წულუკიანი და მისი უწყება რუსული კანონის ინიციატორ, "გამორჩეულ მორაგბე" კაჭარავას სოლიდარობას უცხადებენ
განცხადება კულტურის, სპორტისა და ახალგაზრდობის სამინისტრომ გამოაქვეყნა და თეა წულუკიანმა ფეისბუქგვერდზე გაიზიარა.
რატომ არის მნიშვნელოვანი: დავით კაჭარავა ქართული ოცნებისგან ფორმალურად გამიჯნული, პრორუსული და ანტიდასავლური ხალხის ძალის დეპუტატია.
- ის რუსული კანონის ერთ-ერთი ინიციატორია, რომელიც მასობრივი პროტესტის შემდეგ ჩააგდეს.
- 7 მარტს რაგბის ქომაგებმა განაცხადეს, რომ ეამაყებოდათ და ქომაგობდნენ, როცა კაჭარავა ეროვნული ნაკრების ღირსებას იცავდა, თუმცა რაც ხდება, სამარცხვინოა.
- კანონის ჩაგდების შემდეგ, 14 მარტს კაჭარავამ დაწერა, რომ 20 წელი სიამაყით და პასუხისმგებლობით ატარა ნაკრების კვართი, "რუსეთთან საქართველოს გამარჯვების ყველაზე დიდი სიმბოლო" და იქვე დაამატა: "თქვენ მასწავლით რუსეთთთან როგორ უნდა ვიმოქმედო, რომ გავიმარჯვოთ?!!!! მიმიფურთხებია ყველა იმ ადამიანისთვის, ვინც ჩემი 20 წელიწადი 2 დღეში გაყიდა და იფიქრა, რომ მე სამშობლო რუსეთში გავცვალე!!! ისე რომ კითხვაც არ დამისვა!!! რა ხდება კაჭიო?!"
- 16 მარტს გულშემატკივრებმა პეტიცია გაავრცელეს და მოითხოვეს, მან რაგბის კავშირის გამგეობის თავმჯდომარის პოსტი დატოვოს.
- "ჩვენ, ქართული რაგბის გულშემატკივრებს, მიგვაჩნია, რომ თანამდებობის პირი, რომელიც ქვეყნისთვის ჩვენთვის უმნიშვნელოვანეს ინსტიტუციას, რაგბის კავშირის გამგეობას ხელმძღვანელობს, არ უნდა იყოს შემჩნეული ანტისახელმწიფოებრივ და მეტიც, მოღალატეობრივ პოზიციაში", — ვკითხულობთ პეტიციის ტექსტში.
- პასუხად რაგბის კავშირში თქვეს, რომ ეს პოლიტიკურ-პარტიულ დაპირისპირებაში მათი ჩათრევის სისტემური და მიზანმიმართული მცდელობაა და ამის გამო წუხილს გამოთქვამენ.
სპორტის სამინისტრო წერს, რომ "ვეტერან ბორჯღალოსანს, ერთ-ერთ გამორჩეულ მორაგბეს" მხარდაჭერას უცხადებს და მკაცრად გმობს მის მიმართ სხვადასხვა მედიასაშუალებით თუ სოციალური ქსელით გავრცელებულ შეურაცხმყოფელ განცხადებებს.
- "დავით კაჭარავა ბორჯღალოსანთა იმ თაობის წარმომადგენელია, რომელმაც ქართული სპორტის გულშემატკივარს არაერთი დაუვიწყარი წუთი აჩუქა და თავის ქვეყანას ისტორიული გამარჯვებები მოუტანა", — აცხადებს უწყება და იწყებს იმის ჩამოვლას, სად და როდის ითამაშა კაჭარავამ.
- მაგალითად, ხაზს უსვამს, რომ ის "ეროვნული ნაკრების კვართით" ოთხ მსოფლიოს თასზე გავიდა და საფრანგეთში გამართულ მსოფლიოს თასზე ნამიბიასთან მოპოვებულ ისტორიულ გამარჯვებაში თავისი წვლილი ლელოთი შეიტანა.
- "ის არის სპორტსმენი, რომელმაც საქართველოს ეროვნული ნაკრების კვართით 122 თამაში ჩაატარა, 125 ქულა დააგროვა და ბორჯღალოსნებთან ერთად 11-ჯერ მოიგო "რაგბი ევროპის" ჩემპიონატი, სხვა მეტოქეებთან ერთად, რუსეთის ნაკრების დამარცხებითაც", — აღნიშნავს სამინისტრო.
დეტალები: უწყება წერს იმასაც, რომ კაჭარავამ და მისი თაობის მორაგბეებმა ქართული რაგბის განვითარებას მტკიცე საფუძველი ჩაუყარეს და "მათი თავდადების საუკეთესო გამოძახილი იყო" შარშან ჩვენი ნაკრების მიერ იტალიისა და უელსის დამარცხება.
- სამინისტრო ირწმუნება, რომ დღეს კაჭარავას შეურაცხყოფა ჩრდილს აყენებს არა მარტო მას, არამედ ქართულ რაგბის, რომელმაც საქართველოს არაერთხელ მოუტანა დიდი სიხარული.
- "დღეს დავით კაჭარავასა და, საზოგადოდ, ქართულ რაგბის მშვიდი, სტაბილური გარემო სჭირდებათ იმისთვის, რომ საქართველოს ეროვნული ნაკრები საფრანგეთში გასამართი (8 სექტემბერი-28 ოქტომბერი) მსოფლიოს თასისთვის საუკეთესო პირობებში მოემზადოს და იქ ქართული რაგბის ახალი ისტორია დაწეროს", — ასე ასრულებს უწყება სოლიდარობის პოსტს და არსად ახსენებს რუსულ კანონს, რომლის გამოც კაჭარავას აკრიტიკებენ.
- "კაჭიიი, შე ყველაზე მაგარო", — წერს დეპუტატი სანიკიძე და ამ პოსტს თავის გვერდზე აზიარებს.
-
გადახედვაბრიტანულმა კომპანიამ "უჩინმაჩინის ფარის" გაყიდვა დაიწყო ბრიტანულმა კომპანიამ "უჩინმაჩინის ფარის" გაყიდვა დაიწყო
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვატეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს ტეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს
-
-
-
გადახედვააპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი აპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი
-
გადახედვამეცნიერებმა გადაშენების საფრთხის ქვეშ მყოფი ქრცვინის კლონები შექმნეს მეცნიერებმა გადაშენების საფრთხის ქვეშ მყოფი ქრცვინის კლონები შექმნეს
-
გადახედვაროგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა როგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა
-
-
გადახედვაზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს ზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს
-
-
-
-
-
გადახედვაკობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე კობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე
-
-
გადახედვასაოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე საოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე
-
-
გადახედვაემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა ემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა
-
-
გადახედვაჩინეთის ქალაქები იძირება — რასთან გვაქვს საქმე ჩინეთის ქალაქები იძირება — რასთან გვაქვს საქმე
კომენტარები