ფოტოგრაფმა 20 ქვეყანაში იმოგზაურა და წითურთმიანების სილამაზე აღბეჭდა

მსოფლიოში უამრავი ადამიანი ფიქრობს, რომ წითურების სამშობლო ირლანდია და შოტლანდიაა. თუმცა ამერიკელ ფოტოგრაფს ამ მითის დანგრევა სურს, რისთვისაც 20 ქვეყანაში იმოგზაურა და 130 წითური გადაიღო.

წითური თმა მსოფლიოში თმის ყველაზე იშვიათი ფერია და ის გენური მუტაციითაა განპირობებული, რომელსაც MC1R-ით იცნობენ. ეს მსოფლიო მოსახლეობის მხოლოდ 1%-ს ეხება. ეს გენური მუტაცია ასევე მოქმედებს ადამიანისა და მზის ურთიერთქმედებაზე და ტკივილის აღქმაზე. როდესაც წითური ადამიანი ბერდება, მისი წითელი თმა არ ნაცრისფერდება - ის ქერად ან მთლიანად თეთრად გარდაიქმნება.

ფოტოგრაფმა ამ ულამაზესი წითურების გადასაღებად სულ სამი ზაფხული გაატარა მოგზაურობაში და საბოლოოდ შექმნა პროექტი, სახელად "წითურთმიანების სილამაზე".