სხეულის ფორმაში მოყვანამ შესაძლოა თქვენი ცხოვრება სრულიად შეცვალოს. რეგულარული ვარჯიში, ალბათ, ერთადერთი რამაა, რაზე დამოკიდებულებაც თქვენთვის ხიფათის შემცველი კი არა, სასარგებლო შეიძლება იყოს. ვარჯიში სხეულს აჯანმრთელებს, ებრძვის დაავადებებს, ახანგრძლივებს სიცოცხლეს, აუმჯობესებს განწყობასა და მეხსიერებას, ებრძვის დეპრესიასა და შფოთვას.

ამ ყველაფრის გარდა, უბრალო სასიამოვნოა, როცა სხეულს კარგად ფლობთ.

სამედიცინო ინტერნეტ-კვლევების ჟურნალში გამოქვეყნებული კვლევის მიხედვით, მეცნიერების გუნდმა, ამერიკის სპორტული მედიცინის კოლეჯთან ერთად, ის 28 ფიტნეს-აპლიკაცია შეისწავლა, რომელთა ეფექტიანობაც წინა კვლევით იყო დადასტურებული.

თუ თქვენი ვარჯიშის რუტინა ჯერ არ დაგიგეგმავთ, დაწყება არასდროს არაა გვიან. არ დაგავიწყდეთ, რომ ვარჯიშის გაგრძელება ბევრად მარტივია, ვიდრე დაწყება. სწორედ დროის განაწილებაში, საკუთარი სხეულის მართვასა და გეგმების შესრულებაში ქვემოთ ჩამოთვლილი აპლიკაციები დაგეხმარებათ.

1. The Johnson & Johnson Official 7-Minute Workout

ხელმისაწვდომია როგორც iOS-ის, ისე Android-ის მომხმარებლებისთვის.

აპლიკაცია საუკეთესოა დამწყებთათვის. დღის განმავლობაში 7-წუთიანი ვარჯიში მთლიანი ტანისთვის ეფექტიანია, თუმცა, თუ სხეულის კონკრეტულ ნაწილზე გსურთ ცვლილების ნახვა, სხვა აპლიკაცია უნდა მოძებნოთ.

ფოტო: AnastasiiaS / Shutterstock

2. Nike+ Training Club

ხელმისაწვდომია როგორც iOS-ის, ისე Android-ის მომხმარებლებისთვის.

აპლიკაციაში 100-ზე მეტი ვარჯიშია შეტანილი, რომელიც ნაიკის მწვრთნელების მიერაა შედგენილი. ის მომხმარებელს ვიდეო და აუდიო დახმარებას უწევს. აპლიკაციაში თქვენი აქტივობების შეტანაც შეგიძლიათ.

აპლიკაცია მთელი სხეულის გაძლიერებისთვის ერთ-ერთი საუკეთესოა. ის კონკრეტული ფორმების მისაღებად საუკეთესო ვარჯიშების არჩევაშიც დაგეხმარებათ.

ფოტო: Nike

3. Weight Loss Running by Verv

ხელმისაწვდომია როგორც iOS-ის, ისე Android-ის მომხმარებლებისთვის.

აპლიკაცია მომხმარებლებს ინტერვალური ვარჯიშის წესებს აცნობს და ასევე, სწორად კვების დაგეგმვაშიც ეხმარება.

სირბილის მოყვარულებისთვის ეს აპლიკაცია იდეალურია. მისი ერთ-ერთი პროგრამა 5 კმ-ის მანძილზე რბენისთვის ექვსი კვირის განმავლობაში გავარჯიშებს. ამასთან, ინტერვალური წვრთნები სხეულის ფორმაში მოსაყვანად ერთ-ერთი საუკეთესო გზაა.

ფოტო: Getty Images

4. Fitness Buddy

ხელმისაწვდომია როგორც iOS-ის, ისე Android-ის მომხმარებლებისთვის.

აპლიკაციის სახელიც საკმარისია, რომ მის მიმართ დადებითად განეწყოთ. ის ვარჯიშის იმ სახეობებს გთვაზობთ, რომელთა გაკეთებაც როგორც სავარჯიშო დარბაზში, ისე სახლში შეგიძლიათ.

აპლიკაცია სასურველია მათთვის, ვისაც დროთა განმავლობაში უფრო და უფრო რთული ვარჯიშების შესრულება აქვს დასახული მიზნად. ის გთავაზობთ კარდიო ვარჯიშების დიდ არჩევანს და ასევე დაგეხმარებათ, თქვენი სხეული უფრო მოქნილი გახადოთ.

ფოტო: Getty Images

5. Simply Yoga

ხელმისაწვდომია როგორც iOS-ის, ისე Android-ის მომხმარებლებისთვის.

აპლიკაცია მომხმარებლებს იოგის 20, 40 და 60-წუთიან ვარჯიშებს სთავაზობს. თითოეული მოძრაობა მწვრთნელის მითითებით ხდება. აპლიკაციაში 30-ზე მეტი იოგას პოზაა.

ფოტო: Getty Images

ამერიკის მთავრობის რეკომენდაციით, ჯანმრთელმა მოზრდილებმა კვირის განმავლობაში ორ-საათნახევარი მაინც უნდა ივარჯიშონ და ამის გარდა, კუნთების გასაძლიერებლად, კვირაში ორჯერ მაინც უნდა დაკავდნენ ფიტნეს-აქტივობით.

"როგორ ვივარჯიშოთ და შევინარჩუნოთ ფორმები სახლის პირობებში?" - ამ თემაზე ისაუბრეს დღეს რუსთავი 2-ის გადაცემა სხვა შუადღეში.