ყველას, ვისაც თი ბოტის შესახებ სმენია და მისი სიკეთეებით უსარგებლია, კარგად ესმის, თუ რამდენად გამარტივდა საბანკო გადახდები თიბისის მომხმარებლებისთვის. თი ბოტი ინოვაციური პროექტია, რომელიც ორი წელია ქართველ მომხმარებლებს ემსახურება და მათ ცხოვრებას უშუალო კომუნიკაციით ამარტივებს.

ჩვენ უკვე მოგიყევით თი ბოტის შესახებ და მისი შესაძლებლობები დეტალურად გაგაცანით. ახლა კი, თიბისის ინოვაციური პროექტი საქართველოს საზღვრებს გასცდა და საერთაშორისო აღიარებაც მოიპოვა. მართალია, ჯერ კიდევ ახალი პროდუქტია, თუმცა მომხმარებლების ნდობისა და მოწონების მოპოვება უკვე შეძლო.

The Payments Awards-ზე თი ბოტმა საუკეთესო ალტერნატიული გადახდის პროექტის კატეგორიაში გაიმარჯვა და უკან სერიოზული კონკურენტები მოიტოვა.

The Payments Awards ფინანსური სექტორის ინოვაციებისა და მიღწევების კონკურსია, რომელიც ლონდონში იმართება. ინდუსტრიის წამყვანის სპეციალისტები ყოველ წელს კომპანიებს სხვადასხვა კატეგორიების მიხედვით აფასებენ.

რითი გამოირჩა თი ბოტი სხვა დანარჩენისგან? - მას უნიკალური უნარი აქვს, რომელმაც როგორც მომხმარებლები, ისე ჟიური მოხიბლა და ამ უნარს თი ტრანსფერი ჰქვია. თი ტრანსფერი თი ბოტის დამატებითი ფუნქციაა, რომელიც საშუალებას გაძლევთ, მესენჯერში მეგობართან საუბრის დროს გადაურიცხოთ მას ფული.

აი, როგორც ამ გიფზეა ნაჩვენები, ისე:

ფოტო: თიბისი

თუ გინდათ, რომ თი ბოტი თქვენი მეგობარიც გახდეს და ძალიან, ძალიან გაგიმარტივოთ ყოველდღიური რუტინული საქმეები, მაშინ გადადით ამ ბმულზე და სანამ პირადად მიწერთ, მასზე მცირე ინფორმაციასაც გაიგებთ.

როგორ იქმნებოდა თი ბოტი?

თი ბოტის შექმნის იდეა თიბისიში ორი წლის წინ დაიბადა, როცა ჩეთ ბოტები სრულიად ახალი ხილი იყო საზოგადოებისთვის და მის მიმართ დიდი ინტერესი არსებობდა.

"თიბისი ყოველთვის ცდილობს აჰყვეს ტექნოლოგიურ განვითარებას და სწორედ ამიტომ, როცა ჩეთ ბოტები ძალიან აქტუალური გახდა, გადავწყვიტეთ შეგვექმნა ინოვაციური პლატფორმა ხელოვნური ინტელექტის ბაზაზე, რომელიც მომხმარებლებს ონლაინ გადახდებს შეუმსუბუქებდა", - ამბობს

ასე დაიბადა თი ბოტის ჩონჩხი, ხოლო სულ მალე, მისთვის ხორცის შესხმაც დაიწყეს. სწორედ იმ დროს, როცა თი ბოტი ფურცელზე დაწერილი იდეებიდან რეალურ პროდუქტად იქმნებოდა, ბაზარზე გამოჩნდა კომპანია Pulsar AI, რომელმაც თიბისისთან თანამშრომლობით, პირველი ქართული საბანკო ჩეთ ბოტი შექმნა.

"თი ბოტი არის Pulsar AI-ის პირველი პროექტი. პირველი ვერსია 2017 წლის მარტში გაეშვა ონლაინ, თუმცა დღევანდელი თი ბოტის ცოდნა და ფუნქციონალი მნიშვნელოვნად აღემატება პირველ ვერსიას. თი ბოტის განვითარება და დახვეწა მისი შექმნის პირველი დღიდან განუწყვეტლად მიმდინარეობს, შესაბამისად, კიდევ მრავალი რამ შეემატება მას", - ამბობს დაჩი ჭოლაზე.

დაჩი ჭოლაძე ამბობს, რომ თი ბოტის ერთ-ერთი მთავარი ფუნქციის, თი ტრანსფერის საერთაშორისო წარმატება ძალიან მნიშვნელოვანი მიღწევაა.

"ძალიან გვიხარია, რომ ჩვენი შექმნილი პლატფორმა არა მხოლოდ საქართველოსთვის, არამედ მსოფლიოსთვისაც ასეთი ინოვაციური აღმოჩნდა. მნიშვნელოვანია, რომ საქართველოში შეიქმნა ისეთი გადაწყვეტილება, რომელმაც ასეთი აღიარება მოიპოვა, მაშინ როდესაც ჩეთბოტების გამოყენება მთელს მსოფლიოში ჯერ კიდევ ასეთ ადრეულ ფაზაშია და ბევრ ისეთ კომპანიას და ქვეყანას არ მიუღია მსგავსი აღიარება", - ამბობს დაჩი, Pulsar AI-ს აღმასრულებელი დირექტორი.

თი ბოტი გამოჩენის დღიდან დიდი პოპულარობით სარგებლობს, რაც მისი მრავალფუნქციურობითა და დახვეწილი უნარებით აიხსნება. ის ფაქტობრივად ყველა ძირითად სამომხმარებლო სერვისთან მარტივად წვდომის საშუალებას გაძლევთ. ფულის გადარიცხვა გსურთ? - მისწერეთ თი ბოტს. მეგობრისთვის გინდათ ბალანსის შევსება? - მისწერეთ თი ბოტს. ფულის გადახურდავებას აპირებთ და ვალუტის კურსი გაინტერესებთ? - თი ბოტი ამაშიც დაგეხმარებათ. პარასკევია და ფიქრობთ სად გაერთოთ? - თი ბოტს თქვენთვის რჩევების მთელი სია აქვს მომზადებული. კინოში გინდათ წასვლა? - თი ბოტი ბილეთების ყიდვაშიც დაგეხმარებათ.

თიბისისა და Pulsar AI-ს გუნდი ფიქრობს, რომ მათთვის მთავარი გამოწვევები ჯერ კიდევ წინ არის. თი ბოტის განვითარდება გაგრძელდება, რაც ხელს შეუწყოს საბანკო სისტემების კიდევ უფრო მეტად გამარტივებას, აჩქარებასა და დაცულობას.