ცოტა ხნის წინ ტიკტოკზე 89 წლის კაცის ვიდეო ვირუსულად გავრცელდა, რომელიც პაემანზე პარტნიორს ამაოდ ელოდა. კაცის თქმით, 30 წლის შემდეგ პირველად გადაწყვიტა პაემანზე წასვლა და პარტნიორსაც მოთმინებით ელოდა, თუმცა ის არ გამოჩნდა.

ვიდეოში ჩანს, რომ კაცი მაგიდასთან ზის და ტელეფონსაც ხშირად ამოწმებს. ეს პროცესი 1 საათის განმავლობაში გაგრძელდა, შემდეგ კი კაცმა იმედი დაკარგა და მარტო ჭამა გადაწყვიტა.

@grandadjoe1933

Well that was fun 🤦‍♂️

♬ kill bill sped up - SZA

მცირე დროში ვიდეო მილიონზე მეტმა ადამიანმა ნახა, რომლებმაც კომენტარებით 85 წლის კაცი გაამხნევეს. "ჩემო მეგობარო, ყველაზე პატივსაცემი ადამიანი ხარ, ვინც კი მინახავს. ვიღაცას ერთი საათი ელოდო და მასზე ცუდი არაფერი თქვა, ეს ნამდვილად შთამაგონებელია", — წერს ტიკოტკის ერთ-ერთი მომხმარებელი. ზოგმა კი სურვილი გამოთქვა, რომ 89 წლის კაცთან ერთად პაემანზე თავადაც სიამოვნებით წავიდოდა.

89 წლის კაცი, რომელსაც ტიკტოკზე Grandadjoe-ს სახელით იცნობენ, საკმაოდ პოპულარულია. მას 6,2 მილიონი გამომწერი ჰყავს, რომლებსაც კაცი ყოველდღიურად სახალისო ვიდეოებით ანებივრებს. მართალია, 89 წლის კაცის პაემანი ვერ შედგა, თუმცა მან ინტერნეტს თავი სამუდამოდ დაამახსოვრა.