დღეს, 30 იანვარს, ახალგარემონტებულ ვარკეთილის მეტროში ჭერის ჩამოვარდნის შედეგად 11 ადამიანი დაშავდა. ერთ-ერთი დაშავებული პატრულის თანამშრომელია. როგორც თბილისის მერმა განაცხადა, აღნიშნულ ფაქტს უმკაცრესი რეაგირება მოჰყვება.

საოგადოებრივი მაუწყებლის მიერ გავრცელებულ ვიდეოში ჩანს, რომ მეტროსადგურის ქვედა მოსაცდელში დაკიდული ჭერის კონსტრუქცია ჩამოიშალა. შსს-მ გამოძიება სისხლის სამართლის კოდექსის 240-ე მუხლით დაიწყო. გამოძიება სამთო, სამშენებლო ან სხვა სამუშაოს წარმოებისას უსაფრთხოების წესის დარღვევის ფაქტზე მიმდინარეობს.