შრი-ლანკის პრემიერმინისტრი მზადაა, თანამდებობა დატოვოს

პროტესტის ფონზე რანილ ვიკრემისენგე წერს, რომ იზიარებს პარტიის ლიდერების რეკომენდაციას და მზადაა გადადგეს.

რატომ არის მნიშვნელოვანი: აქციის მონაწილეები მთავრობის გადადგომას ითხოვენ. ქვეყანა ეკონომიკური კრიზისის წინაშეა, რაშიც ბევრი პრეზიდენტ გოტაბაია რაჯაპაქსას ადანაშაულებს.

დემონსტრანტები დღეს, 9 ივლისს პრეზიდენტის რეზიდენციაში შეიჭრნენ. ასევე შევიდნენ პრემიერმინისტრის რეზიდენციასა და ფინანსთა სამინისტროს შენობაშიც.
ამ დროისთვის გადადგომის შესახებ მხოლოდ პრემიერმინისტრმა გააკეთა კომენტარი თუმცა ოფიციალური დოკუმენტი გადადგომის შესახებ ჯერ არ წარუდგენია შესაბამისი უწყებისთვის.

To ensure the continuation of the Government including the safety of all citizens I accept the best recommendation of the Party Leaders today, to make way for an All-Party Government.

To facilitate this I will resign as Prime Minister.
— Ranil Wickremesinghe (@RW_UNP) July 9, 2022

დეტალები: აქციაზე, სულ მცირე, 55 ადამიანი დაშავდა, მათ შორის, არის ერთ-ერთი დეპუტატიც.

მედია თავდაცვის სამინისტროს ორ წყაროზე დაყრდნობით წერს, რომ პრეზიდენტს შენობა პარასკევს, შაბათ-კვირას დაგეგმილი საპროტესტო აქციების წინ დაატოვებინეს.

CNN წერს, რომ თუ პრეზიდენტი და პრემიერმინისტრი გადადგებიან, შრი-ლანკის კონსტიტუციის მიხედვით, პრეზიდენტის მოვალეობის შემსრულებელი 30 დღის განმავლობაში დაიკავებს მის ადგილს.