ქვეყნის რეალური საფრთხე ღარიბაშვილის აზრით: ე.წ. უკრაინიზაციის გეგმა

24 Mar. 2023, 12:17

რაც შეეხება ჩვენი ქვეყნის წინაშე არსებულ გამოწვევებს — ქალბატონმა აქუბარდიამ სწორად აღნიშნა, ჩვენი ქვეყნის 20% არის ოკუპირებული და ჩვენი ქვეყნის ისტორიულ მიწებზე დგას ოკუპანტი ქვეყნის ჯარები. რეალური საფრთხე დღეს ჩვენი ქვეყნის წინაშე არის სწორედ ის გეგმა, შეთქმულება, რომელიც ჩვენი ქვეყნის წინაშე არსებობს. ეს არის ე.წ. უკრაინიზაციის გეგმა, ე.წ. მეორე პოლიგონის გახსნის და მეორე ფრონტის გახსნის გეგმა.

მე მინდა ყველას შევახსენო, რომ დღეს ჩვენი ქვეყანა არ არის არც ევროკავშირის, არც ნატოს წევრი, არ გვაქვს არავითარი უსაფრხოების გარანტიები და ქვეყნის 20% არის ოკუპირებული #1 ბირთვული ძალის მიერ.

ასევე მინდა, შეგახსენოთ სხვა ფაქტები ძვირფასო დეპუტატებო. სამწუხაროდ, უკრაინის ხელისუფლების მიერ გაცხადებული მიზანი პირდაპირ კორელაციაში, თანხვედრაში მოდის, მე არ მოვერიდები ამის თქმას, მეხუთე კოლონის მიზნებთან, მათ ზრახვებთან, მიზნებთან, ქმედებასთან. ქალბატონმა თეონამ შემახსენა და მომიწოდა, რომ არ მესაუბრა ქვეყნის შიგნით მოქმედ მტრულ ძალებზე, მაშინ ჩვენ უნდა ვიყოთ ძალიან მეამიტი, რომ იმ საფრთხეებზე, რომელიც ქვეყნის წინაშე დგას თვალი დავხუჭოთ და არ ვისაუბროთ. რა თქმა უნდა, მე არ ვაპირებ ამას. პირიქით, მინდა დღეს ჩვენს მოსახლეობას, ხალხს მაქსიმალური ინფორმცაია მივაწოდო.

ბოლო ამბები: