ეს შოუ რომ დავიწყეთ, სიტყვა "გეის" თქმაც კი არ შემეძლო — როგორ დაემშვიდობა ელენი მაყურებელს 19 წლის შემდეგ
ეკრანზე გატარებული 19 წლის შემდეგ ცნობილი ამერიკული ტელეგადაცემა, ელენის შოუს, დაიხურა. გადაცემის ბოლო ეპიზოდი ცოტა ხნის წინ გავიდა ეთერში. მისი ავტორი და წამყვანი ელენ დეჯენერესი კი მაყურებელს ემოციურად დაემშვიდობა.
ჯერ კიდევ გასული წლის მაისში გახდა ცნობილი, რომ ელენის შოუ მომდევნო სეზონით დასრულდებოდა. ერთი მხრივ, ამის მიზეზი კონტრაქტის ამოწურვაა, მეორე მხრივ კი — შოუს და მისი წამყვანის რეპუტაციის შელახვა რასიზმისა და შევიწროების ბრალდებების შემდეგ.
გადაცემის ფინალური ეპიზოდის მონოლოგში დეჯენერესმა ყურადღება გაამახვილა, თუ როგორ შეიცვალა სამყარო ლგბტქ ადამიანების მიმართ ბოლო ორი ათწლეულის განმავლობაში.
"20 წლის წინ, როცა შოუს გაყიდვას ვცდილობდით, არავის ეგონა, რომ ეს გამოვიდოდა", — ჰყვება ელენი, — "იმიტომ კი არა, რომ შოუ იყო განსხვავებული, იმიტომ, რომ მე ვიყავი განსხვავებული. ეს გადაცემა რომ დავიწყეთ, სიტყვა 'გეის' თქმაც კი არ შემეძლო. ამის უფლება არ მქონდა. ვერ ვამბობდით 'გეის'. ვერც სიტყვას 'ჩვენ', რადგან ეს მიუთითებდა, რომ მე ურთიერთობა მქონდა. რა თქმა უნდა, არც 'ცოლის' ხსენება შემეძლო, რადგან მაშინ გეი ადამიანებს ქორწინება არ შეეძლოთ. ახლა კი სულ 'ცოლს' ვიძახი".
დეჯენერესმა ასევე აღნიშნა, რომ 25 წლის წინ მისი სიტკომი იმიტომ დახურეს, რომ "არ სურდათ, ლესბოსელი ყოველკვირეულად გამოჩენილიყო ტელეეკრანზე".
"კარგი, მაშინ ყოველდღე ვიქნები ეთერში. ამაზე რას იტყვით?"
მონოლოგის დასრულების შემდეგ ელენმა თავის DJ-სთან ერთად იცეკვა. ამის მერე კი სტუმრების ჯერიც დადგა. ფინალურ გადაცემაში პირველი ეპიზოდის სტუმარი, მსახიობი ჯენიფერ ენისტონი, მოიწვიეს. ენისტონი ელენის შოუში ჯამში 20-ჯერ იყო.
გადაცემის მეორე სტუმარი მომღერალი ბილი აილიში აღმოჩნდა, რომელიც შოუში პირველად 2018 წელს, 16 წლის ასაკში გამოჩნდა.
"ძალიან მეშინოდა", — გაიხსენა ბილიმ პირველი ვიზიტი ელენთან, — "ეს შოუ ჩემი დაბადებიდან ერთი წლის შემდეგ დაიწყე. სულ ჩემს სახლში იყავი, ყოველდღე. სამზარეულოში რომ შევდიოდი, დედა შენ გიყურებდა ხოლმე".
აილიშის შემდეგ ფინალურ ეპიზოდში P!nk ვიხილეთ, რომელმაც შოუში ბოლო მუსიკალური პერფორმანსი შეასრულა.
"უცნაური გრძნობაა, რადგან დიდი ხანია, გიცნობ და ჩემს ცხოვრებაში ბევრს ნიშნავ, მაგრამ ყველას ცხოვრებაშიც ასეა", — განაცხადა პოპვარსკვლავმა, — "მომღერლობა სამყაროს უკეთესობისკენ შესაცვლელად მინდოდა. შენ კი ეს ბევრი მხრივ მოახერხე. შეიძლება მე ადამიანებს ტკივილის პოვნაში ვეხმარები. შენ კი მათ ბედნიერებას აპოვნინებ ხოლმე".
დასასრულს ელენმა მადლობა გადაუხადა თავის თანამშრომლებსა და შოუს პროდიუსერებს. ამის შემდეგ კი მან კიდევ ერთხელ მიმართა მაყურებელს.
"თუკი რამე გამიკეთებია ბოლო 19 წლის განმავლობაში, იმედია, გიბიძგეთ, რომ თქვენი თავი იყოთ. თქვენი ნამდვილი თავი", — განაცხადა ელენმა, — "და თუკი ვინმეს ჰყოფნის გამბედაობა, რომ გითხრათ, ვინ არის, თქვენც გამოიჩინეთ სიმამაცე და მხარი დაუჭირეთ მას, მაშინაც კი, თუ მისი არ გესმით. ისინი ხომ გაჩვენებენ, ვინ არიან სინამდვილეში, ეს კი ყველაზე დიდი საჩუქარია, რომლის ჩუქებაც შეუძლიათ. თქვენი გულისა და გონების კარის გაღებით უფრო თანამგრძნობი გახდებით. თანაგრძნობა კი ისაა, რაც სამყაროს უკეთეს ადგილად აქცევს. დიდი მადლობა, რომ ამ მოგზაურობაში გამომყევით. თქვენს სიყვარულს ვგრძნობ და პასუხადაც იმავეს გიბრუნებთ. ნახვამდის".
შოუს პირველი გადაცემა გაიხსნა კადრით, სადაც ელენი სავარძელში იჯდა და ტელევიზორში საკუთარ თავს უყურებდა. ამჯერად, ფინალურ ეპიზოდში, იგი სავარძელში დაბრუნდა და ტელევიზორი გამორთო.
-
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვააზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია აზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია
-
კომენტარები