მეტროსადგურ "ვარკეთილმა" მუშაობა განაახლა. მიმდინარე სარეაბილიტაციო სამუშაოებიდან გამომდინარე, სადგური მგზავრებს შეცვლილი სამუშაო განრიგით ემსახურება. სტანდარტული სამუშაო განრიგისგან განსხვავებით, მეტროსადგურმა მუშაობა 07:00 საათზე დაიწყო და 23:00 საათზე დაასრულებს.

რაც შეეხება სხვა მეტროსადგურებს, ისინი მგზავრებს ჩვეულ რეჟიმში ემსახურებიან.

გარდა ამისა, შეიცვალა ესკალატორების მიმართულება და ჩამსვლელი მგზავრები მარცხენა ესკალატორით სარგებლობენ, ნაცვლად მარჯვენა ესკალატორისა, ხოლო ამომსვლელ მგზავრებს სადგურის დატოვება მარჯვენა ესკალატორით შეუძლიათ.

შეგახსენებთ, მეტროსადგურმა "ვარკეთილმა" მომსახურება 12 ივლისს შეწყვიტა, რა დროსაც განხორციელდა დახრილი გვირაბის თუჯის სამაგრებისა და ქვედა ბაქნის რკინაბეტონის თაღის სარეაბილიტაციო სამუშაოები. აღნიშნული მეტროსადგურის სრული რეაბილიტაცია მიმდინარე წლის ბოლოს დასრულდება.მეტროსადგური "ვარკეთილი" 26 აგვისტოდან მგზავრებს შეცვლილი სამუშაო განრიგით მოემსახურება