ლენინგრადის რაიონის საკანონმდებლო ასამბლეის დეპუტატმა, ვლადიმერ პეტროვმა მოამზადა საკანონმდებლო პაკეტი, რომელიც ორსულებისთვის ალკოჰოლისა და თამბაქოს მიყიდვას კრძალავს. დოკუმენტის მიხედვით, უკანონო მიყიდვისთვის ჯარიმა მილიონი რუბლი (დაახლოებით, $16 ათასი) იქნება.

ინიციატივას მხარს უჭერენ ექიმებიც. დოკუმენტის განხილვა უახლოეს მომავალში იგეგმება.

კანონპროექტის ავტორი მიიჩნევს, რომ საჭიროა დაწესდეს შესაბამისი ჯარიმები თავად ორსულებისთვისაც, რომლებიც ალკოჰოლს, ნარკოტიკს ან თამბაქოს მოიხმარენ.

ალკოჰოლური ან ნარკოტიკული ინტოქსიკაციის შემთხვევაში, აგრეთვე მოწევის შემთხვევაში, დეპუტატი სთავაზობს ორსულებისთვის ჯარიმას დაწესებას 5 ათასი რუბლის (დაახლოებით, $80) ოდენობით.

ჯარიმები:

ორსულებისთვის ალკოჰოლის მიყიდვა

  • ფიზიკურ პირზე - 30 ათასიდან 50 ათას რუბლამდე (დაახლოებით, $500-800);
  • თანამდებობის პირებზე - 100 ათასიდან 200 ათას რუბლამდე (დაახლოებით, $1 600- 3 000);
  • იურიდიულ პირებზე - 500 ათასიდან 1 მილიონ რუბლამდე (დაახლოებით, $8 000-16 000).

ორსულებისთვის თამბაქოს მიყიდვა

  • ფიზიკურ პირზე - 3-დან 5 ათას რუბლამდე (დაახლოებით, $50-80);
  • ოფიციალურ პირებზე - 30 ათასიდან 50 ათას რუბლამდე (დაახლოებით, $500-800);
  • იურიდიულ პირებზე - 500 ათასიდან 1 მილიონ რუბლამდე (დაახლოებით, $8 000-16 000).

კანონპროექტის მიხედვით, თუ გამყიდველი ეჭვობს, რომ მომხმარებელი არ არის ორსულად, მაშინ მან უნდა მოითხოვოს შესაბამისი დოკუმენტი.