერთებლის ამოღებით, უფრო მეტი ადგილი რჩება ელემენტისთვის ან სხვა კომპონენტებისთვის. ზოგი ექსპერტის მოსაზრებით, ეფლის ეს ნაბიჯი ამ "არქაული სტანდარტის" სამომხმარებლო ტექნიკიდან გაქრობის დასაწყისი იქნება. და უკვე გამოჩნდა კიდეც ნამდვილი პირველი მერცხალი - Motorola-ს ახალ Moto Z და Moto Z Force მოდელებს მხოლოდ USB Type-C პორტი აქვთ ყურსასმენებისთვის. ეფლი ყოველთვის ერთ-ერთი პირველი იყო, ვინც მოძველებულ სტანდარტებს იღებდა წარმოებიდან (და ბევრ მომხმარებელსაც აღიზიანებდა). თავის დროზე, მათ პირველებმა შეწყვიტეს ჯერ ე.წ. Floppy დისკის და მოგვიანებით - ოპტიკური, CD/DVD დისკების წამკითხველის მოთავსება კომპიუტერებში.
ახალი ყურსასმენები
სტანდარტული შესაერთებლის გაქრობის გამო, ეფლს ახალი ყურსასმენების მოთავსება მოუწევს აიფონის ყუთებში. უდიდესი ალბათობით, ეს სტანდარტული EarPods იქნება, მხოლოდ შეცვლილი ჯეკით - Lightning-ით, 3,5მმ-იანის ნაცვლად. თუმცა, არსებობს ვერსიაც, რომ ეფლი ახალ ტელეფონს უსადენო, Bluetooth ყურსასმენს მოაყოლებს, რომელსაც AirPods ერქმევა. მაგრამ, ასეთი ყურსასმენის სიძვირის გამო, ეს ნაკლებად სავარაუდოა. შესაძლოა, კომპანია მართლაც ამზადებს ამ პროდუქტს, ოღონდ - ცალკე გასაყიდად; და არა ტელეფონის მოყოლილ აქსესუარად.
კიდევ ერთი კამერა
რამდენიმე წლის წინ, ტელეფონის მეორე, წინა კამერა დიდი მიღწევა იყო. დღეს კი უკვე სამ-კამერიან ტელეფონებს ვხვდებით. მესამე კამერა, რეალურად, მთავარი, უკანა კამერის დანამატია, რომელსაც მწარმოებლები სხვადასხვა დანიშნულებით იყენებენ. მაგალითად, Huawei P9-ს დამატებითი შავ-თეთრი კამერა აქვს, რომელიც მთავარი კამერით გადაღებულ ფოტოებს სიმკვეთრეს და ხარისხს მატებს. LG G5-ის დამატებითი კამერა კი, ფოტოებს ფართო ხედვის კუთხით იღებს და ე.წ. "zoomed out" ეფექტს იძლევა. აი ერთი კადრი, გადაღებული LG G5-ის ორი კამერით - მარცხნივ, სტანდარტული, 16 მეგაპიქსელიანი კამერით და მარჯვნივ - დამატებითი, 8 მეგაპიქსელიაინი კამერით გადაღებული (HDR რეჟიმში), რომელსაც ხედვის უფრო ფართო კუთხე აქვს:
ჯერჯერობით უცნობია, რა დანიშნულებით გამოიყენებს iPhone 7 დამატებით კამერას. თუმცა მისი არსებობა თითქმის დადასტურებულია. Bloomberg-ის აზრით, დამატებით კამერას ეფლი გადაღებისას უფრო ხარისხიანი მიახლოებისთვის (zoom in) გამოიყენებს.
დიდი ალბათობით, დამატებითი კამერა მხოლოდ iPhone 7-ის "დიდ" მოდელს - iPhone 7 Plus-ს ექნება. თუმცა, კამერის განახლებას ჩვეულებრივ აიფონზეც ელოდებიან - სავარაუდოდ, სტანდარტული ზომის ტელეფონის კამერა ვიდეო-გადაღებისას გამოსახულების ოპტიკური სტაბილიზაციის ფუნქციას შეიძენს, რაც აქამდე მხოლოდ Plus მოდელებში იყო ხელმისაწვდომი.
32GB-იანი საწყისი მოდელი
უკვე წლებია, რაც მომხმარებლები ამ სიახლეს ელიან. კომპანიის დაჟინებას, ტელეფონის საწყისი, ყველაზე იაფიანი მოდელი კვლავ 16GB-იანი იყოს, ეფლის ყველაზე გამოცდილი ფანებიც კი ვერ ამართლებენ. The Wall Street Journal-ის ინფორმაციით, ეს მიდგომა საბოლოოდ იცვლება. ელოდებიან, რომ წელს ეფლი მოცულობის მიხედვით მოდელებს გააორმაგებს. ანუ, ყველაზე იაფიანი, საწყისი მოდელი 16-ის ნაცვლად 32 გიგაბაიტიანი იქნება. მას კი 128 და 256 გიგაბაიტიანი მოდელები მოჰყვება. ეს ძალიან მნიშვნელოვანი სიახლეა, მომხმარებლების გაზრდილ მადას, ახალ-ახალ თამაშებს, ფოტოების და HD-ვიდეოების უთვალავ რაოდენობას, დიდი მეხსიერება სჭირდება. განსაკუთრებით მაშინ, თუ ხმები გამართლდა და ახალ აიფონს 4K ხარისხის ვიდეოს გადაღება 60 კადრი/წამში სიჩქარით შეეძლება.
Home ღილაკი ღილაკის გარეშე
გავრცელებული ხმებით, ახალ iPhone-ს მისი ერთ-ერთი უცვლელი ელემენტი - Home ღილაკი ეცვლება. სავარაუდოდ, მას "ვირტუალური" ღილაკი შეცვლის, რომელიც შეხებით იგრძნობს დაჭერას და რეალურად არ "ჩაეჭირება". შეხებისას, წკაპუნის ხმას კი სპეციალური haptic-მოდული გამოსცემს. ამ ხრიკს ეფლი აქტიურად იყენებს ბოლო პერიოდში. მაგალითად, უკანასკნელი Macbook-ის touchpad-ზე კლიკისას რეალურად არაფერს ეკლიკება, ფიზიკური ნაწილი არ მოძრაობს, მაგრამ მომხმარებლის თითი მიკრო-ვიბრაციას გრძნობს და წკაპუნის ხმა გამოიცემა.
ნამდვილი შავი ფერი
ბევრისთვის, შესაძლოა მხოლოდ ეს იყოს ახალი iPhone-ის შეძენის გადამწყვეტი ფაქტორი. iPhone 5-ის შემდეგ ამ სმარტფონს რეალური შავი ფერი არ ღირსებია. ეფლის ე.წ. Space black ყველასთვის რუხი მეტალი იყო და შავთან საერთო არაფერი ჰქონდა. როგორც ჩანს, წელს კომპანია უბრუნდება კლასიკურ შავს და სტანდარტულ ზედაპირს კიდევ ერთ არჩევანს - პრიალა შავს უმატებს (რომელსაც ზოგი წყაროთი Piano black-ს ეწოდება). ზედა ფოტოზე, რომელიც იაპონურმა Mac Otakara-მ მოიპოვა, ქარხნიდან გამოჟონილი Sim-ის ჩასადებები ჩანს, სხვადასხვა ფერის ტელეფონისთვის, საიდანაც ფერების გარჩევა კარგად შეიძლება.
და სხვა ჭორები: წელსაც, ბევრი ჭორი, სავარაუდოდ, არ გამართლდება. მათ შორისაა ლეგენდები, რომ ეფლი ახალი აიფონისთვის ორ-სიმიან მოდელზე მოდელზე მუშაობდა. ასევე, ნაკლებად სავარაუდოა, რომ ლურჯი ფერის ან უსადენო დატენვის მქონე მოდელი გამოვიდეს.
გარდა iPhone 7-სა, დღევანდელ პრეზენტაციაზე Apple Watch-ის განახლებასაც ელოდებიან. კომპანიას საკუთარი პროდუქციის კიდევ ბევრი ხაზი აქვს გასანახლებელი - მათ შორის, Macbook Pro-ების სერია. თუმცა, ახალი ლეპტოპების წარდგენას დღეს ნაკლებად ვარაუდობენ.
-
გადახედვაპარლამენტთან ახალგაზრდები აქციას მართავენ — რუსთაველი გადაკეტილია პარლამენტთან ახალგაზრდები აქციას მართავენ — რუსთაველი გადაკეტილია
-
გადახედვააზერბაიჯანში, "ამორალური კონტენტის" გამო, 60-მდე ტიკტოკერი დასაჯეს აზერბაიჯანში, "ამორალური კონტენტის" გამო, 60-მდე ტიკტოკერი დასაჯეს
-
გადახედვადეგნანი: ვფიქრობ, კანონის შემობრუნების მიზეზი ისაა, რომ ოცნებამ არჩევნებზე საერთაშორისო სადამკვირვებლო მისიების მუშაობა არ დაუშვას დეგნანი: ვფიქრობ, კანონის შემობრუნების მიზეზი ისაა, რომ ოცნებამ არჩევნებზე საერთაშორისო სადამკვირვებლო მისიების მუშაობა არ დაუშვას
-
გადახედვასაგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით საგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვასაერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი საერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი
-
გადახედვაოპოზიციური პარტიების ერთობლივი განცხადება რუსულ კანონთან დაკავშირებით ოპოზიციური პარტიების ერთობლივი განცხადება რუსულ კანონთან დაკავშირებით
-
გადახედვატეილორ სვიფტი 19 აპრილს ახალ ალბომს უშვებს —ყველაფერი, რაც ალბომზე უნდა იცოდე ტეილორ სვიფტი 19 აპრილს ახალ ალბომს უშვებს —ყველაფერი, რაც ალბომზე უნდა იცოდე
-
გადახედვაარა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში არა, ფეისბუკი თქვენს ფოტოებს უნებართვოდ არ გამოიყენებს — რა ხდება სინამდვილეში
-
გადახედვაარ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს არ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს
-
გადახედვანახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა ნახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა
-
გადახედვახოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი ხოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი
-
გადახედვაამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი ამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი
-
გადახედვაგიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ გიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ
-
გადახედვაპრეზიდენტმა ვეტო დაადო ქალთა კვოტირების გაუქმების კანონებს პრეზიდენტმა ვეტო დაადო ქალთა კვოტირების გაუქმების კანონებს
-
გადახედვაკვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს კვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს
-
გადახედვათამთა კალანდაძის ინფორმაციით, ლაზარე დღეს ან ხვალ გამოვა ციხიდან თამთა კალანდაძის ინფორმაციით, ლაზარე დღეს ან ხვალ გამოვა ციხიდან
-
გადახედვაუშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი უშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი
-
გადახედვაქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო ქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო
-
გადახედვამარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ მარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ
დისკუსია: აპირებთ iPhone 7-ის ყიდვას?