ფარიზი - პატარა სოფლის დიდი პრობლემები
"ახლა ტირილით გამოვედი სახლიდან. ჩემი მეუღლე ლოგინად არის ჩავარდნილი. უკვე სამი დღეა, იმდენი წყალიც ვეღარ მომაქვს, რომ მწოლიარე ავადმყოფს მოვუარო. მეზობლები მაძლევენ ხოლმე წყალს, მაგრამ ახლა წყალი არც მათ აქვთ. წყარო, საიდანაც წყალი მოგვაქვს, რამდენიმე დღეა დაშრა. ბოლო სამი დღეა აქ ცარიელი ჭურჭლით მოვდივარ და სახლშიც ცარიელი ჭურჭლით ვბრუნდები,“ - ამბობს ბოლნისის მუნიციპალიტეტის სოფელ ფარიზში მცხოვრები გიულნაზ ნამაზოვა.
250-კომლიან ფარიზში, სადაც ძირითადად ეთნიკური აზერბაიჯანელები ცხოვრობენ, მოსახლეობის 40%-ს წყალი სახლში აქვს შეყვანილი, მოსახლეობის ნახევარზე მეტს კი გიულნაზ ნამაზოვას მსგავსად წყლის წყაროდან მოტანა უწევს.
ფარიზის კიდევ ერთი მკვიდრი, ფარიზ ასკაროვი ამბობს, რომ წყლით ბოლომდე არც ის ოჯახები არიან უზრუნველყოფილები, რომლებსაც სახლში წყალი აქვთ შეყვანილი: „მხოლოდ იმ სახლებში მოდის წყალი მაღალი წნევით, რომლებიც იმ წყაროსთან არიან ახლოს, საიდანაც წყალია გამოყვანილი. წყაროდან მოშორებით თუ არის სახლი, იქ დღე-ღამის განმავლობაში წყალი 1-2 საათის განმავლობაში თუ მოდის. ინდივიდუალური მრიცხველი რომ იდგეს ყველა ოჯახში, წყაროსთან ახლოს მდებარე სახლებში წყალს უფრო ყაირათიანად მოიხმარდნენ და სამყოფი წყალი ყველას გვექნებოდა.“
ფარიზელებს უწყლობის გარდა კიდევ ბევრი პრობლემა აქვთ: სოფელში არ არის კანალიზაცია, მოუწესრიგებულია გზები და არც საკმარისი ნაგვის ურნები დგას.
"გზები ძალიან სავალალო მდგომარეობაშია. წყალი ურიკით მომაქვს ხოლმე. ოღროჩოღრო გზების გამო ხშირად ურიკა გადამყირავებია ძლივს-ძლივობით წამოღებული წყალიც დამღვრია", - ამბობს გიულნაზ ნამაზოვა.
ფარიზ ასკაროვი აღნიშნავს, რომ სოფელში გაზის გაყვანის გამო გადათხრილი გზები გაზიფიცირების სამუშაოების დასრულების შემდეგ აღარ შეაკეთეს: "გზები ისედაც არ გარგოდა და ახლა კიდევ უფრო ცუდ დღეში ჩააგდეს. როცა წვიმს, საშინელი ტალახია და სიარული გვიჭირს. ცენტრალური გზის პირას არსებული ტროტუარები მაინც შეაკეთონ. ბავშვები სკოლაში სასიარულოდ ამ გზას იყენებენ და ცუდ ამინდში იძულებულები არიან, საავტომობილო გზაზე იარონ. ამის გამო რამდენიმე ბავშვს მანქანა დაეჯახა."
გაზიფიცირების სამუშაოების დასრულების შემდეგ გადათხრილი გზები აღარ შეაკეთეს
ფოტო: თბილისის ადამიანის უფლებათა სახლი
"ყოველ დილით ჩემი პირველი საქმე იმ პოლიეთილენის პარკების და ქაღალდის ნაგლეჯების შეგროვებაა, რომლებიც ქარს სანაგვედან ჩემი სახლის ეზოში მოაქვს,“ - ამბობს გულმაია მამადოვა. მისი სახლი სოფლის სპონტანურ ნაგავსაყრელთან ახლოს მდებარეობს, - "ნაგვის ურნები აქ არ არის, ხალხს ნაგავი მოაქვს და აქ, ჩემს სახლთან ახლოს ყრის. მათ ვერაფერს ვეუბნებით, რადგან ჩვენ თვითონაც ნაგავს აქ ვყრით."
ალი ორუჯოვიც სხვების მსგავსად საყოფაცხოვრებო ნარჩენებს გზის პირას, სპონტანურ ნაგავსაყრელზე ყრის: "წყლის გაყვანასა და გზების დაგებას თუ დიდი სახსრები სჭირდება, ნაგვის ურნების დადგმას ბევრი ფული ხომ არ უნდა? ყველგან ნაგავი ყრია. რადგან ნაგავი არავის გააქვს, იძულებული ვართ, რომ დრო და დრო დაგროვილი ნარჩენები დავწვათ. ამის გამო ისევ ჩვენ გვაჯარიმებენ."
ნურანა ალაჰვერდიევა ამბობს, რომ ქუჩებსა და გზებზე დაყრილი ნაგვისა და დაღვრილი საკანალიზაციო წყლის გამო ზაფხულში სოფელში აუტანელი სუნი დგას: "სიმყრალე, ბუზი და კოღო იკლებს აქაურობას"
საკანალიზაციო წყალი გზის პირას, არხში იღვრება
ფოტო: თბილისის ადამიანის უფლებათა სახლი
როგორც ეთნიკური აზერბაიჯანელებით დასახლებული სოფლების უმეტესობაში, ფარიზშიც მამაკაცთა უმრავლესობა თავისუფალ დროს ჩაიხანაში ატარებს. ჩაიხანაში ისინი ძირითადად, სოფლის ყოველდღიურ ცხოვრებასა და პრობლემებზე საუბრობენ.
"სახლში წყალი საკუთარი სახსრებით გავიყვანე, მაგრამ წყალი მაინც არ გვაქვს. არც გზები ვარგა სოფელში, მაგრამ ჩვენი პრობლემები არავის აინტერესებს", - აღნიშნავს ვაქილ გოჯაევი.
ბოლნისის მუნიციპალიტეტის საკრებულოს წევრი, მაჰამად ჰუსეინოვი ამბობს, რომ სოფლის პრობლემების უმრავლესობა მალე მოგვარდება:
"ამ სოფელს ყოველთვის ბევრი პრობლემა ჰქონდა. სახელმწიფო პრობლემებს ეტაპობრივად აგვარებს. ვიცით, რომ სოფელში წყალი არ არის და გზებიც მოუწესრიგებელია. ადრე აქ გაზი და შუქიც არ იყო. ახლა ეს პრობლემები უკვე მოგვარებულია. სახელმწიფო სხვა პრობლემებსაც მოაგვარებს. პირველ რიგში, წყალს ყველა ოჯახში გაიყვანენ და მრიცხველებსაც დააყენებენ. ამის შემდეგ კი გზებიც გაკეთდება. ორივე პრობლემა წელს მოგვარდება. რაც შეეხება საყოფაცხოვრებო ნარჩენების გატანას, ბევრი საუბნო გზა ძალიან ვიწროა და ნაგვის მანქანა იქ ვერ შედის".
ზოგიერთი მცხოვრები საკანალიზაციო წყალს გზისპირა არხებში ღვრის
ფოტო: თბილისის ადამიანის უფლებათა სახლი
ჯანდაცვის ექსპერტი, თეიმურაზ რეხვიაშვილი, რომელიც ფარიზს ჩვენთან ერთად სტუმრობდა, აცხადებს, რომ ქუჩაში დაღვრილი საკანალიზაციო წყლები და ღია გარემოში დაყრილი ნაგავი ადამიანის ჯანმრთელობას საფრთხეს უქმნის:
"ნაგვის გარემოში დაყრა და მისი დაწვა ადამიანის ჯანმრთელობისთვის საზიანოა. თუმცა, ჩვენ ვნახეთ, რომ აქ ისეთი მიზეზებია, რომელთა მოგვარებაც სოფლის მოსახლეობას ხელისუფლების დახმარების გარეშე არ შეუძლია. საკანალიზაციო სისტემა ხელისუფლებამ უნდა მოაწესრიგოს და სოფელში დადგმული ნაგვის ურნების რაოდენობაც გაზარდოს".
რაჰმან ბადალოვი ამბობს, რომ ყოველი არჩევნების წინ ხალხს სოფლის პრობლემების მოგვარებას ჰპირდებიან, მაგრამ არჩევნების დასრულების შემდეგ დანაპირები აღარავის ახსოვს:
"თვითმმართველობის არჩევნებზე ავირჩიეთ კანდიდატი, რომელიც დაგვპირდა, რომ წყალი გვექნებოდა. მართალია, არჩევნებიდან ჯერ დიდი დრო არ არის გასული, მაგრამ უკვე ვხედავთ, რომ დაპირების შესრულებისთვის არაფერი კეთდება: არც წყლის გაყვანას აპირებენ და არც მრიცხველების დაყენებას".
-
გადახედვადღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება დღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
კომენტარები