ამერიკელი რეპერი სნუპ დოგი იმ ასობით ადამიანს შორისაა, რომელსაც სურს რომ მიტოვებულმა ბულტერიერმა, სახელად სნუპმა, მის სახლში დაიდოს ბინა.

ძაღლი 17 დეკემბერს ინგლისის ერთ-ერთ ქალაქში პატრონმა მიატოვა. სათვალთვალო კამერების მიერ გადაღებულ ჩანაწერში ჩანს, რომ მის ყოფილ პატრონს ძაღლი მანქანიდან გადმოჰყავს და საწოლთან ერთად ქუჩაში ტოვებს.

ძაღლი ცხოველთა თავშესაფარში გადაიყვანეს და სნუპი დაარქვეს. ვიდეო კი მილიონობით ადამიანმა ნახა, მათ შორის, ბულტერიერის რეპერმა სეხნიამ.

სნუპი

Daily Satr-თან ინტერვიუში, სნუპ დოგმა თქვა, რომ ვიდეომ გული მოუკლა. რეპერმა ასევე თქვა, რომ მის ლოს-ანჯელესის სახლში საყვარელი ცუგასთვის ადგილი ყოველთვის იქნება:

"ვიცი, რომ უამრავს სურს მისი სახლში წაყვანა. თუმცა, თუ დასჭირდა, მას ჩემს ბინაშიც ელოდება სახლი".

სნუპი ახლა ცხოველებთან სასტიკი მოპყრობის პრევენციის სამეფო საზოგადოების (RSPCA) თავშესაფარში ცხოვრობს. ორგანიზაციის წარმომადგენლის სიტყვებით, მას ადამიანებთან თამაში, დროის გატარება და ჩახუტება უყვარს.

RSPCA-ს ძაღლის ყოფილი პატრონის წინააღმდეგ გამოძიებაც აქვს დაწყებული და მისი დასრულების შემდეგ, ცხოველის აყვანის შესახებ განცხადებებს მიიღებს.