GEM Fest-ზე დასაქმებულებმა შპს არტ პლატფორმის წინააღმდეგ სარჩელი შეიტანეს. იურიდიული დახმარება მათ საქართველოს ახალგაზრდა იურისტთა ასოციაციამ გაუწია.

საიას ზუგდიდის ოფისის ხელმძღვანელმა, ჯემალ ჭკადუამ On.ge-ს განუცხადა, რომ მომჩივანეები კუთვნილი ანაზღაურების მიღებას ითხოვენ:

"2017 წლის 14 ივლისიდან 2017 წლის 14 აგვისტომდე დასაქმებულები იყვნენ GEM Fest-ზე ბილეთის ნაკადის მომწესრიგებლად და, შესაბამისად, ამ დროის განმავლობაში მათ მიერ გაწეული სამსახურის ანაზღაურებას ითხოვენ".

14 აგვისტოს, GEM fest-ზე დასაქმებულებმა კუთვნილი ანაზღაურების მოთხოვნით, საპროტესტო აქცია გამართეს. აქციის ერთ-ერთი მონაწილის განცხადებით, დაპირებული 500 ლარის ნაცვლად, ადმინისტრაციამ მათ მხოლოდ 100 ლარი აუნაზღაურა.