წლიდან წლამდე სასტუმროს მენეჯმენტის სპეციალისტებზე მოთხოვნა იზრდება, რაც ამ სფეროში დასაქმებულთა რაოდენობაზეც აისახება. 2022 წლის მონაცემებით, სასტუმროს მენეჯმენტის ინდუსტრიაში 330 მილიონამდე ადამიანია დასაქმებული და ექსპერტები ვარაუდობენ, რომ ეს რიცხვი კიდევ უფრო გაიზრდება.

თუ სწორედ ამ პროფესიის დაუფლება გსურს და SOLO-ს მომხმარებელი უკვე ხარ ან ამას უახლოეს მომავალში გეგმავ, შენთვის სასიამოვნო სიახლე გვაქვს. SOLO-ს სასტუმროს მენეჯმენტის სფეროში ერთ-ერთ წარმატებულ უნივერსიტეტ Les Roches-სთან ერთად შენთვის სპეციალური შემოთავაზება აქვს.

Les Roches-ს უნივერსიტეტი, რომელიც შვეიცარიაში მდებარეობს, სასტუმროს მენეჯმენტის განხრით ერთ-ერთი მოწინავეა მსოფლიოში. იგი სასტუმროს მენეჯმენტის სფეროს საუკეთესო სამეულში შედის. Les Roches-ს უნივერსიტეტი ასევე NECHE-ს აკრედიტაციით სარგებლობს.

ფოტო: Les Roches

Les Roches-ს უნივერსიტეტში დასაქმებულ ადამიანთა უმეტესობა ტურიზმის სექტორში წარმატებული პროფესიონალები არიან. უნივერსიტეტი სტუდენტებს საშუალებას აძლევს, სასტუმროსა და მისი ყოველი დეპარტამენტის ოპერირება საფუძვლიანად შეისწავლონ.

Les Roches-ს და SOLO-ს სპეციალური შეთავაზება პირველ ხუთ აპლიკანტზე გავრცელდება. სასწავლო პროგრამებიდან კი 3 სამაგისტროა, ხოლო 2 საბაკალავრო. თითო პროგრამაზე პირველი დარეგისტრირებული აპლიკანტი კი 40-დან 50%-მდე ფასდაკლებას მიიღებს. პროგრამების ჩამონათვალი კი ასეთია:

  • Post Graduate Executive Diploma in International Hotel Management

პროგრამა სტუდენტებს საშუალებას აძლევს, ტოპ სასტუმროების მენეჯმენტის მართვაში გამოცდილება კიდევ უფრო გაიღრმაონ. პროგრამა 6 თვის განმავლობაში გაგრძელდება, ხოლო მისი ფორმატი ჰიბრიდული იქნება. სწავლის დასრულების შემდეგ სტუდენტები 6-თვიანი სტაჟირების გავლას შეძლებენ.

  • Master’s in International Hotel Management

სამაგისტრო პროგრამა მოიცავს სასტუმროს მენეჯმენტის უახლესი სტრატეგიების შესწავლასა და ლიდერობის უნარების განვითარებას. ვისაც სასტუმროს მართვაში უკვე აქვს გამოცდილება ან ძველი პროფესიის შეცვლა გადაწყვიტა, ამ პროგრამის მეშვეობით სწორი მენეჯმენტისა და მართვისთვის საჭირო უნარებს შეიძენს. გარდა ამისა, პროგრამა გულისხმობს სტაჟირებასაც, რაც თეორიული მასალის პრაქტიკაში გამოცდის შესაძლებლობას იძლევა.

ფოტო: Les Roches

  • Post Graduate Diploma in International Hospitality Management

ეს პროგრამა უზრუნველყოფს, რომ სტუდენტებმა საერთაშორისო მასპინძლობის მენეჯმენტში სიღრმისეული ცოდნა და გამოცდილება დააგროვონ. გარდა ამისა, სტუდენტებს ხშირად მოუწევთ საქმიანი მოგზაურობა და 6-თვიანი პროფესიული სტაჟირების გავლა.

  • Glion University — BBA in International Hospitality Business

საბაკალავრო პროგრამა 7 სემესტრს მოიცავს და 3,5 წლის განმავლობაში გრძელდება. კურსდამთავრებულები არა მხოლოდ საერთაშორისო მასპინძლობის ინდუსტრიის განხრით მიიღებენ ცოდნას, არამედ იმ სფეროებშიც გაიუმჯობესებენ უნარებს, რომლებიც მომხმარებელთან ურთიერთობას უკავშირდება. ბოლო სემესტრში სტუდენტი სამომავლო სპეციალობას თავად ირჩევს.

  • Les Rosches — BBA in Global Hospitality Management

საბაკალავრო პროგრამა მოიცავს როგორც საერთაშორისო მასპინძლობის მენეჯმენტის შესწავლას, ასევე ბიზნესის მიმართულებით ცოდნისა და გამოცდილების მიღებას. სწავლის ხანგრძლივობა 7 სემესტრია. სასწავლო გეგმა მარკეტინგის, ეკონომიკის, გაყიდვებისა და მომსახურების სფეროში ძირითადი უნარების გამომუშავებას გულისხმობს.

ფოტო: Les Roches


რადგან 40%-დან 50%-მდე ფასდაკლება პროგრამაზე დარეგისტრირებულ მხოლოდ პირველ აპლიკანტზე ვრცელდება, ამიტომ უმჯობესია, იჩქაროთ. აღსანიშნავია, რომ გარდა პირველი 5 აპლიკანტისა, SOLO მომხმარებელს აქვს შესაძლებლობა, ისარგებლოს 10%-იანი ფასდაკლებით ყველა პროგრამაზე 2023 წლის მარტის ჩათვლით.

SOLO თავის მომხმარებელს პერსონალურ საბანკო მომსახურებასთან ერთად განსაკუთრებულ Lifestyle შეთავაზებებსაც სთავაზობს. ყოველდღიურად შესაძლებელია ისარგებლოთ ისეთი შეთავაზებებით, უპირატესობებითა და უნიკალურ გამოცდილებით, რომელიც თქვენს ინტერესებზეა მორგებული.

მეტი ინფორმაციის მისაღებად ეწვიე ბმულს.