როცა მაღაზიაში სარეცხი და საწმენდი საშუალებების შესაძენად შევდივართ, ხშირად იმაზე დიდი არჩევანი გვხვდება, ვიდრე ველოდებით. რა თქმა უნდა, ბაზარზე მსგავსი პროდუქტების მწარმოებელი არაერთი ბრენდი არსებობს. თუმცა, მათ წარმოებულ საშუალებებს შორის ხშირად ბევრი განსხვავებაა. სწორედ ამ განსხვავებებს უნდა მივაქციოთ ყურადღება, როცა პროდუქტის შერჩევას ვცდილობთ. ამ სტატიაში რამდენიმე რჩევით კი დაგეხმარებით, არჩევანის გაკეთება გაგიადვილოთ.

1. გაითვალისწინეთ, რა რისთვის გჭირდებათ

საწმენდი საშუალებები, რა თქმა უნდა, მრავალი სახის არსებობს. თუმცა, ზოგჯერ ალბათ დაუფიქრებლადაც ვყიდულობთ მათ — ახლობლის რჩევით ან, უბრალოდ, რეკლამიდან მიღებული ინფორმაციით. მნიშვნელოვანია, პროდუქტის შეძენამდე მასზე ინფორმაცია მოიძიოთ და მხედველობაში მიიღოთ მისი დანიშნულება. ამით თავიდან აირიდებთ მოულოდნელ უსიამოვნებას — მაგალითად, როცა აღმოაჩენთ, რომ შეძენილი საწმენდი საშუალება ზოგიერთ ზედაპირს ვერ ასუფთავებს.

სხვათა შორის, ინფორმაციის მოძიების პროცესში შეგიძლიათ გაეცნოთ სხვა მომხმარებლების შეფასებებს, შემდეგ კი არჩევანი რამდენიმე საშუალებას შორის გააკეთოთ.

2. აუცილებლად გაიგეთ პროდუქტის შემადგენლობა

ფოტო: Rich Daley / Dribbble

ყველაზე მნიშვნელოვანი, რაც საწმენდი საშუალებების ყიდვისას უნდა გაითვალისწინოთ, მისი შემადგენლობაა. აუცილებელია, ეტიკეტზე დატანილი იყოს ყველა ინგრედიენტი, რომელსაც პროდუქტი შეიცავს. შესაძლოა, შეფუთვა გეუბნებოდეთ, რომ საშუალება უსაფრთხოა, მაგრამ გამჭვირვალობა მაინც აუცილებელია, პროდუქტის შემადგენლობის გამოტოვება კი — საფრთხილო.

3. უპირატესობა მიანიჭეთ ეკომეგობრულ საშუალებებს

21-ე საუკუნეში საწმენდი საშუალებების შეფასებისას ერთ-ერთი მთავარი ფაქტორი ისაა, თუ რა გავლენას ახდენს პროდუქტი ეკოლოგიაზე. თუმცა, არცთუ იშვიათად მათ შემადგენლობაში შედის ისეთი ქიმიური ნივთიერება, რომელიც მალევე ხვდება ცოცხალ გარემოში და აზიანებს ბუნებას. ეს საფრთხე ქიმიკატების წყალში შერევით წარმოიშობა. ამდენად, უმჯობესი იქნება, თუკი ეტიკეტზე შემადგენლობის გარდა პროდუქტის სხვა მახასიათებლებსაც შეავლებთ თვალს და არჩევანს ეკომეგობრულ საშუალებაზე შეაჩერებთ.

4. გაითვალისწინეთ პროდუქტის ეკონომიურობა

ფოტო: Viktoriya Bellinio / Dribbble

სარეცხი და საწმენდი საშუალებები, რა თქმა უნდა, აუცილებელი მოხმარების პროდუქტებია, შესაბამისად, მათი შეძენა გარკვეულ პერიოდში რამდენჯერმე მაინც გვიწევს. ასეთ მნიშვნელოვან პროდუქტზე ფულის დაზოგვა იმ მიზნით, რომ ყველაზე იაფი საშუალება ვიყიდოთ, ცხადია, არ ღირს. თუმცა, შეგიძლიათ ეკონომიურობის ფაქტორი გაითვალისწინოთ — მისი მოცულობისა და ღირებულების თანაფარდობა. ამაში შედის ისიც, თუ რამდენად სწრაფად და იოლად ასრულებს პროდუქტი თავის საქმეს.

5. დაბოლოს — გაითვალისწინეთ, რა გავლენა აქვს პროდუქტს სახლსა და ოჯახის წევრებზე

უკვე ვთქვით, რომ საწმენდი საშუალებების ინგრედიენტებს განსაკუთრებული ყურადღება უნდა მიაქციოთ. თუმცა, შეიძლება არც იცოდეთ, რა გავლენა ექნება ამა თუ იმ შემადგენლობის მქონე პროდუქტს თქვენს სახლსა და ოჯახის წევრებზე. ამდენად, უმჯობესია, თავი დაიზღვიოთ და ანტიალერგიული საშუალება არჩიოთ, რადგან ყველაზე მნიშვნელოვანი, რა თქმა უნდა, თქვენი და ოჯახის, განსაკუთრებით კი, ბავშვების ჯანმრთელობაა. ოჯახში ჩვენი ოთხფეხა მეგობრებიც მოიაზრებიან — აუცილებლად მიიღეთ მხედველობაში მათი კეთილდღეობა და გაიგეთ, როგორ დაიცვათ ისინი გამოყენებული საშუალებების ზემოქმედებისგან.

სტატიას წარმოგიდგენთ ეკოლოგიურად სუფთა სარეცხი და საწმენდი საშუალებები გერმანიიდან: fit-gmbh არის სარეცხი და საწმენდი საშუალებების მწარმოებელი კომპანია 55-წლიანი გამოცდილებით. პროდუქცია 100%-ით წარმოებულია გერმანიაში.
fit-gmbh-ის ეკო ხაზის პროდუქცია Grüne Kraft არის ყველასათვის ხელმისაწვდომი ეკოლოგიურად სუფთა საწმენდი და სარეცხი საშუალებები. Grüne Kraft-ის ხაზის პროდუქცია ფლობს საერთაშორისო ხარისხის და ეკოსერტიფიკატს - EU Ecolabel.