ბევრჯერ მივანიშნე, რომ უნდა წასულიყო — ივანიშვილის მორიგი თავდასხმა და გიგაურის პასუხი
ქართული ოცნების თავმჯდომარე, ბიძინა ივანიშვილი საერთაშორისო გამჭვირვალობა - საქართველოს ხელმძღვანელს, ეკა გიგაურს ისევ დაესხა თავს. ოთხ ჟურნალისტთან ინტერვიუს დროს ივანიშვილმა აღნიშნა, რომ გიგაურს "რამდენჯერმე მიანიშნა", რომ სამოქალაქო სექტორიდან უნდა წასულიყო.
"ძალიან ცუდ სამსახურს უწევს სამოქალაქო საზოგადოებას ეკა გიგაურის იქ ყოფნა. მე ბევრჯერ მიპასუხია მისთვის, მაგრამ დღეს უფრო კარდინალური ვიქნები, რამეთუ მისი გამოსვლებით ის ცდილობს, ქვეყანა შიგნით და გარეთ დააზიანოს", — განაცხადა ივანიშვილმა.
მედიაში გავრცელდა ინფორმაცია, რომ საქართველოში აშშ-ის ელჩად მოიაზრება ბრიჯიტ ბრინკსი, რასაც საქართველოს ხელისუფლება წინააღმდეგობას უწევს. ეკა გიგაურმა ტვ პირველზე განაცხადა, რომ მსგავს ინფორმაციას თვითონაც ფლობს. ამის შესახებ მაესტროს ჟურნალისტმა ბიძინა ივანიშვილს ჰკითხა, რამაც მისი უკმაყოფილება გამოიწვია.
"ეკა გიგაურს სურს, რომ ამ პოლემიკაში შემოვიდეს, რომ, აი, ამ მინდორზე გადაგვიყვანოს და იქიდან დაიცვას თავი. რუსთავი 2 და მსგავსი მედია უსამართლოდ აწვება ხელისუფლებას, როგორც NGO-ების ნაწილი. როგორც კი იქიდან მოდის ადეკვატური პასუხი ასე კი არა ასეა, ყვირიან, აე, გვიშველეთ მედიას ხურავენ, მედიაზე ზეწოლა მიდის და NGO-ებს ხურავენ და აკოტრებენ", — განაცხადა ბიძინა ივანიშვილმა.
გარდა ამისა, ივანიშვილმა 2007 წელს 7 ნოემბრის აქციების დაშლაში ეკა გიგაურის როლზე ისაუბრა, რომელიც იმ დროს სასაზღვრო პოლიციის უფროსის მოადგილე იყო. ივანიშვილის მტკიცებით, დარბევის შემდეგ გიგაურმა სპეცრაზმის თანამშრომლებს პრემიები გამოუწერა და ვადაზე ადრე კაპიტნის წოდება მიიღო. მისივე თქმით, გიგაური არ დადის იმ სასამართლო პროცესზე, რომელიც ამ საქმეს ეხება. კერძოდ კი, ეკა გიგაურმა რეჟისორ გოგა ხაინდრავას უჩივლა, რომელმაც ის აქციის დარბევის მონაწილეების წახალისებაში დაადანაშაულა.
ინტერვიუს ფეისბუქით გამოეხმაურა ეკა გიგაურიც. მისი თქმით, ბიძინა ივანიშვილმა "იჭორავა" და მას არც ერთი სასამართლო პროცესი არ გაუცდენია.
"სად წავალ, რას გავაკეთებ და რას ვიტყვი ეს ივანიშვილის საქმე არ არის და არც არასოდეს იქნება. ვურჩევდი, რომ მსგავს რიტორიკას შეეშვას, რადგანაც ასეთი დამოკიდებულება არასამთავრობო სექტორის მიმართ, პირველ რიგში, ქვეყნის რეპუტაციას აზიანებს. უკვე ყველაფერი ნათელია, ყველაფრის ლუსტრაცია მოხდა და ახლა ზუსტად ვიცი ჩემზე თავდასხმების უკან ვინც დგას", — წერს გიგაური ფეისბუქზე.
ბიძინა ივანიშვილმა ეკა გიგაურზე 23 ოქტომბრის ინტერვიუს დროსაც ისაუბრა და გამოეხმაურა ირაკლი კობახიძის განცხადებას არასამთავრობო ორგანიზაციების მიმართ. მისი თქმით, სამოქალაქო სექტორის ნაწილი პოლიტიკურად ანგაჟირებულია და გიგაური სამოქალაქო საზოგადოების ეტალონი არ არის.
"ესენი არიან ნაციონალური მოძრაობის აქტივი, რომელიც შეფარულად შევიდა სამოქალაქო საზოგადოებაში და თავს ესხმის ხელისუფლებას. აბსოლუტურად ადეკვატური განცხადება გააკეთა ირაკლი კობახიძემ", — თქვა ივანიშვილმა.
არასამთავრობოების გაკრიტიკების მიზეზი
მმართველი გუნდის წევრების განცხადებები არასამთავრობო ორგანიზაციებზე
მას შემდეგ, რაც პირველ ოქტომბერს ცამეტმა არასამთავრობო ორგანიზაციამ ელიტურ კორუფციასა და სასამართლოს კლანურ მმართველობაზე გაავრცელა განცხადება, პარლამენტის თავმჯდომარემ, ირაკლი კობახიძემ ისინი გააკრიტიკა და არასერიოზული უწოდა.
"ეს არის 13 კაცი და ქალი, რომელსაც აქვს თავისი პოლიტიკური მიკერძოებული შეხედულებები", — ასე უპასუხა კობახიძემ არასამთავრობოების კრიტიკას არჩევანის ეთერში.
ირაკლი კობახიძის შემდეგ, არასამთავრობო ორგანიზაციების დისკრედიტაცია იუსტიციის მინისტრმა, თეა წულუკიანმა გააგრძელა. წულუკიანმა NGO-ების განცხადებებს "არასერიოზული" და "ყველანაირი სტანდარტის დარღვეული" უწოდა.
არასამთავრობოები მმართველი პარტიის მიერ მხარდაჭერილი კანდიდატის, სალომე ზურაბიშვილის კრიტიკის ობიექტებიც გახდნენ. ორგანიზაციებმა გაავრცელეს განცხადება, რომელშიც სალომე ზურაბიშვილის მიერ ნინოწმინდაში ქსენოფობიური შინაარსის კომენტარის შესახებ საუბრობენ. ზურაბიშვილმა აღნიშნა, რომ არასამთავრობო ორგანიზაციები და მედია მოწოდების სიმაღლეზე ვერ დგას და ეს აუცილებლად უნდა გამოსწორდეს. მოგვიანებით, ზურაბიშვილმა არასამთავრობოები ისევ გააკრიტიკა, თუმცა განაცხადა, რომ მათთან შესახვედრად მზად არის.
2018 წლის 8 ოქტომბრის საგანგებო ბრიფინგზე ირაკლი კობახიძემ არასამთავრობო ორგანიზაციები კვლავ გააკრიტიკა იმის გამო, რომ რუსთავი 2-ის გენერალური დირექტორის, ნიკა გვარამიას "ფაშისტური განცხადება" არ შეაფასეს. საქმე ეხება ნიკა გვარამიას ფეისბუქსტატუსს, რომელშიც ამბობს, რომ ყველა, ვინც სალომე ზურაბიშვილს ან აფინანსებს, ან კამპანიაში სხვაგვარად ეხმარება, უნდა შევიწროვდეს.
თბილისის მერის, კახა კალაძის განცხადებით კი რუსთავი 2-ის ხელმძღვანელის, ნიკა გვარამიას განცხადებებზე არასამთავრობო ორგანიზაციების წარმომადგენლები ჩუმად არიან, "რაც გასაკვირი არ არის".
არასამთავრობო ორგანიზაციებზე მმართველი გუნდის კიდევ ერთმა წარმომადგენელმა, ქართული ოცნების დეპუტატმა, არჩილ თალაკვაძემაცისაუბრა. თალაკვაძემ ტვ იმედის ეთერში საუბრისას თქვა, რომ ორგანიზაციები ერთიანი ნაციონალური მოძრაობის დღის წესრიგით მუშაობენ.
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
კომენტარები