ამერიკელმა კონგრესმენმა ფრენკ პალონემ 19 ნოემბერს X-ზე დაწერა, რომ აზერბაიჯანის მთავრობასთან დაკავშირებულმა ჯგუფებმა ფაქტობრივად აიძულეს, რომ არ მიეღო მონაწილეობა ბაქოში გამართულ COP29 კლიმატის ცვლილების კონფერენციაში.

პოსტში ამერიკელი კონგრესმენი წერდა, რომ მიუხედავად იმისა, რომ აზერბაიჯანის პრეზიდენტმა, ილჰამ ალიევმა ძალადობრივი საპროტესტო აქცია მოაწყო, რომ მას, სენატორ მარკს და სხვებს კონფერენციაში მონაწილეობა არ მიეღოთ, გააგრძელებს ბრძოლას სომხეთის ტერიტორიული სუვერენიტეტისთვის და სომხების გათავისუფლებისთვის.

პოსტი სოციალურ ქსელში მას შემდეგ გავრცელდა, რაც კონგრესმენმა პალონემა ქვეყანა დატოვა.

ფრენკ პალონე დემოკრატიული პარტიის წევრი, სომხური საკითხების ცნობილი ადვოკატი და კონგრესის სომხურ საკითხთა ჯგუფის თანათავმჯდომარეა.

პალონეს მონაწილეობა ფრაქციაში და მისი როლი სხვა სომხური იდეების განვითარებაში ფართოდ შუქდებოდა პროსამთავრობო აზერბაიჯანულ მედიაში.

შაბათს, ამერიკელ კონგრესმენს უკვე ელოდნენ როგორც პროსამთავრობო მედიის, ისე არასამთავრობო ორგანიზაციების წარმომადგენლები. მათ ის სასტუმრომდე პლაკატებით მიაცილეს, რომლებზეც ეწერა: "პალონე, ბოდიში მოუხადე აზერბაიჯანელ ხალხს ან მოშორდი აქედან", "ემსახურე ხალხს და არა ფულს".

პალონე ცდილობდა, თავიდან აეცილებინა კითხვები და ბრალდებები, მაგრამ COP29-ს ვერ დაესწრო. მეორე დღესვე მან გააუქმა შეხვედრები და აზერბაიჯანი ჩარტერული თვითმფრინავით დატოვა. პალონეს პრესსამსახურის ცნობით, კონგრესმენმა "ფიზიკური ზიანი მხოლოდ სახელმწიფო დეპარტამენტის ძალისხმევით აიცილა"

აშშ-ში დაბრუნების შემდეგ, მისმა პრესსამსახურმა აზერბაიჯანში ვიზიტის შესახებ განცხადება გაავრცელა:

"პრეზიდენტმა ილჰამ ალიევმა, პალონე და კონგრესის წევრები ორპატიული შეხვედრიდან ჩამოაშორეს. პალონემ მოითხოვა შეხვედრა წარმომადგენელთა პალატის დელეგაციის სახელით, რომელიც ბაქოში მიემგზავრებოდა. პალონე მუდმივად ემხრობოდა რეგიონულ მშვიდობას და დაგმო აზერბაიჯანის სამხედრო თავდასხმა და სომხების ეთნიკური წმენდა მთიან ყარაბაღში", — ნათქვამია განცხადებაში

"აღმაშფოთებელია და ძალიან მეტყველი, რომ პრეზიდენტი ალიევი ცდილობს გააჩუმოს აშშ-ს კონგრესის წევრები და თავიდან აიცილოს კრიტიკული დისკუსიები ადამიანის უფლებებისა და სამართლიანობის შესახებ სომეხი ხალხისთვის, თუნდაც დახურულ კარს მიღმა", — დასძინა განცხადებაში და პირდაპირ ციტირებს პალონეს.

"მე ვამაყობდი, რომ ორპარტიულმა დელეგაციამ განიცხადა პრეზიდენტ ალიევს, რომ აშშ-ს მთავრობას არ სურს კონფლიქტი რეგიონში და რომ უთანხმოება აზერბაიჯანსა და სომხეთს შორის შეიძლება გადაწყდეს მხოლოდ მშვიდობიანი გზით", — ნათქვამია განცხადებაში.

"პალონე […] იმედოვნებდა, რომ COP29 იქნებოდა შესაძლებლობა კონსტრუქციული დიალოგისთვის აზერბაიჯანელ ოფიციალურ პირებთან, რაც გამოიწვევდა სამშვიდობო შეთანხმებას სომხეთთან, მაგრამ მათი იმედები პრეზიდენტმა ალიევმა გაანადგურა“, — ნათქვამია განცხადებაში.

ამავდროულად, სასტუმროსა და აეროპორტის მიმდებარედ შეკრებილმა ორგანიზაციებმა გაავრცელეს განცხადება, სადაც ნათქვამი იყო, რომ პალონეს დაცვის თანამშრომლებთან დაპირისპირების დროს მათ თავს დაესხნენ. რამდენიმე ამტკიცებდა, რომ ისინი ინციდენტის დროს დაშავდნენ. პროსამთავრობო ორგანიზაციების წევრები საჩივრების გამოძიებას ითხოვდნენ. პროსამთავრობო მედიის მიერ გაზიარებული სიის მიხედვით, არცერთი ჩართული ჯგუფი არ იყო დამოუკიდებელი სამოქალაქო საზოგადოების ორგანიზაცია.

სომხური საკითხების პოპულარიზაციის გარდა, პალონე ასევე მხარს უჭერდა აზერბაიჯანში სამოქალაქო უფლებების დაცვას.

კერძოდ, მან აიძულა აშშ-ის სახელმწიფო მდივანი ენტონი ბლინკენი და პრეზიდენტი ჯო ბაიდენის ადმინისტრაცია გადაედგათ უფრო ქმედითი ნაბიჯები აზერბაიჯანელი ეკონომისტის გუბად იბადოღლუს გასათავისუფლებლად, რომელიც 2023 წელს პოლიტიკურად მოტივირებული ბრალდებით დააკავეს.

დაკავებამდე იბადოღლუ 2014 წლიდან შეერთებულ შტატებში ცხოვრობდა და მუშაობდა პროფესორად რატგერსის უნივერსიტეტში, რომელიც პალონეს მეზობელ რაიონში მდებარეობს.

გაურკვეველია, რომელმა საკითხმა გამოიწვია აზერბაიჯანის ხელისუფლების აღშფოთება.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.