ბუნება გრანდიოზული, მშვენიერი და ზოგჯერ სასაცილო რამ არის. მისი სახალისო მხარე 2022 წლის Comedy Wildlife Photography Awards-მა არაჩვეულებრივად წარმოაჩინა. ფინალისტი ფოტოები მოიცავს სუპერმოდელ ენოტს, კენგურუებს "ტიტანიკის" ცნობილი სცენიდან და დათვს, რომელსაც, ჩვენს მსგავსად, ცხოვრება ყელში ამოუვიდა. ბევრი რომ აღარ ვისაუბრო, დაათვალიერეთ ფოტოები და დატკბით:

კუნგ-ფუ ციყვი

ფოტოგრაფმა ალექს პანსიერმა საბრძოლო ხელოვნებაში მოვარჯიშე წითელი ციყვი გადაიღო.

ავსტრალიელი ჯეკი და როუზი

თქვენი არ ვიცი და მზის ჩასვლისას კენგურუების თამაშის (ან ჩხუბის) ფოტომ "ტიტანიკის" ცნობილი სცენა მომაგონა.

"ჩემს ცხოვრებაში გასაღიმარი არაფერია"

ფინელმა ფოტოგრაფმა ელისონ ბუტიგიეგმა კენიელი ლომის ეს საინტერესო გამომეტყველება აღბეჭდა.

მოგესალმებით!

როგორც ჩანს, ეს ენოტი ფლორიდის სანაპიროზე, ფოტოებისთვის პოზების შერჩევას უკვე მიეჩვია.

თევზების სელფი

როგორც ჩანს, თევზების ეს სახეობა (Ballistes capriscus), ენოტის მსგავსად, ფოტოების გადაღებას მიჩვეულია.

არც თუ საუცხოო რეფლექსები

სერენგეტელი (ტანზანია) 3 თვის ბოკვერი ხიდან ჩამოსვლისას ასეთ პოზაში აღმოჩნდა. საბედნიეროდ, ბოკვერს არაფერი დაშავებია და რამდენიმე სხვა მეგობართან სათამაშოდ გაიქცა.

მრბოლელი ზებრა

ბრიტანელმა ვინს ბარტონმა ეს კენიელი ზებრა უჩვეულო პოზაში დააფიქსირა.

დაგახრჩობ!

სამხრეთ აფრიკელმა ფოტოგრაფმა სამხრეთ აფრიკის კალაჰარის ბილიკების ნაკრძალში ეს სურიკატები გადაიღო. "ჩემ მიერ შერჩეულ ფოტოში არ არის აგრესია, არამედ იმგვარი ურთიერთქმედებაა, რომელიც გვახსენებს ადამიანებს — მაგალითად, როცა მეგობარი შენზე იხუმრებს და ვითომ მის დახრჩობას გადაწყვეტ, საპასუხოდ კი ის პირს აღებს", — განმარტა ფოტოგრაფმა.

უკაცრავად... უკაცრავად!

ფოტოგრაფმა რაიან სიმსმა ვაშინგტონის ხუანიტა ბეის პარკში გადაიღო იხვის ჭუკი, რომელიც წყალზე გადასასვლელად კუებს იყენებდა.

თვალის ჩაკვრა

ინდოელმა ფოტოგრაფმა მილიდან ამომძვრალი ბუ "თვალის ჩაკვრისას" გამოიჭირა.

მეჩქარება!

ხორვატიაში დაფიქსირებულ ამ გედს, როგორც ჩანს, მეგობრისთვის ცხელ-ცხელი ამბები ჰქონდა მოსაყოლი.

საჭმლის ქურდი

ამ კაზუარმა ქუინსლენდში (ავსტრალია) პიკნიკზე წასული ადამიანები შეაშინა. "ხანჯლისმაგვარი კლანჭებით შეიარაღებული და ხშირად აგრესიული ტერიტორიაზე შემოჭრილებისა და თავდამსხმელების მიმართ, კაზუარები პატივისცემას ითხოვენ და ადამიანების უმეტესობა მათგან უსაფრთხო დისტანციას იცავს", — აღნიშნა ფოტოგრაფმა ლინკოლნ მაკგრეგორმა. "რამდენიმე დღე გავატარე მათი ქცევის ფოტოგრაფიასა და დოკუმენტირებაში ეტის ყურეში, სადაც ეს გარეული ფრინველები რეგულარულად შედიან ადამიანებთან კონტაქტში და ადამიანებთან მიახლოება მათთვის უკვე კომფორტულია."

უხერხული ღიმილი

ენოტისა და თევზებისგან განსხვავებით, როგორც ჩანს, ეს ლოსი ფოტოების გადაღებას მიჩვეული არაა.

სტომატოლოგი ყანჩა

სამხრეთ აფრიკის კრუგერის ეროვნული პარკის ამ ფოტოზე კადრი ისეთი პერსპექტივითაა წარმოჩენილი, თითქოს ყანჩა (რომელიც ჰიპოპოტამის ზურგზე დგას) მალე ჰიპოპოტამის საუზმე გახდება.

დედობა რთულია

როგორც ჩანს, დედა მაიმუნებსაც აქვთ ასეთი მომენტები. პატარა გრძელკუდიანი მაკაკა (Macaca fascicularis) ეხუტება დედას, რომელსაც, როგორც ჩანს, ჩახუტების ნაცვლად, დასვენება უნდა.

სალამი!

დათვის ბელმა ფოტოგრაფ დეივ შაფერს ხელი დაუქნია.

თავხედი ციყვი

ჭუციუეს ეროვნულ პარკში მცხოვრებმა ციყვმა ფოტოგრაფ ლი ჭენგსინგს ენა გამოუყო.

აგენტი ბუ

ბულგარეთში ფოტოგრაფ ლუკას ზემანს პატარა ბუ ძველი სახლის საკვამურიდან ზვერავდა.

ერთი კაციც და...

ფარნის კუნძულებზე მცხოვრები ეს Uria aalge დასაშვებად უსაფრთხო ადგილს ეძებს.

უთავო მხედარი

ეს იმპერატორი პინგვინი (Aptenodytes patagonicus), ერთი შეხედვით, უთავოდ გამოიყურება.

შეუპოვარი თევზი

ფოტოგრაფი ჯონ ჩანის თქმით, ამ შეუპოვარმა ორაგულმა სადილად ყოფნას დათვთან ბრძოლა არჩია.

ბევრი მოუვიდა

ნიდერლანდელმა ფოტოგრაფმა პოლ ეიკემანსმა გადაიღო Rhinecanthus aculeatus, რომელმაც მარჯნის ნარჩენები აღებინა.

ფეხბურთელი ქორი

ონტარიოში (კანადა) ქორი გირჩით თამაშისას გადაიღეს.

გაბეზრებული დათვი

მურა დათვის ეს ქვესახეობა (Ursus arctos beringianus) გვხვდება მხოლოდ კამჩატკას ნახევარკუნძულსა და მიმდებარე კუნძულებზე. იტალიელმა ფოტოგრაფმა პაოლო მინოზამ დათვი მდინარის მახლობლად თამაშისას დააფიქსირა.

როცა გექავება

კალიფორნიის ველური ბუნების თავშესაფარში მცხოვრები ციყვი ფოტოგრაფმა კევინ ლოჰმანმა ჯოხზე ქავილისგან გათავისუფლების მცდელობისას გადაიღო.