სწრაფი და ეფექტური გამოძიება — NGO-ების პასუხი ზურაბიშვილის მიმართ სავარაუდო მუქარაზე
მმართველი გუნდის მიერ მხარდაჭერილი პრეზიდენტობის კანდიდატი სალომე ზურაბიშვილი აცხადებს, რომ მას და მის შვილებს მოკვლით ემუქრებიან. მან საგამოძიებო უწყებებს რეაგირებისთვის უკვე მიმართა, ხოლო არასამთავრობო სექტორს დახმარება სთხოვა. პრეზიდენტობის კანდიდატმა არასამთავრობოები შეხვედრაზეც მიიწვია, სადაც უშუალოდ გააცნობს მუქარასთან დაკავშირებულ საკითხებს.
სასტუმრო რუმსში შეხვედრის დაწყებამდე არასამთავრობო ორგანიზაციები მუქარის შესახებ განცხადებას განცხადებებითვე პასუხობენ. NGO-ების პოზიციით, ამ შემთხვევაში მთავარი პასუხისმგებლობა შინაგან საქმეთა სამინისტროს ეკისრება და არა, სამოქალაქო სექტორს. თუმცა, თავის მხრივ, აღნიშნავენ, რომ ნებისმიერი სახის მუქარაზე გამოძიება ეფექტურად და სწრაფად უნდა წარიმართოს.
სამართლიანი არჩევნები (ISFED)
არასამთავრობო ორგანიზაცია სამართლიანი არჩევნების განცხადებით, მუქარა, რომელზეც პრეზიდენტობის კანდიდატი საუბრობს, სისხლის სამართლის დანაშაულია. ორგანიზაცია მოუწოდებს შსს-ს დროულად და ეფექტურად გამოიძიოს სავარაუდო მუქარის ფაქტი.
სამართლიანი არჩევნები სალომე ზურაბიშვილის განცხადებებსაც ეხმაურება, რომლის მიხედვითაც არასამთავრობო სექტორი პოლიტიკურად მიკერძოებულია. ISFED-ის განცხადებით, ისინი აქამდეც გამოხატავდნენ შეშფოთებას პოლარიზებული საარჩევნო გარემოსა და მზარდი აგრესიული რიტორიკის გამოვლენის ფაქტებზე.
"კიდევ ერთხელ მოვუწოდებთ არჩევნებში ჩართულ სუბიექტებსა და მათ მხარდამჭერებს, თავი შეიკავონ ნებისმიერი ისეთი ქმედებისა და განცხადებისაგან, რომელმაც შესაძლოა გამოიწვიოს საარჩევნო გარემოსთვის ძალადობრივი ფონის შექმნა", — აცხადებენ ISFED-ში.
საია - საქართველოს ახალგაზრდა იურისტთა ასოციაცია
საქართველოს იურისტთა ასოციაციის, აღმასრულებელი დირექტორი, ირმა პავლიაშვილი ამბობს, რომ მთელი წინასაარჩევნო პერიოდის განმავლობაში ერთნაირად აკვირდებოდნენ, როგორც ოპოზიციით, ისე მმართველი გუნდის მიერ მხარდაჭერილი კანდიდატის მიმართ გამოვლენილ დარღვევებს. ირმა პავლიაშვილის თქმით, ისინი კანონით დადგენილ ნორმებში რეაგირებისთვის მიმართავდნენ შესაბამის პირებს, წერდნენ საჩივრებს და ავრცელებდნენ განცხადებებს, სიძულვილის ენასა და შეურაცხმყოფელი რიტორიკის შესახებ.
"წინასაარჩევნო პერიოდში ვაკვირდებოდით კამპანიების მიმდინარეობასაც და არაერთი ფაქტი გამოვკვეთეთ, როცა სალომე ზურაბიშვილის მიმართ ხელისშემშლელ ფაქტორებს ჰქონდა ადგილი და რეაგირებისთვისაც მივმართეთ შესაბამის პირებს", — აცხადებს პავლიაშვილი.
ირმა პავლიაშვილის თქმით, ზურაბიშვილისა და მისი ოჯახის მიმართ სავარაუდო მუქარის ფაქტზე რეაგირება შინაგან საქმეთა სამინისტრომ უნდა მოახდინოს და ობიექტური გამოძიება ჩაატაროს.
"მნიშვნელოვანია, რომ მუქარის შემცველ ფაქტებს, სიძულვილის ენის გამოყენებას, უკანონო აგიტაციას, ფიზიკურ და სიტყვიერ დაპირისპირებას ნეგატიური გავლება აქვს მშვიდ საარჩევნო გარემოზე. კამპანიური ღონისძიება აღებული უნდა იყოს ხედვების, იდეებისა და პოზიციის წარმოჩენაზე და დაცლილი იყოს სიძულვილის ენის ტირაჟირებისგან, იგივე მუქარა ძალადობისგან", — უთხრა On.ge-ს ირმა პავლიაშვილმა.
საერთაშორისო გამჭვირვალობა საქართველო
საერთაშორისო გამჭვირვალობა - საქართველოსთვის პრეზიდენტობის კანდიდატსა და მის ოჯახზე მუქარა მიუღებელია და გამოსავალს მსგავსი ქმედებების სწრაფად გამოძიებაში ხედავს.
"ვფიქრობთ, რომ საპრეზიდენტო კანდიდატებს შორის რაც არ უნდა მაღალი იყოს კონკურენცია, აუცილებელია, რომ პოლიტიკური მეტოქეობა დარჩეს კანონისა და ეთიკის ფარგლებში. მოვუწოდებთ ყველა კანდიდატისა და პოლიტიკური პარტიის მხარდამჭერს, თავი შეიკავონ პოლიტიკური ოპონენტების მიმართ მუქარისა და არაეთიკური ქცევისგან", — აცხადებენ ორგანიზაციაში.
საქართველოს დემოკრატიული ინიციატივა
საქართველოს დემოკრატიული ინიციატივის თავმჯდომარე, გიორგი მშვენიერაძე იზიარებს სხვა არასამთავრობოების პოზიციას და ამბობს, რომ ამ პროცესში ყველაზე მთავარი როლი არა არასამთავრობო ორგანიზაციებს, არამედ შსს-ს აქვს.
"მნიშვნელოვანია საზოგადოებამ იცოდეს შედეგები, რომელიც გამოძიებას ექნება. მე მესმის, როცა ადამიანს ემუქრებიან და ეს ადამიანი მუქარას რეალურად აღიქვამს, რამდენად მძიმე შეიძლება იყოს. აქ ყველაზე მთავარი როლი არა არასამთავრობო ორგანიზაციებს, არამედ შსს-ს აქვს", — აცხადებს ის.
გიორგი მშვენიერაძე სალომე ზურაბიშვილის მიერ არასამთავრობოების კრიტიკასაც პასუხობს და ამბობს, რომ მან სიძულვილის ენის დეფინიცია სწორად არ ესმის.
"სიძულვილის ენა და სიძულვილის ენის გამოხატვის საზღვრების შეზღუდვა ეთნიკურ, რელიგიურ, რასობრივ ან მსგავსი ნიშნებით გამოხატულ სიძულვილს ეხება, რომელიც სხვადასხვა ჯგუფების მიმართ უარყოფით განწყობებს ახალისებს. აქ არ მოიაზრება პოლიტიკური შინაარსი, რადგან პოლიტიკური მოტივით შესაძლოა ადამიანები ერთმანეთს ვერბალურად თავს ესხმოდნენ, გამოხატავდნენ კრიტიკას და შესაძლოა, მათი გამოხატვა შეურაცხყოფის ზღვარსაც აღწევდეს, ასეთია დემოკრატიულ საზოგადოებაში გამოცდილება", — აცხადებს მშვენიერაძე.
ის განმარტავს, რომ როცა არასამთავრობო სექტორი სიძულვილის ენაზე საუბრობს სხვადასხვა პოლიტიკოსების ქსენოფობიურ და ჰომოფობიურ გამოხატვას გულისხმობს და არა პოლიტიკოსების მხრიდან ერთმანეთზე იერიშის მიტანას.
სახალხო დამცველი
სალომე ზურაბიშვილის ბრიფინგის შემდეგ საქართველოს სახალხო დამცველმა, ნინო ლომჯარიამ საკუთარ ფეისბუქზე დაწერა, რომ მუქარის შემცველ შეტყობინებებს თავადაც პერმანენტულად იღებს.
"ჩემი ისტორიაც მინდა დავწერო: ეს ყველაფერი მას შემდეგ დაიწყო, რაც სახალხო დამცველი გავხდი… აქამდე საჯაროდ ამ თემაზე არ მისაუბრია, თუმცა ვფიქრობ, რომ საკითხის მასშტაბურობიდან და სიმწვავიდან გამომდინარე, ყველამ უნდა ისაუბროს ამაზე, ერთხმად უნდა დავგმოთ მუქარა და ძალადობა, ვის წინააღმდეგაც არ უნდა იყოს ის და სამართალდამცავებს მოვუწოდოთ, მთელი სერიოზულობით მოეკიდონ მსგავსი ფაქტების გამოძიებას", — ამბობს ლომჯარია.
მისი თქმით, სახალხო დამცველს "შუბლის გახვრეტით" და "სნაიპერის ტყვიით" ემუქრებოდნენ და მის მიმართ უცენზურო სიტყვებსა და გამონათქვამებს იყენებდნენ.
"ეს არის დანაშაული და მსგავსი შინაარსის შეტყობინებებზე რეაგირება არის სახელმწიფოს, სამართალდამცავი ორგანოების პასუხისმგებლობა და არა სამოქალაქო სექტორის, რომელიც თავად არის მსგავსი მუქარების სამიზნე", — ამბობს ომბუდსმენი.
რეაგირება
საპრეზიდენტო კანდიდატის, სალომე ზურაბიშვილისა და მისი ოჯახის წევრების მიმართ მუქარის საქმეზე შინაგან საქმეთა სამინისტრომ გამოძიება კომპიუტერულ სისტემაში უნებართვო შეღწევისა და მუქარის მუხლით დაიწყო. სახალხო დამცველი ნინო ლომჯარია კი შსს-ში გამოკითხვაზე დაიბარეს.
სალომე ზურაბიშვილი VS არასამთავრობოები
სალომე ზურაბიშვილის "გაუგებრობა" არასამთავრობოებთან მას შემდეგ დაიწყო, რაც 2 ოქტომბერს ახალციხეში, ახალქალაქსა და ნინოწმინდაში მოსახლეობასთან შეხვედრისას ქსენოფობიური შინაარსის განცხადება გააკეთა და უარყოფით კონტექსტში მოიხსენია მიხეილ სააკაშვილის მიერ თურქებისთვის საქართველოს მოქალაქეობის მინიჭება. ამ განცხადების გამო 15-მა NGO-მ ზურაბიშვილი გააკრიტიკა და მისი განცხადება ქსენოფობიურად შეაფასა.
ზურაბიშვილმა არასამთავრობოებს 5 ოქტომბერს რუსთაველის თეატრში გამართულ წინასაარჩევნო შეხვედრაზე უპასუხა. ზურაბიშვილის თქმით, მის წინააღმდეგ "არანაირი მტკიცებულების საფუძველზე გაილაშქრეს" არასამთავრობოებმა, რომელთაც "მის მიმართ განხორციელებული სიძულვილის ლექსიკის დასაგმობად სიტყვა არ დაუძრავთ".
ამის შემდეგ სალომე ზურაბიშვილმა არასამთავრობოებთან შეხვედრისა და თანამშრომლობის სურვილი გამოთქვა. მისივე თქმით, არასამთავრობო სექტორს პატივს სცემს და "როგორც პრეზიდენტს", მათთან ურთიერთობა დასჭირდება.
-
გადახედვაშესაძლოა, დედამიწასთან ახლომდებარე ასტეროიდი მთვარის ფრაგმენტი იყოს შესაძლოა, დედამიწასთან ახლომდებარე ასტეროიდი მთვარის ფრაგმენტი იყოს
-
გადახედვაკანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია კანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია
-
გადახედვადააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას დააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას
-
გადახედვაკანის კინოფესტივალზე Studio Ghibli-ს საპატიო ოქროს პალმის რტო გადაეცემა კანის კინოფესტივალზე Studio Ghibli-ს საპატიო ოქროს პალმის რტო გადაეცემა
-
გადახედვამდინარაძე: როცა ქალი ამბობს, "არ ვარ დაოჯახებული, მაგრამ მინდა მყავდეს შვილი", ამის უფლება უნდა ჰქონდეს თუ არა, საკამათოა მდინარაძე: როცა ქალი ამბობს, "არ ვარ დაოჯახებული, მაგრამ მინდა მყავდეს შვილი", ამის უფლება უნდა ჰქონდეს თუ არა, საკამათოა
-
გადახედვაუცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა უცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა
-
გადახედვამზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს მზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს
-
გადახედვაკრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ კრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ
-
გადახედვაკიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა კიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა
-
გადახედვაკობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს კობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს
-
გადახედვააქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC აქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC
-
-
-
-
გადახედვაარ ვიცი, Euphoria მე-3 სეზონით დაბრუნდება თუ არა — ზენდეია არ ვიცი, Euphoria მე-3 სეზონით დაბრუნდება თუ არა — ზენდეია
-
გადახედვაგენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა გენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა
-
-
გადახედვაფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს ფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს
-
გადახედვამილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა მილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა
-
გადახედვაჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს ჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს
-
გადახედვავაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ? ვაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ?
კომენტარები