ლომჯარია: 5 ივლისი იყო დღე, რომლის გარკვეულ მონაკვეთში სახელმწიფო არ ფუნქციონირებდა

2 Dec. 2022, 21:25

5 ივლისი ეს არის ერთ-ერთი ყველაზე ტრაგიკული დღე ჩვენი ქვეყნის ისტორიაში, იმიტომ, რომ ეს იყო დღე, რომლის გარკვეულ მონაკვეთში სახელმწიფო არ ფუნქციონირებდა. მე ასე ვიტყოდი. ეს იყო დღე, როდესაც სახელმწიფოს უმაღლესი თანამდებობის პირების წინმსწრები, წამახალისებელი განცხადებების შედეგად მოქალაქეთა ერთი ჯგუფი ძალადობდა მშვიდობიან მოქალაქეებზე, ჟურნალისტებზე. იმ დღეს, არა მარტო არ ფუნქციონირებდა სამართალდამცავი უწყება ჩვენს ქვეყანაში, არამედ უკვე შემდგომ პერიოდშიც ძალიან კარგად დავინახეთ, თუ როგორ დააფარა ხელი ასე ვთქვათ საგამოძიებო უწყებებმა ამ ძალადობის ორგანიზატორებს. [...]

ადამიანთა უფლებების თვალსაზრისით ჩვენ გვაქვს უკუსვლა. როდესაც მე გავხდი სახალხო დამცველი 2017 წლის ბოლოს, ორი წლის განმავლობაში დაახლოებით, იყო რამდენიმე მნიშვნელოვანი საკანონმდებლო რეფორმა, მათ შორის, რეფორმები, რომლებმაც გააძლიერა სახალხო დამცველის მანდატი. იყო შრომის უსაფრთხოების მიმართულებით რეფორმა განხორციელებული, იგრძნობოდა უფრო მეტად რეფორმების განხორციელების მოტივაცია, მაგრამ უკვე ბოლო რამდენიმე წელია, 2-3 წელია, რაც ჯერ გაჩერდა ეს რეფორმები, პარლამენტი აღარ იღებდა რაიმე მნიშვნელოვან ცვლილებებს და ამას უკვე შემდგომ მოყვა უკუსვლა მთელი რიგი მიმართულებით.

ბოლო ამბები: